EMAN MINUTU BAT...
Eman ezazu minutu bat... "Dame un minuto" sari-banaketa. Martxoan, Muxikebarrik "Dame 1 minutu" lehiaketaren sariak banatzen ditu. Lehiaketa UN Etxeak antolatzen du, Udalarekin batera. Sarrera doakoa izaten da, baina izena ematea gomendatzen da.
Helburua
Gizarte-eraldaketa bultzatzea. Lehiaketa horren bidez, giza eskubideen inguruan kontzientzia sortzeko eta euskal gizartea eta gizarte globala eredu baketsuago, bidezko, anitzago eta iraunkorrago baterantz eraldatzen laguntzeko gaitasuna izateagatik nabarmentzen diren proiektuak ikusarazteko plataforma bat eskaintzen da. Bertan, giza eskubideak erabat bermatuko dira, eta gizateriari eragiten dioten arrakala eta desberdintasun handiei eraginkortasunez helduko zaie, neskatoei, emakumeei eta urratutako beste kolektibo batzuei arreta berezia eskainiz.
Helburu espezifikoak
Giza eskubideekiko ezagutza eta konpromisoa indartzea, bereziki eskubide kulturalena, eta, horretarako, ikus-entzunezko baliabideak hezkuntza- eta sentsibilizazio-tresna gisa erabiliko dira.
Herritarrak aktibatzea eta gizabanakoen zein kolektiboen parte-hartze sortzailea sustatzea bizitza kulturalean parte hartzeko giza eskubidea islatzen eta sustatzen duten ikus-entzunezko lanen sorkuntzan, alderdi komunitarioaren garrantzia eta kolektibo urratuen parte-hartzea, askatasun artistikoa, emakumeak kulturan duen rola eta kulturako profesionalen eskubide sozioekonomikoak azpimarratuz, besteak beste.
2010az geroztik, hainbat edizio egin dira, eta honako gai hauek jorratu dira, besteak beste: osasunerako eta ongizaterako giza eskubidea; hizkuntza-eskubideak; kulturarteko bizikidetza; bizitzeko eskubidea; giza duintasunerako eskubidea; askatasunerako eskubidea; hezkuntzarako eskubidea; pertsona orok askatasunez zirkulatzeko duen eskubidea eta pertsona orok asiloa bilatzeko duen eskubidea; gizonen eta emakumeen arteko berdintasuna; elikadura egokia eta nahikoa izateko eskubidea; ingurumen osasungarrirako eskubidea; edateko ura eta saneamendurako eskubidea; bakerako eskubidea, eta, oro har, giza eskubideak.
Edizio bakoitzean saritutako bideoak ikusi ahal izateko, klikatu esteka honetan.
2025ean, XVI. edizioan, “Eman minutu 1 KULTURA” izenekoan, eskubide kulturalei buruzko minutu bateko ikus-entzunezko pieza onenak saritu ziren.
Sariak emateko ekitaldia 2026ko martxoaren 13an egin zen Getxoko Muxikebarri Zentroan.
Hauek izan ziren saritutako bideoak
2024an, XV. edizioan, lehiaketaren izenburua «Eman minutu 1 BAKEA» izan zen.
Edizio honetan, bakerako giza eskubideari, bakearen kulturari, indarkeriarik eza sustatzeko hezkuntzak duen zereginari eta gatazken konponbide baketsuari buruzko minutu bateko ikus-entzunezko piezarik onenak saritu ziren.
Sariak emateko ekitaldia 2025eko martxoaren 21ean egin zen, Getxoko Muxikebarri Zentroan.
Hauek izan ziren saritutako bideoak
2023an, XIV. edizioan, lehiaketaren izenburua «Eman minutu 1 OSASUNA» izan zen.
Edizio honetan, osasunerako eta ongizaterako giza eskubideari buruzko minutu bateko ikus-entzunezko pieza onenak saritu ziren, osasuna erabateko ongizate fisiko, mental, sozial eta ingurumenekotzat hartuta, Nazio Batuen Garapen Agendako 3. Garapen Jasangarrirako Helburuak ere adierazten duen bezala.
Sariak emateko ekitaldia 2024ko martxoaren 15ean egin zen, Getxoko Muxikebarri zentroan.
Hauek izan ziren saritutako bideoak
2022an, bere XIII. edizioan, lehiaketak "Eman minutu bat HITZAK" izenburua izan zuen.
Edizio honetan, hizkuntza- eta kultura-aniztasunari buruzko eta giza eskubideen sistemaren barruan kultura- eta hizkuntza-eskubideek duten tokiari buruzko minutu bateko ikus-entzunezko piezarik onenak saritu ziren.
Sari banaketa ekitaldia 2023ko martxoaren 10ean egin zen Getxoko Muxikebarri zentroan.
Hauek izan ziren saritutako bideoak
Garapenerako Lankidetza
Urgull kalea 4, 2. solairua
48991 Algorta
Telefonoa: 944 66 00 17
Posta elektronikoa: lankidetza@getxo.eus
Instagram: @getxolankidetza