Getxo - Gizarte-kohesioa - Berdintasuna

Helburuak

Horren bidez, udalerriari zerbitzu bat eman nahi zaio berdintasunaren arloko udal-politika orientatzeko eta garatzeko, bai eta berdintasun-politikak ezartzeko eta ebaluatzeko ere, herritarrei eta udal-antolamenduari berari begira.

Honako helburu hauek planteatzen dira:

Getxoko Emakumeen eta Gizonen Berdintasunerako V. Plana garatzea.
Berdintasunerako politika publikoetan parte hartzea, erakundeen arteko koordinazio- eta lankidetza-guneetan parte hartuz, hala nola Berdinsarean, Virginia Wolf Basqueskolan, Emakumeen Ahalduntzerako Eskolen Sarean eta Berdintasunerako Udalerrien Lurralde Sarean.
GUrari Getxoko Emakumeen Etxearen esparruan ekintzak eta jarduerak garatzea, etxea udalerriko emakumeentzako topagune feminista eta askotariko topagune eta ahalduntze kolektiboko gune gisa finkatzen jarraitzeko.
Gizartea laguntzeko eta sentsibilizatzeko kanpainak garatzea, emakumeen eta gizonen artean eta LGTBIQ+ kolektiboaren artean benetako berdintasuna eta inklusioa bermatzeko.
Emakumeen aurkako indarkeriaren aurrean jarduteko eta koordinatzeko Getxoko II. Tokiko Protokoloa ezartzen jarraitzea.
LGTBi+ kolektiboko pertsonen aurkako indarkeriaren aurkako tokiko protokolo bat sustatzea.
Getxoko ikastetxeetan hezkidetza-programa garatzea, ikasleekin batera indarkeria matxistaren prebentzioaren arloko prestakuntza landuz pedagogia feministatik.
Sexu-hezkuntzako eta sexu-aholkularitzako programa ezartzea ikastetxeetan, ikasleekin, irakasleekin eta familiekin sexualitateari buruzko gogoeta eginez, ezagutza hobetzeko, mitoak desegiteko eta berdintasun- eta errespetu-harremanak sustatzeko.
Indarkeria matxistako egoerak bizi dituzten emakumeei laguntza psikologikoa eta juridikoa emateko zerbitzuak zabaltzea.

Berdintasun Zerbitzua

Urgull kalea 4, 2. solairua
48991 Algorta

Telefonoa: 94 466 01 36
Posta elektronikoa: berdintasuna@getxo.eus

Berriak