Elikadura iraunkorraren aldeko merkataritza-sarea

Elikagaien iraunkortasunaren aldeko saltokien lankidetza-sarea.

Getxoko Udaleko ekonomia sustatzeko arloak proiektu bat jarri du abian, elikagaien iraunkortasunaren aldeko apustua egiten ari den merkataritza sustatzeko, eta, horretarako, tokiko saltokien elkarlaneko sare bat bultzatu du.

2022ko otsailean eta martxoan, proiektuaren lehen jarduketa egin da, ekimenean interesa duten eta elikagaien jasangarritasunaren aldeko lokalen sareko kide izan nahi duten elikadura-saltokiak identifikatzeko. Udalerrian dauden 186 elikagai-establezimenduetako 83 saltokik adierazi dute interesa ekimenean, hau da, guztizkoaren % 45ek. Negozio horien % 97rentzat jasangarritasuna benetan alderdi garrantzitsua da.

Ondoren, 3 tailer parte-hartzaile egin dira, saltoki-sarearen lan-oinarriak elkarrekin sortzeko. Fase honetan 10 saltokitako trakzio-talde bat ari da parte hartzen, eta honako hau ezarri dute:

  • Sare hori eratzearen helburu nagusia beste kontsumo mota bat sustatzea da, maila globalean elikagaiak ekoizteak dakarrenaz kontzienteagoa dena, eta elkarrengandik ikasiz batera jardun ahal izatea.
  • Sarean parte hartu ahal izateko irizpideen artean nabarmentzen da tokiko merkataritza txikia izan behar duela eta egiteko modu batzuk aldatzeko prest egon behar duela, elkarrekiko errespetuan eta lankidetzan oinarrituta.
  • Tokiko merkataritzan garatu behar diren funtsezko arloak hauek dira:
    - Hurbileko produktua
    - Zero xahutzea
    - Ekoizpen ekologikoa
    - Sasoiko produktua
    - Ekonomia zirkularra
    - Elikadura osasungarria
    - Kontsumo arduratsua

Lantalde horrek tokiko merkataritzaren lehentasunezko 2 erronka identifikatu ditu, sare hori eraikitzen hasteko:

  • Sentsibilizazioa eta prestakuntza sustatzea
  • Tokiko banaketa iraunkorra

Elikadura saltoki bat baduzu eta ekimenarekin bat egin nahi baduzu edo edozein kontsulta egin nahi badiguzu, gurekin harremanetan jar zaitezke.

Jarraian, prozesuaren dokumentazio guztia kontsulta dezakezu:

Euskadi gastronomika

« Programetara itzuli

...

Getxo Elkartegia

Ogoño Kalea, 1
48930 (Areeta) Getxo

Telefonoa: 94 466 01 40
Email: getxolan@getxo.eus

Ordutegia

Astelehenetik ostegunera: 08:30- 18:30
Ostiraletn: 08:30- 15:00
Abuztuan: 8:30 - 14:00

@getxolan
@getxolan
getxolan