2030 agenda

• Euskadin dagoeneko urratsak eman dira GJHak gure lurraldean ezartzeko, eta Eusko Jaurlaritzak Euskadi Basque Country 2030 Agenda onartu du 2018an.
• Ekimen horiek herritarrengandik hurbilen dauden erakundeek (udalerriak) bultzatutako ekintza zehatzetan ere islatu behar dira. Udalerriek elkarri estu lotuta dauden erronkei egin behar diete aurre, eta ikuspegi estrategiko eta integral batetik baino ezin zaie eraginkortasunez heldu.
• Garapen Iraunkorreko Helburuek, neurri batean, Tokiko Agenda 21en konpromisoak heredatzen dituzte, eta, beraz, Tokiko 2030 Agenda hau Getxon garatzea udalerriak duela 16 urte baino gehiagotik udalerrian ezartzen ari den Tokiko Agenda 21aren jarraipena izango da.

Aurrekari

• 1992an, 170 gobernu bildu ziren Rio de Janeiron, garapen iraunkorraren kontzeptua zehazteko eta munduko garapenaren etorkizuna markatuko duen ekintza-plan bateratu bat egiteko jarraibideak markatzeko. Bilera horietatik akordio handiak onartu ziren:
• Ingurumenari buruzko Rioko Adierazpena.
• Basoei buruzko printzipioen deklarazioa.
• XXI Agenda edo XXI Programa (Garapen iraunkorra sustatzeko munduko ekintza-plana). Azken puntu hori ekintza-programa bat da, eta gobernuek, garapen-erakundeek eta, batez ere, toki-erakundeek jarri beharko dute abian, horiek baitira herritarrengandik hurbilen dauden administrazioak.
• 1994an jada, Danimarkako Aalborg hirian,Iraunkortasunerako Europako Hirien Gutuna (Aalborgeko Gutuna) 330 hirik baino gehiagok sinatzen dute. Gutun honek honako gai hauek jasotzen ditu: gobernagarritasuna, hiri-kudeaketa jasangarria, ondasun natural komunak, kontsumoa eta bizimodu arduratsuak aukeratzea, plangintza eta diseinua, mugikortasun hobea eta trafiko gutxiago, osasunerako tokiko ekintza, tokiko ekonomia aktibo eta iraunkorra, berdintasun soziala eta justiziazkoa eta tokiko ekintzatik ekintza globalerako urratsa.

Aalborgeko gutuna

• Gero, 2004ko uztailaren 30ean, Aalborg+10 konpromisoak onartu zituen.  Horrela, Getxoko Udalak udalerrian 21 Toki Agenda finkatzearen aldeko apustua egin zuen, zehazki Getxoko Jasangarritasunerako Ekintza Planeko jarduketa programak eta ildo estrategikoak, jasangarritasuna lortzeko toki tresna gisa.
• Udal korporazioak konpromiso bat hartu zuen, Aalborgeko gutuna onartuz, eta horren itzalpean 2003an Tokiko Ingurumen Foroa osatu zuen Getxoko Udalak, Alkatetza Arloaren barruan, kontsulta izaerarekin, herritarren parte hartzerako. Tokiko Foroaren helburu nagusia da udal kudeaketan ingurumenaren babeseko eta jasangarritasuneko irizpideak sartzea, eta herritarren proposamenak sartzea udal eskumenak betetzean eta betearaztean, Getxo udalerriko natur eta hiri ingumenean.
• Era berean, 2003. urteaz geroztik, Getxoko Udala Udalsarea 21ean dago, Jasangarritasunerako Euskal Udalerrien Sarea. Udalsarea 21 Eusko Jaurlaritzako Ingurumen Sailak sortutako sare autonomikoa da, euskal udalerrietako 21 tokiko agendak koordinatzeko  helburua duena eta udalerrien artean koordinazio foro bat ezarri nahi duena, tokiko ekintza planak gauzatu ahal izateko. www.udalsarea2030.net
• Hemendik aurrera, udaleko ekintza planbana onartu eta ezarri dira, kudeaketa tresna gisa: Getxoko Jasangarritasunerako 2004-2007 Ekintza Plana, 2008-2011 Ekintza Plana, 2012-2015 Ekintza Plana eta 2016-2019 Ekintza Plana.
• 1992ko Rio de Janeiroko goi-bileran sortutako Agenda 21 kontzeptuak Nazio Batuek 2015ean onartutako 2030 Agendari lekua uzten dio orain. Agenda 21 udalerri askotan nabarmen finkatu bada ere, Agenda 2030ek garapen jasangarriaren kontzeptua ikuspegi zabalago batetik biziberritzeko eta eguneratzeko aukera ematen du.
• 2020an idatzi zen Getxon lehenengo Tokiko 2030 Agendaren Ekintza Plana 2020-2023. Udal plan estrategiko hori udalerriko ingurumen, ekonomia eta gizarte mailako politikak irizpide jasangarriekin integratzean oinarritzen da.