Prebentzioa komunitate eremuan

Gune hauetako esku-hartze zehatzek, hezkuntza ala familia bezalako beste eremuetako indar hezitzailea ez badute ere, arriskuen murrizte filosofiaren araberako esku-hartzeak ahalbidetzen dituzte, arrisku-erabilerak eta berehalako ondorioak (trafiko istripuak, sexu-portaera ez desiratuak, lesioak edo borrokak) zein epe erdiko bestelako ondorioak gutxituz.

Gauzak horrela, gure udalerrian klase ugariko ekintzek bat egiten dute gazteentzako aisi-guneetako dibertimenduzko kontsumoei lotutako arriskuen eta kalteen murrizketaren helburu komunean, baita bestelako jasotzaileei zuzendurikoetan, hala nola erretzeko ohiturari lotutakoak ala nerabeen sexualitatearen kudeaketarakoak.

Prebentzio kontrolak jaietan

Aisiaz eta astialdiaz gozatzeko gazteen joerek kontsumo modu berriak dakartzate asteburuko jai-inguruneetan, hala nola dantzalekuetan, makro-dantzalekuetan, herrietako jaietan, eta abar. Espazio hauek arrisku-faktore bihurtzen dira hainbat arrisku-portaera ezberdin ahalbidetzen  ala errazten dituztelako: norbanakoen jokaeren artean, adibidez, dosiak errepikatzea, drogak nahastea edo denbora laburrean alkohol kopuru handiak edatea; taldeko jokaeren artean, aldiz, konpartitzea, lehiatzea, gonbidatzea ala legez kanpo saltzea (trapitxeoa).

Horregatik, Getxoko Udaleko Gazteria Arloa eta Gizarte Zerbitzuen Arloa, Eusko Jaurlaritzako Adikzioen Zuzendaritzarekin lankidetzan, alkohola eta beste droga mota batzuk jaietan kontsumitzeari lotutako arriskuak murrizteko ekimen honen sustatzaile dira. Helburu orokorra substantzien dibertimenduzko kontsumoari loturiko arriskuak eta kalteak murriztea da, bereziki gazteen artean, kalean eta jai-guneetan.

Ekimenak, borondatezko alkoholemia-kontrolak alde batetik eta, bestetik, droga-substantzien analisirako eta informazioa emateko furgoneta-karpa bat (Testing programa) jartzean datza.

Bi ekimenak udalerriko jaietan egiten dira: Paellak, Algorta, Erromo eta Portu Zaharreko jaietan, normalki gauez (0:00etatik 03:00etara).

Tabakoa erretzeari uzteko programa

Erretzeko ohitura saihestu daitezkeen gaixotasunen eta heriotza goiztiarren arrazoi nagusitzat hartzen denez, 2012az geroztik jarduera ezberdinak garatu dira udalerrian erretzeari uzten laguntzeko.

Tabakoa erretzeari uzteko programa bezalako esku-hartzeekin, biztanleria tabakoaren kontsumoak dakartzan kalteez sentsibilizatzeaz gain, erretzeari utzi nahi dioten pertsonei laguntzeko mekanismo egokiak eta beharrezko baliabideak sustatu nahi dira.Adibidez, profesional baten laguntza jasotzea, profesional horrek etengabeko euste eta indartzeari jarraipena egin diezaien, euren helburua lortze bidean. 

Era berean, erretzeari uzteko lagungarriak izango zaizkien baliabideak, jarraibideak eta tresnak eskura ditzatela eta, lortu ez arren, esperientzia hurrengo saiakera baterako aukera gisa har dezatela.

Ekimen hauen bidez, osasun arloko esku-hartzeak osatu nahi dira Osakidetzarekin sinergian, bai prebentzio-alderdiari dagokionez (Kerik Gabeko Gelak programaren bidez), baita erretzeari uztekoari dagokionez ere, udalerrian tabako-kontsumoari aurre egiteko ekintzen eraginkortasun maila optimizatuz. 

Ikastaro guztiek 60-90 minutuko 10 saio dituzte, eta metodologia berdina da kasu guztietan: lehenengo saioan informazioa ematen da eta interesa duen edonori irekia dago. Hamargarren saioa, gogoratzekoa, 2-3 hilabete igaro ondoren egiten da.