Gazteentzako euskara ikasteko diru-laguntzen nondik-norakoak jasota dadue Euskararen sustapenerako 2013ko egitasmoaren Oinarri Orokorretan.

Aisialdiko begirale eta zuzendari agiria lortzeko euskarazko ikastaroetarako diru-laguntzak

Zer da diruz lagunduko dena

  • Aisialdiko begirale agiria lortzeko ikastaroak.
  • Aisialdiko zuzendari agiria lortzeko ikastaroak.

Bete beharreko baldintzak

  • Getxokoa izatea
  • Ikastaroek euskaraz beharko dute izan eta eskatzaileak horretarako, hau da, ikastaroa jarraitu ahal izateko behar den euskara maila egokia beharko du izan
  • Eusko Jaurlaritzak homologatutako ikastegiek eman behar dituzte ikastaroak
  • Ikastaroa bukatzeko egin behar diren praktikak Getxoko elkarte batean egin beharko dira
  • Ogasunari eta Segurantza Sozialari dagozkion obligazioak beteak dituela egiaztatzea

Ordainketa modua

  • Baldintzak betetzen dituztenei ikastaroen %50erainoko diru-laguntza emango zaie
  • Eskaerak aurkeztu ahal izango dira baina derrigor eskaera aurkezten duenean eskatzaileak ikastaroa amaitua behar du izan eta Jaurlaritzaren agiri ofiziala duela ziurtatu
  • Jaurlaritzaren agiri ofiziala 2012-13 ikasturtean lortutakoa beharko du izan; ez da onartuko aurreko ikasturteetan (adibidez, 2010-11 ikasturtean lortutako agiriak eta eskaerak).

Aurkeztu beharreko agiriak

Oharrak:

  • Euskara Zinegotziak, kasu berezietan edo oinarri hauetan jasotzen ez den kasuren batean erabakiak hartzeko ahalmena izango du.
  • Dirulaguntzak, erregistroaren hurrenkerari estuki jarraituz abonatuko dira, aurrekontu-partida dagoen bitartean.
  • Euskara Zerbitzuak edozein momentutan dokumentazio osagarria eskatzeko aukera izango du.

17 - 23 urte bitarteko getxotarrei gidabaimena ateratzeko azterketa euskaraz egiteagatik diru-laguntzak ematea

Hartzaileak:

  • Eskatzaileak, Getxon erroldatutako 17 eta 23 urte bitarteko gazteak izango dira (1990-1996 bitartean jaiotakoak),, gidabaimena ateratzeko azterketa euskaraz egin dutenak.

Bete beharreko baldintzak

  • Eskatzaileak gidabaimena ateratzeko azterketa euskaraz egin ziurtatu beharko du
  • Gidabaimena euskaraz kanpainan parte hartu duen Getxoko autoeskolaren batean atera beharko da, gidabaimena
  • Eskaria aurkeztu orduko, matrikula ordainduta eduki beharko da
  • Diru-laguntza eskatu ahal izateko azterketa eginda izan behar da
  • Diru-laguntza hauek bateragarriak izango dira beste edozein erakunde publikok zein pribatuk ematen dituen diru-laguntzekin, baina diru-laguntza guztien artean ezin izango da jaso matrikularen zenbatekoa baino gehiago.

Diru laguntza kopuruak

  • Azterketa teorikoa euskaraz egiteagatik eskatzaileak 100 euro jasoko ditu
  • Azterketa teorikoa euskaraz egiteagatik gazteek jasotzen duten diru-laguntza behin bakarrik jaso ahal izango dute

Aurkeztu beharreko agiriak

  • Eskaera orria + kontu korrontearen zenbakia (20 zenbaki).
    Inprimakia jasotzeko, sakatu hurrengo loturan (pdf dokumentua: 123 kb): eskabidea
  • ERANTZUKIZUNAREN AITORPENA izeneko inprimakia (ikus eranskina).
    Erantzukizunaren aitorpena, hurrengo loturan (pdf dokumentua: 148 kb) aurki daiteke: aitorpena
  • Familia osoaren erroldatze-agiria
  • Gidabaimena ateratzeko, bai teorikoan eta bai praktikoan, eskatzaileak izandako gastuen jatorrizko ordainagiriak (matrikula, azterketa tasak eta abar).

  • Azterketa euskaraz egin dela ziurtatzen duen ziurtagiria.

Oharrak:

  • Euskara Zinegotziak, kasu berezietan edo oinarri hauetan jasotzen ez den kasuren batean erabakiak hartzeko ahalmena izango du.
  • Diru-laguntzak, erregistroaren hurrenkerari estuki jarraituz abonatuko dira, aurrekontu-partida dagoen bitartean.
  • Euskara Zerbitzuak edozein momentutan dokumentazio osagarria eskatzeko aukera izango du.

Informazio gehiago

Getxoko Udaleko Euskara Zerbitzua

94 466 00 10 / 11