Hobetu zure enpresaren lehiakortasuna jasangarritasunaren bidez, "ENPRESA BERDEA" programari esker

Getxoko Udaleko Ekonomia Sustatzeko Arloak ENPRESA BERDEA programa hurbiltzen die udalerriko enpresei.

Esku orri informatiboa

Proiektuari buruzko informazio gehiago nahi izanez gero: getxolan@getxo.eus / 944660140

Helburu nagusia:

Industria-sarearen trantsizio ekologikoa bultzatzea, Getxoko handizkako industriari, garraioari eta merkataritzari lotutako zerbitzuena, hazkunde ekonomikoaren eredu berriaren eragile gisa, ikuspegi ekologiko integratzaile batetik eta enpresen estrategiarekin lerrokatuta.

Gainera, bigarren mailako helburu hauek lortu nahi dira:

  • Enpresei trantsizio ekologikoaren integrazio estrategikoan laguntzea, alderdi horren bidez beren estrategian.
  • Enpresei trantsizio ekologikoko plana identifikatzen, lehenesten eta hautatzen laguntzea.
  • Enpresei trantsizio ekologikoko mikro proiektuak ezartzen laguntzea.
  • Trantsizio ekologiko errealaren eta enpresetan aplika daitekeenaren arloko irtenbideak eta jardunbide egokiak ematea.
  • Trantsizio ekologikoaren arloko enpresa eta eragile erreferenteen lankidetza indartzea (eragile sektorialak, eragile publikoak eta konponbide-hornitzaileak).

Zein sektoreri zuzenduta dagoen:

  • Industria-enpresak eta lotutako zerbitzuak
  • Logistika
  • Garraioa
  • Handizkako merkataritza
  • Eraikuntza

Hori guztia honako hauek barne hartzen dituen ekintza-multzo baten bidez:

1. Enpresei laguntzea trantsizio ekologikoko mikro proiektuak identifikatzen, garatzen eta inplementatzen, gure programaren bidez* BONO BERDEA.

2. Enpresentzako prestakuntza, 4 tailerreko ziklo baten bidez, jasangarritasunaren bidean hasten laguntzeko.

  •  2025/07/04, ostirala, 09:30_11.00 Trantsizio berdearen aukerak (online) (Dagoeneko burututa)


  • 2025/11/13, asteazkena, 09:15etik 12:00etara. Energia Aurrezteko Ziurtagiriak: Trantsizio Energetikoaren funtsezko tresna

Edukia:

  • Trantsizio energetikoaren testuingurua
  • Eraginkortasuna monetaratzea: EAE
  • Kudeatzaile autonomikoaren zeregina

Tokia: Getxo Elkartegia Ogoño 1 Getxo (Erabilera anitzeko aretoa)

Informazio gehiago

  •  2025/11/18, asteartea, 09:00-10:30 online TAXONOMIA BERDEA (online)

Taxonomiaren helburua da argitzea zer har dezakegun jasangarritzat edo berdetzat, eta zer ez. Taxonomiari buruzko Europar Batasunaren Erregelamenduak (2020/852/EB Erregelamendua) sistema bateratua eta legezko loteslea garatzen du "ingurumenaren aldetik jasangarritzat" jo daitezkeen jarduera ekonomikoak sailkatzeko.

Edukia:

  • Taxonomia Erregelamendua, sinplifikazioa 2025eko finantza jasangarriak sustatzeko eta Omnibus.
  • Taxonomia-jardueren egungo egoera sei ingurumen-helburuetarako: jarduera berriak, lehendik daudenak eguneratzea, DNSH eta jakinarazi beharreko finantza-adierazleak, besteak beste.
  • Eskura dauden tresnak eta gidak.
  • Ariketak eta kasu praktikoak:  Global Factor taldeak Europako Taxonomia Berdearen lerrokatzearen kasu praktiko bat eraikiko du, eraikuntzaren industriaren antolamendu batean bideratua.
  • Ikasgaiak eta ikaskuntzak aplikazio sektorialean.

Programa:

* 09:00etatik 09:10era Ongietorria
   Itziar Patiño Senior Project Managerra, Arrisku Klimatikoak | Global Factor

* 09:10etik 10:30era Europar Batasunaren taxonomia

  • 2025/12/16, asteartea, 09:15etik 12:00etara. Itxiera-jardunaldia: Trantsizio ekologikoa bultzatuz, Bizkaiko hazkunde ekonomikoaren eredu berriaren eragile gisa.

Enpresa Berdea programaren esparruan, programa hori bultzatzen duten eta Bizkaiko Foru Aldundiaren Bizkaia Orekan Sakonduz sarea osatzen duten hamalau garapen-agentziok gonbidatzen zaituztegu "Trantsizio ekologikoa bultzatuz, Bizkaiko hazkunde ekonomikoaren eredu berriaren eragile gisa” jaurdunaldira, Aclima, Basque Environment Clusterren parte-hartzea izanik.

Jardunaldian zehar hausnartuko dugu Itun Berdeak eta EBko Green Industrial Deal berriak (Itun Industrial Berdea) eskaintzen dituzten aukerez, Bizkaiko ETEen lehiakortasunaren katalizatzaile gisa, ingurumen-irizpideen aplikazioaren bidez. Halaber, programaren laguntza-ibilbidea nabarmenduko dugu eta ikusgarritasuna emango diegu 2030 Agendarekin lerrokatutako enpresa-estrategia duten proiektuei. Gainera, Bono Berdearen onuradun izan diren enpresen benetako esperientziak partekatuko ditugu, bonu hori bideratuta baitago Bizkaiko industria-ehunaren Trantsizio Ekologikoa bultzatzera.

Informazio gehiago

3. Trantsizio ekologikoko proiektuak bizkortzeko laguntza-programa publikoak identifikatzeko aholkularitza ematea enpresei. (*) BONO BERDEA. Bost BONO mota daude: 
  • BONO BERDEA 1. TRANTSIZIO EKOLOGIKORAKO ESTRATEGIA NOLA EGOKITU ETA NONDIK HASI
  • BONO BERDEA 2. ERAGINKORTASUN ENERGETIKOA HANDITZEA
  • BONO BERDEA 3. INGURUMENEAN AHALIK ETA ERAGIN TXIKIENA IZATEA
  • BONO BERDEA 4. INGURUMEN ARAUDIARI EGOKITZEA
  • BONO BERDEA 5. HONDAKINAK MURRIZTEA ETA KUDEATZEA

 

4. Enpresei aplika dakizkiekeen trantsizio ekologikoko benetako irtenbideak eta jardunbide egokiak ematea, ACLIMArekin lankidetzan tailer erakusgarriak garatuz.

ENPRESA BERDEA Bizkaiko Foru Aldundiak finantzatzen du, Bizkaia Orekan Sakonduz estrategiaren Eskualdeko Lehiakortasuna Bultzatzeko Programaren barruan. Estrategia horretan parte hartzen duten 14 garapen-agentzien arteko lankidetza-proiektua da:

  1. Ermuko Udala
  2. Santurtziko Udala
  3. Behargintza Bermeo-Mundaka-Sukarrieta
  4. Behargintza Enkartur
  5. DEK – Durangaldea Enpresa Ekimena
  6. Egaz Txorierri
  7. Erandioko Udala
  8. Errota Fundazioa
  9. Getxoko Udala – Getxolan
  10. Lanbide Ekimenak
  11. Leartibai Fundazioa
  12. Leioako Udala – Behargintza
  13. Meatzaldeko Behargintza
  14. Mungialdeko Behargintza