2024/1/9
Getxo Kirolak-ek lankidetza-hitzarmena sinatu du Berangoko Sputnik Climbing eskalada-zentroarekin, eta, horri esker, abonatuek Getxoko kirol-erakundearentzat soilik diseinatutako hainbat jarduera egin ahal izango dituzte. Era horretan, Getxo Eskala programak familiei eta eskaladaren mundura beren kontura edo taldean hurbildu nahi dutenei zuzendutako jarduerak eskaintzen ditu.
Familien proposamenari dagokionean (4 urtetik gorako seme-alabak dituztenak), Sputnik-ek ordu eta erdiko saio bat proposatzen du, eskalatzeko oinarrizko nozio batzuk hartzeko irakasle adituekin jolasak eta dinamikak eginez. Jarduera 18€ kostatzen da pertsona bakoitzeko (38€ pertsonako, jarduera menu osasungarri batekin amaitu nahi bada bertako instalazioetako tabernan).
Gainera, Getxoko Kirolek-eko 14 urtetik gorako abonatuek, kirol-modalitate honetara hurbildu nahi dutenek, bakarka edo taldean ere egin ahal izango dute, ordubeteko saio espezifikoetan. Saio horietan, irakasleekin ikasteko saioa eta gero norberaren kontura praktikatzen jarraitzeko aukera sartzen dira. Prezioa pertsona bakoitzeko 22€-koa da (42€ menu bat sartu nahi bada).
Interesatuak eta Getxo Kirolaken abonua indarrean dutenak zuzenean harremanetan jar daitezke Sputnik Climbing-ekin, web gunean sartuta, 747 45 42 64 telefonora deituta edo berango@sputnikclimbing.com posta elektronikora idatzita.