Getxo - Ekonomia Sustapena - Ekonomia Sustapena - Berriak

Merkataritza Bikaintasuneko Programa

2026/6/22

Egungo enpresek merkataritza-asmo onak baino zerbait gehiago behar dute.Aukerak identifikatzeko, baliozko elkarrizketak sortzeko, behar bezala kualifikatzeko,proposamen sinesgarriak aurkezteko eta akordio errentagarriak ixteko aukera emango dien sistema bat behar dute.

Ibilbide honek merkataritza-zikloaren fase guztiak zeharkatzen ditu, eta estrategia, erabaki-hartzearen psikologia, tresna digitalak eta salmentetara aplikatutako adimen artifiziala konbinatzen ditu.

Helburu orokorrak

Salmenta-ziklo osoa ulertzea.
Aukerak erakartzea eta sortzea hobetzea.
Merkataritza-bihurketa tasa handitzea.
Balioa eta prezioa hobeto defendatzea.
Negoziazioa eta itxiera hobetzea.
AA eta tresna digitalak merkataritza-jardueran integratzea.

Honako hauek izango dira jorratuko diren gaiak eta saioen datak (14:30etik 16:30era emango dira):

2026/09/15	360º-ko merkataritza-zikloa	Merkataritza-sistema ordenatzea
2026/09/22	Erren. Handiko Merkataritza Plana	Fokua zehaztea
2026/09/29	Benchmarking-a eta AA	Aukerak detektatzea
2026/10/06	LinkedIn merkataritza-kanal proaktibo gisa	Aukerak sortzea
2026/10/20	Istorio-kontakizuna	Mezuak hobetzea
2026/10/27	Kualifikazio bikaina	Aukerak iragaztea
2026/11/03	Erabakiak dakartzaten bilerak	Salmentak aurreratzea
2026/11/17	Onartzen diren proposamenak	Bihurketa hobetzea
2026/11/24	Pircing estrategikoa	Prezioa defendatzea
2026/12/01	Negoziazio aurreratua	Akordioak ixtea

Nola Parte Har Dezakezu

Programak hamar pilula independente ditu. Hala, zuk aukeratu dezakezu prestakuntza osoa egin edo zure egungo lehentasun komertzialei erantzuten dieten saio solteetan izena eman.

Halaber, zure enpresak behar izanez gero, banakako enpresa-aholkularitza zerbitzua jartzen dugu zure eskura, sistema komertzial hori ezartzen laguntzeko eta zure beharretara egokitutako jarraipena egiteko.