LEGERIA, ESTRATEGIAK ETA PLANAK
Hezkuntzaren arloko legedia eta intereseko estekak
Atal honetan, hezkuntzarekin eta udal-eskumenekin lotutako oinarrizko araudia jasotzen da, bai eta Getxoko ikasleentzat, familientzat eta hezkuntza-komunitatearentzat interesgarriak diren zerbitzu, baliabide eta jarduera publikoen hautaketa bat ere. Izena emateko epeak, deialdiak eta programak ikasturte batetik bestera alda daitezke; horregatik, esteka ofizialak aldian-aldian kontsultatzea gomendatzen da.
- 76/2008 Dekretua, maiatzaren 6koa: Euskal Autonomia Erkidegoko unibertsitateaz kanpoko irakaskuntza-eraikin eta -instalazio publikoak ikastetxeen urteko programazioetan sartuta ez dauden hezkuntza-, kirol-, kultura- edo gizarte-jardueretarako erabiltzea arautzen du.
- 77/2008 Dekretua, maiatzaren 6koa: toki-erakundeen jabetzako eskola-eraikin publikoak erabiltzeko araubide juridikoa arautzen du, haien kontserbazioarekin, mantentzearekin eta zaintzarekin lotutako alderdiak barne.
- 17/2023 Legea, abenduaren 21ekoa, Euskal Autonomia Erkidegoko Hezkuntzarena: Euskal Hezkuntza Sistemaren esparru orokorra ezartzen du.
- 2/2006 Lege Organikoa, maiatzaren 3koa, Hezkuntzari buruzkoa: Espainiako hezkuntza-sistema arautzen duen Estatuko oinarrizko araua da. Estekak BOEren euskarazko interfazera eramaten du; arauaren testu ofizial osoa ez dago euskaraz eskuragarri.
- 3/2020 Lege Organikoa, abenduaren 29koa —LOMLOE—: Hezkuntzari buruzko Lege Organikoa aldatzen du eta gaur egun aplikatzekoa den hezkuntza-esparrua ezartzen du.
- 2/2016 Legea, apirilaren 7koa, Euskadiko Toki Erakundeei buruzkoa: Euskadiko udalen autonomia, antolaketa eta eskumenak arautzen ditu.
- Euskadiko hezkuntza-araudia eta curriculumaren garapena: Eusko Jaurlaritzaren ataria, hezkuntza-etapa bakoitzeko araudia, curriculum-dekretuak eta irakaskuntzen antolamenduari buruzko informazioa kontsultatzeko.
- 77/2023 Dekretua, maiatzaren 30ekoa: Oinarrizko Hezkuntzaren curriculuma zehaztu eta Euskal Autonomia Erkidegoan ezartzen du.
- 381/2024 Dekretua, azaroaren 19koa: Eusko Jaurlaritzako Hezkuntza Sailaren egitura organikoa eta funtzionala ezartzen du.
- Heziberri 2020: Euskal hezkuntza-sistema hobetzeko erreferentziazko plana da, eta gaitasunetan oinarritutako hezkuntza, berrikuntza pedagogikoa, inklusioa eta euskararen ardatzeko eleaniztasuna sustatzen ditu.
- Ikaskuntza eta Hezkuntza Berrikuntza: curriculum-garapena, indartze-programak, hezkuntza-komunitatearen prestakuntza, eraldaketa digitala, eleaniztasuna, euskara eta hezkuntza-berrikuntzako bestelako baliabideak biltzen dituen ataria.
- 2030erako Euskadiko Jasangarritasunerako Hezkuntza Estrategia: jasangarritasunaren kultura, ikaskuntza aktiboa eta hezkuntza-komunitatearen nahiz gazteen parte-hartze arduratsua sustatzeko jarduera-esparrua.
- Bizkaia Gazteak: Bizkaiko Foru Aldundiaren gazteentzako ataria, bekak, prestakuntza, jarduerak, partaidetza, mugikortasuna eta bestelako baliabide publikoak kontsultatzeko.
- Gazteekin Bizkaia Egiten: gazteei eta ikastetxeei zuzendutako orientazio-baliabide osagarria, etorkizuneko ikaskuntza-, prestakuntza- eta lanbide-ibilbideetarako gaitasunak lantzeko.
- Getxoko Udaleko Hezkuntza Zerbitzua: udaleko hezkuntza-zerbitzu, jarduera, laguntza eta baliabideei buruzko informazio orokorra.
- Onarpena eta matrikulazioa Haur Hezkuntzan, Lehen Hezkuntzan eta Derrigorrezko Bigarren Hezkuntzan: prozesua Getxoko Udalaren eskumena ez bada ere, Eusko Jaurlaritzaren esteka ofiziala eskaintzen da, familiek Getxoko ikastetxe publikoetan seme-alabak matrikulatzeko epeak, baldintzak, dokumentazioa eta izapideak kontsulta ditzaten.
- Getxoko udal-liburutegiak: mailegu-, erreserba- eta jarduera-zerbitzuetarako, irakurketa-gomendioetarako eta udaleko gainerako liburutegi-baliabideetarako sarbidea.
- Getxoko liburutegien kokapena eta ordutegiak: Algortako, Villamonteko, Romoko eta San Nikolaseko liburutegiei buruzko informazioa, ordutegiak, helbideak eta harremanetarako datuak barne.
- Liburuen eta bestelako materialen katalogoa eta bilaketa: liburutegi publikoetan eskuragarri dauden liburuak, filmak eta bestelako dokumentuak bilatzeko aukera ematen du.
- Mailegua eta liburutegiko txartela: txartela lortzeari, etxez etxeko maileguari, liburutegien arteko maileguari, erreserbei eta mailegu digitalari buruzko informazioa.
- eLiburutegia: Euskadiko Irakurketa Publikoko Sarearen plataforma digitala da, eta liburutegiko txartelaren bidez liburu elektronikoak, audioliburuak eta ikus-entzunezko edukiak doan eskuratzeko aukera ematen du.
- Ikasturtean zehar seme-alaben hezkuntzako gastu orokorretarako Getxoko familiei eskainiko zaizkien diru-laguntzak emateko deialdia: Getxo Udalaren informazioa eskola-materialerako eta bestelako hezkuntza-gastuetarako laguntzei buruz.
- Unibertsitateaz kanpoko ikasleentzako bekak eta laguntzak: Eusko Jaurlaritzaren informazioa eskola-materialerako, jantokirako, garraiorako eta bestelako hezkuntza-gastuetarako laguntzei buruz.
- Unibertsitateko eta goi-mailako ikasketetarako bekak: Euskadin administrazio-egoitza duten unibertsitateko eta goi-mailako beste ikasketa batzuetako ikasleentzako deialdiak.
- Eskola-garraiorako laguntzak: unibertsitateaz kanpoko ikastetxe publikoetako ikasleentzako eskola-garraiorako banakako esleipenei buruzko informazioa.
- Euskara ikasteko udal-dirulaguntzak: 16 urte edo gehiagoko getxotarrentzat eta 6 eta 15 urte bitarteko haur eta gazteentzat, deialdian ezarritako baldintza ekonomikoak eta asistentzia-baldintzak betez. Helduen kasuan, HABEren laguntza eskatzea ezinbesteko baldintza da.
- HABEren dirulaguntzak eta baliabideak: euskara-maila guztietako ikastaroei, euskaltegiei, ikaskuntza-baliabideei eta indarreko laguntzei buruzko informazioa.
- Getxoko Gazteria Zerbitzua: udaleko gazteria-politikaren garapenaz arduratzen den zerbitzuaren aurkezpena eta gazteentzako udal-programa, baliabide eta arreta-gune nagusietarako sarbidea. Gazteria Zerbitzua Urgull kaleko 4. zenbakian dago, eta Gazte Bulegoa Torrene kaleko 3. zenbakian.
- Gazte Bulegoa – Gazte Informazio Bulegoa: 5 eta 30 urte bitarteko pertsonei zuzendutako doako zerbitzua da; Getxoko gazteentzat interesgarriak diren gaiei buruzko informazioa eta orientazioa eskaintzen ditu, emantzipazioa eta garapen pertsonala errazteko.
- Informazio-bidalketa zerbitzua: gazteentzako jarduerei, prestakuntzari, enpleguari, bekei, lehiaketei, etxebizitzari, mugikortasunari eta bestelako intereseko gaiei buruzko berriak posta elektronikoz edo telefono mugikorrean jasotzeko doako zerbitzua.
- Gaztelekuak: Getxoko gazteentzako topaketa-, aisialdi- eta parte-hartze guneak. Udalak Gauegun gaztelekua Algortan eta Guregune gaztelekua Romon eskaintzen ditu.
- Getxoko udalekuak eta hiri-udalekuak: udaleko udako koloniei, parte hartzeko baldintzei, araudiari, izena emateko epeei eta zerrenden argitalpenari buruzko informazioa.
- Sariak, lehiaketak eta bekak: Getxoko gazteei zuzendutako sari, lehiaketa, beka eta deialdien eskaintza biltzen du, bai eta gazteek proposatutako proiektuak garatzeko laguntza-programak ere.
- Aholkularitza psikologikorako zerbitzua: Getxoko gazteei ongizate emozionalarekin, harremanekin, ikasketekin, familiarekin edo eguneroko zailtasunekin lotutako egoerei aurre egiteko laguntza eta orientazio profesionala eskaintzen dien zerbitzua.
- WANTED programa: gazteek sustatutako ekimen eta proiektu berritzaileak garatzen laguntzen du, aholkularitzaren, laguntza teknikoaren eta deialdi bakoitzean ezarritako finantzaketaren bidez.
- Gazteirudiak: Getxoko gazteek sortutako argazkiak, marrazkiak, ilustrazioak eta bestelako material grafikoak udal-komunikazioan erabiltzeko eskuratzeko deialdia.
- Lonjen programa: gazte-lonjen erabiltzaileen eta auzokoen arteko bizikidetza sustatzeko informazioa, bitartekaritza eta aholkularitza eskaintzen ditu, lokalen erabilera arduratsua eta gatazken prebentzioa bultzatuz.
- Gazteaukera: Eusko Jaurlaritzaren gazteria-ataria, prestakuntzari, enpleguari, mugikortasunari, boluntariotzari, aisialdiari eta gazte-programei buruzko informazioarekin.
- Gazte-txartela: Euskadiko gazte-txartela da, eta garraioan, kulturan, kirolean, prestakuntzan, bidaietan eta beste zerbitzu batzuetan deskontuak eta abantailak eskaintzen ditu.
- Kukupraka Udal Ludoteka: 5 eta 11 urte bitarteko haurrei zuzendutako euskarazko aisialdi hezitzaileko gunea, jolasak, tailerrak eta talde-jarduerak eskaintzen dituena.
- Seme-alabek euskara ikasteko baliabideak: familiei zuzendutako gida, euskararen ikaskuntza eta erabilera sustatzeko baliabide, zerbitzu eta ekimenekin.
- Gazteak eta euskara: gazteentzako euskarazko jarduera, baliabide, ikastaro eta aisialdi-proposamenei buruzko informazioa.
- Getxoko Ingurumen Aretoko hezkuntza-programa: hezkuntza-etapa guztietara egokitutako doako jarduerak eskaintzen ditu, jasangarritasuna, tokiko ingurunearen ezagutza, kontsumo arduratsua eta ingurumen-sentsibilizazioa lantzeko. Programak euskaraz eta gaztelaniaz egin daitezke.
- Andrés Isasi Musika Eskola: musika-irakaskuntzei, instrumentuei, taldeei, matrikulazioari, laguntzei, ikasketa-gelei eta kultura-jarduerei buruzko informazioa.
- Getxo Kirolak: udaleko kirol-instalazioei, abonuei, ikastaroei, igerilekuei, erreserbei, jarduerei eta kirol-programei buruzko informazioa.
- Kultura- eta ekitaldi-agenda: kontzertuak, antzerkia, zinema, erakusketak, tailerrak, familientzako jarduerak eta bestelako kultura-proposamenak.
- Zeugaz Getxo: herritarren partaidetzarako udal-plataforma da; bertan, gazteek partaidetza-prozesuak ezagutu, proposamenak aurkeztu eta udalerrirako ekimenak diseinatzen lagun dezakete.
- PREST! orientazio soziolaboral eta juridikoko zerbitzua: 16 eta 30 urte bitarteko gazteei lanari, prestakuntzari, kontratuei, etxebizitzari, emantzipazioari eta bestelako kontsulta juridikoei buruzko doako orientazioa eskaintzen die.
Matrikulazio-, izen-emate- edo laguntza-eskaeren data zehatzak ezagutzeko, deialdi ofizial bakoitzean argitaratutako informazioa kontsultatu behar da.
Hezkuntza
Urgull kalea 4, 2. solairua
48991 (Algorta) Getxo
Telefonoa: 94 466 00 63
Posta elektronikoa: hezkuntza@getxo.eus