Gobela

Ordutegiak eta telefonoa

Instalazioak honako egun eta ordu hauetan irekitzen dira herritarrentzat:

- Astelehenetik igandera: 8:00etatik 21:30era.

- Igerilekuak 7:30ean irekitzen dira.

-Informazio orokorrerako telefonoa: 94 404 51 51

Deskribapena

Gobelako kiroldegia Getxoko Romo eta Areeta auzo artean aurkitzen da, Gobelako metro-geltokiaren alboan. 2005ean eraiki zen, eta duen diseinu modernoari eta funtzionalari esker, kalitatezko kirol-ekipamenduak eskaintzen zaizkie herritarrei, hirigunean integratuta.

Futbol-zelaia

Kiroldegiak belar artifizialeko futbol-zelaia du, eta 1.250 lagun har ditzakeen tribuna eta kirolarientzako aldagelak ere bai.

Kirol anitzeko pista

Instalazioen barnealdean, estalitako pista bat dago, kirol anitzerako erabil daitekeena —saskibaloi, boleibol eta abarrerako hiru eremutan banatzeko aukerarekin— eta 360 eserlekuko harmaila.

Bestelako instalazioak

Horiez gain, kiroldegian honako hauek aurkitzen dira: balio anitzeko bost gela –spinning, aerobik, pilates, yoga, e.a.–, fitness-muskulazio gela bat, estali gabeko bi tenis-pista eta estali gabeko bi padel-pista. Halaber, badira ikasteko eta arlo sozialerako erabiltzeko espazioak eta kafetegi-zerbitzua.