"Kukupraka" Udal Ludoteka

2026-2027 IKASTURTEA: JAKIN BEHARREKOAK

Hauek dira aurtengo ikasturteko hasiera egunak txandaz txanda:

  • Irailak 9, 1. txandakoak (5-6 urte).
  • Irailak 10, osteguna 2. txandakoak (7-8-9 urte).
  • Eta irailak 12, larunbata, 3. Txandakoak (10-11 urte).

 Beraz,

    1. txandakoek astelehenetan eta asteazkenetan zabalik dute Ludoteka arratsaldeko 17:00etatik 20:00etara.

    2. txandakoek astearte eta ostegunetan, 17:00etatik 20:00etara.

    Eta 3. txandakoek larunbatetan 17:00etatik 20:00etara, baina ordutegi hau jardueraren arabera goizez ere izan ahalko da.

 

Eta ostiraletan? Ostiral batean lehentasuna izango dute 1. txandakoek eta hurrengoan 2. txandakoek. Astero email bat jasoko duzue familiek, aste horretako ostiralean parte hartzea interesatuta daudenek izena eman dezaten. Ostegunean jakinaraziko zaie familiei ostiraleko jardueretan parte hartu dezaketen edo ez.

Bazkide izateak ludoteka erabiltzeko aukera ematen du urte osoan zehar, oporraldietan izan ezik, hau da, Gabonetan, Aste Santuan eta udan.

Asistentzia

  • 1. eta 2. txandakoek: gutxienez astean behin ostiralak aparte utzita.
  • Hirugarren txandaren kasuan, gutxienez hilean behin bertaratu beharko da.


Hiru txandetako egutegiak- 2026-2027 ikasturtea

LUDOTEKA: 94 466 03 55 / 688 812 886 (Ludoteka orduetan piztuta). areetakoludoteka@getxo.eus

EUSKARA ZERBITZUA: 94 466 00 10. euskara.zerbitzua@getxo.eus


ARAUDIA

Zer da Ludoteka?

Ludoteka haur eta gaztetxoentzako ekipamendua da. Ludotekaren bidez, batetik, gure umeak aisialdian modu dibertigarrian hezi nahi ditugu, eta, bestetik, umeen artean aisialdian euskararen erabilera sustatu nahi dugu. Bertan aisialdirako hainbat ekintza egiten ditugu: jokoak, tailerrak, lankidetza-jolasak, hainbat motatako dinamikak.