2026/11/12

Datorren larunbatean CDCP Trofeoko bigarren proba jokatuko da
Datorren larunbatean Abra-ko uretan jokatuko da RCMA-RSCk antolatutako Clínica Dental Carmen Parra (CDCP) IV. Trofeoa osatzen duten lau estropadetako bigarrena.
Duela bi asteburu jokatutako lehen probaren ostean, lehen postuei eusten saiatuko dira Gonzalo Chávarriren Jaleo ontzia, Estropada klasean; José Miguel Francoren Bacilón, Gurutzaontzi I klasean; Koldo Báezen Txepin, Gurutzaontzi II klasean; eta Peru Abásoloren Rural Kutxa, J80 klasean, Ramón Zubiagaren Mandovirekin puntutara berdinduta.
J80 ontziek goizeko hamaiketan ekingo diote jardunaldiari, eta gainerako klaseek eguerdiko hamabietan. Hurrengo bi jardunaldiak azaroaren 28an eta abenduaren 5ean jokatuko dira, larunbatetan.