Getxon ibilgailu egokitu berriak erosteko edo autotaxi zerbitzurako ibilgailuak egokitzeko laguntzak. 2024. urtea.
Getxoko Udalak aspalditik eutsi dio udalerriko enpresa-sarea garatzen, sustatzen eta dinamizatzen laguntzeko apustuari.
Udalerrian mugitzeko zailtasunak dituzten pertsonen mugikortasuna bultzatzea estrategikoa da, eta autotaxi zerbitzua funtsezkoa da helburu hori lortzeko.
2024ko irailaren 3tik abenduaren 31ra bitartean, Getxon taxi-lizentzia duten pertsonek dirulaguntza eskatu ahal izango dute ibilgailu egokitu berri bat erosteko edo behar dutena egokitzeko, udalerrian zailtasunak dituzten pertsonen mugikortasuna errazteko. Ekimen honetarako, Udalak 20.000 €-ko partida bideratu du.
Onuradunak
Getxoko Udalaren taxi-lizentziaren jabe diren pertsona fisikoak, baldin eta ibilgailua Getxoko taxi-zerbitzurako egokitzeko edo egokitutako ibilgailu berri bat erosteko inbertsioa egiten badute, mugikortasun urriko pertsonen garraioari dagokionez aplikagarriak diren baldintza eta zehaztapen teknikoak betetzeko, 1544/2007 Errege Dekretuaren IV. eranskinean ezarritakoaren arabera
Betebeharrak
1. Getxoko udalerrian taxi-lizentzia baten jabe izatea.
2. Ogasunarekin eta Gizarte Segurantzarekin egunean egotea, bai eta zerga-zorrak eta, hala badagokio, dirulaguntzak itzultzeko betebeharrak ere.
3. Dirulaguntzen onuradun izateko, Dirulaguntzei buruzko azaroaren 17ko 38/2003 Lege Orokorraren 13. artikuluko 2. eta 3. paragrafoetan eta Euskal Autonomia Erkidegoko Ogasun Nagusiaren Antolarauei buruzko Legearen testu bateginaren 50. artikuluan aurreikusitako gainerako egoeretako batean ere ez egotea. Pertsona fisiko/lizentzia bakoitzeko ibilgailu bakarra lagunduko da diruz.
Agiriak
- BAO (2024/09/02)
- Eskabidea eta I. Eranskina: Eskaera, erantzukizunpeko adieraztapena eta informazioa datuak kontsultatzeari buruz
- II. Eranskina: Ordezkaritza ematea
Ebazpenak
Eskabideak aurkeztea
- 2024ko irailaren 3tik abenduaren 31ra.
Eskabideak egoitza elektroniko honen bidez egingo dira:
getxo.eus/eu/sede-electronica -> Nire Administrazio Elektronikoko Bulegoa -> Sartu Nire Administrazio Elektronikoko Bulegoan-> Nire Erregistro Telematikoa -> Egin Eskabidea -> Idatzoharraren eredua = Ayudas Taxi Adaptado 2024
Edozein kontsulta Getxolanen telefonoan egin daiteke (Getxoko Udaleko Ekonomia Sustatzeko Zerbitzua) 944660140 edo posta elektronikoz egin daiteke, getxolan@getxo.eus helbidera bidaliz.
Administrazio elektronikoko bulegoarekin arazoak izanez gero: 944660220 edo eadministracion@getxo.eus