KONTRATAZIORAKO LAGUNTZAK 2024

Enpresa edo erakunde onuradunak:

Pertsona fisiko edo juridiko pribatuak (enpresak, komertzioak, profesionalak, elkarteak...), edozein forma juridiko dutela ere, Getxon lantokia eta jarduera ekonomikoa duten besteren konturako langileekin lan-kontratuak egiten dituztenak.


Diruz lagundu daitezkeen kontratuak:

2023ko uztailaren 1etik 2024ko ekainaren 30era bitartean hasitakoak.

Kontratuak mugagabeak izango dira, eta lanaldi osokoak edo lanaldi partzialekoak izan daitezke, gutxienez lanaldiaren % 50ekoak.

* Era berean, diruz lagunduko dira artisten eta ikuskizun publikoetako teknikarien eta laguntzaileen iraupen jakineko kontratuak (horien gutxieneko iraupena 3 hilabetekoa izango da; eta lanaldi osokoak edo partzialekoak izan daitezke, gutxienez lanaldiaren % 50ekoak).

Intereseko dokumentuak:


Epea: 2024ko azaroaren 4tik abenduaren 31ra.

Dirulaguntza ematea: Eskabidea aurkeztu den hurrenkeraren arabera, betiere behar bezala beteta badaude, espedientea osorik badago eta aurrekontu-kredituaren mugaraino.


Eskabideak aurkeztea:

Nahitaezko dokumentazioa:

  1. I eranskina. Eskabide-eredua eta erantzukizunpeko adierazpena
  2. II eranskina. Ordainketa-eskabidea
  3. III eranskina. Kontratazioaren datuak
  4. Nahitaez aurkeztu beharreko dokumentazioa (Jarraibideak)
  5. Ordezkaritza ematea (Soilik eskaera zure izenean beste erakunde/pertsona batek aurkezten badu)

Jarraian aipatzen diren dokumentuak elkarreragingarritasun bidez kontsultatuko dira, baldin eta EZ bazaude horren aurka. Aurka eginez gero, honako agiri hauek aurkeztu beharko dituzu:

  • Getxoko Udalarekiko ordainketak egunean izatearen ziurtagiriak
  • Foru Ogasunarekiko ordainketak egunean izatearen ziurtagiriak.
  • Gizarte Segurantzarekiko ordainketak egunean izatearen ziurtagiriak.


Eskabideak aurkezteko urratsak:

  • Sartu Administrazio Elektronikoaren Bulegora, ziurtagiri digitalaz edo itsasontzi-jokoaz identifikatuta.
  • Behin identifikatuta, sartu hemen: > Nire Erregistro Telematikoa ->Egin eskaria ->Getxoko Udala eta Ohar Eredua aukeran hautatu = Ekonomia Sustapena: Enplegurako Laguntzak 2024: 1. Eskaera
  • Bete datuak, erantsi eskatutako dokumentazioa eta bidali eskaera.

Edozein kontsulta egin ahal izango da Getxoko Udaleko Ekonomia Sustapen Arloaren telefonoan (944660140) edo posta elektronikoz, getxolan@getxo.eus helbidean.

Administrazio elektronikoaren bulegoarekin arazoak izanez gero: 944660220 edo eadministracion@getxo.eus