Arte Eszenikoen jardunaldiak eszena-modalitate anitzei zabalik dagoen egitaraua proposatuko digute, esaterako dantza, zirkua eta diziplina askotariko generoak. Urriaren 8tik 24ra, egitarau anitza gerturako dizkigute. Guztira, 11 ikuskizun izango dira eta horretan adin guztietako zaleek non aukeratu izango dute.
Disney Channel kanalak eskaintzen duen Houdini kluba telesaioaren magoak bere ikuskizun berria aurkeztuko digu. Horretan, igarkizunak, agerpenak eta desagerpenak ez dira faltako eta nola ez, ur tanketik ihes egiten duen saio zoragarria. Mago Sunek ezinezkoarekin amets egin eta ilusioa berriz izan dezagun lortuko du. Galduko al duzu?
MAITASUNAREN ITXIERA, Arriaga Produkzioak
Maitasunaren itxiera lanean bikote baten elkarrizketa latza ikusiko dugu lan honetan. Protagonisten bakarrizketa-trukeak hiltzen ari den maitasunaren bortizkeria adierazten du. Beldurra eta askapena nahastuko dira bikotearen elkarrizketa lazgarrian, gizon baten eta emakume baten arteko borroka suntsitzaile eta gupidagabean.
AL DESNUDO, Metamorphosis Dance (Iratxe Ansa)
Zeintzuk dira normalean publikoak ikusi ezin dituen gauzak? Nola funtzionatzen du dantzari baten irudimenak inprobisazio batean? Musika eta mugimendua uztartzen dituen lan honetan, Iratxe Ansak eta Igor Bacovichek galdera hauei eta beste askori erantzun nahi diete.
YO... EN UN BANCO VERDE, Utopian
Ariadna, Haizea, Mar eta Amancio eserleku batean jesarri nahi dira, bakoitza bere bizitzaren bilaketan abiatzeko. Baina horretarako eserleku berdea behar dute, argazki erakusketa baten barruan dagoen eserlekua, dirudien bezain eskuragarria ez dena. Lan honek bizitzan aurrera jarraitu ahal izateko etapa bakoitzean hausnartzeko beharra islatzen du.
ENCUENTROS, Compañia de Danza Denis Santacana
Bi ezezagun, leku eta une berean, beren begiradak elkar gurutzatzen dituzte eta topo egiten dute. Zer gertatuko litzateke komunikazio-ekintza hori gertatzen uztea erabakitzen badugu? Dantza garaikidea eta flamenkoa fusionatzeko lan hau hizkuntza komuna bilatzea ez dela helburua dioen ideiaren gailurra da.
LA EXTRAÑA PAREJA, Caliban Teatro
Flora senarrak utzi berri duen adin ertaineko emakumea da. Lur jota eta nora joan jakin gabe, bere buruaz beste egiteko pentsatzen hasi da. Bere lagunetako batek etxean hartuko du krisia igaro arte. Istorioa «La Extraña Pareja» jatorrizko antzezlanaren berdina da, baina, oraingoan, emakumeak izango dira protagonista nagusiak.
Lan hau All Inclusive Ondarearen Europako Jardunaldien barruan dago, eta dibertsitatea duten pertsonak artearen eremuan integratzera bideratuta dago. Hausnarketatik eta erronka propioen bilaketatik abiatuta sortuta, adierazpen-lengoaien eta gorputz-lengoaien bidez, dantzariek harreman pertsonalak aztertzen dituzte hainbat testuingurutan, horiek baitira ikuskizuneko piezen lotura.
Glu Glu-k Perez Sagutxoaren benetako istorioa taularatzen du, urteetan zehar muga, belaunaldi, amets eta burko guztiak gainditu dituen kondaira. Ipuin klasikoko formatuan, umore, dantza eta abestien bitartez, ahulenak zaintzea –adinekoak zein umeak- ardatza duen alegiazko istorio hau kontatuko digute.
MENTIRAS COTIDIANAS, Producciones Maestras
Hitzordu bat, lau lagun eta ardo ugari izango dira eguneroko gezurrei buruzko komedia garaikide honen eragileak, egunerokotasuna errazten duten gezurrak, ondoriorik gabekoak, ala bai? Eremu lohitsu horretan bizi dira Mateo, Marcos eta Juana, hiru heldu arrakastatsu. Edaten dutenean, jakin, sentitu eta jasaten dutenaz hitz egiten dute, osatu gabeko bizitzaren frustrazioez, hain zuzen ere.
ATZERRIAN LURRA GARRATZ, Huts Teatroa - Artedrama
Aurora Mora bere instalazio artistikoari azken ukituak ematen ari da, bere bizitza betirako aldatuko duen deia jasotzen duenean. Posible al da gurea ez den lur batean sustraitzea? Posible al da, familia eta aberriaren zama gainean dugula, hegaldi propioari ekitea? Eta, gau batean, gure bizitzaren norabidea erabaki beharko bagenu? Esaera zaharrak dioen bezala: «Atzerrian lurra garratz, hoña ibini egik baratz».
Keinu eta clown antzezlan honek, lo gaudela, gure subkontzienteak atea erdi irekita uzten duen uneetara garamatza; ametsen, ahaztutako oroitzapenen eta nahigabeko fantasien unibertsoari bide ematen dion momentura. Istorioaren protagonistak, bere fantasien biktima, beldur unibertsalez barre eragingo digu bere bizipen komikoekin.