2026/10/9
Hiru getxotar deitu dituzte Redsticksek Munduko Koparen osteko lehen kontzentraziorako
Espainiako belar-hockeyko selekzio absolutuarekin deitutako getxotarren kopuruak gora egiten jarraitzen du. Munduko Kopan zilarrezko domina lortu ondoren, selekzioak kontzentrazio berri bati ekingo dio datorren astelehenean, Terrassan, hilaren 14ra arte.
Munduko Kopan aritutako Rafa Vilallonga eta Chefo Basterra itzuliko dira deialdira. Basterra Madrilgo Club de Campon izango da berriro Rafaren taldekide, Belgikako Royal Leopoldeko taldean aritu ondoren. Haiekin batera, Juan Vilallonga ere izango da, Rafaren anaia. Denboraldi honetan Santanderreko Tenis taldearekin fitxatu du, maila gorenean lehiatzeko, Jolaseta utzi ondoren. Gogoratu behar da Juanek 21 urtez azpiko Munduko Txapelketako txapeldunordea izatea lortu zuela joan den abenduan Indian, Juan Prado beste getxotarrarekin batera.
Hiru jokalariak Max Caldasek denboraldiko lehen kontzentrazio honetarako deitutako 27 jokalarien artean daude.