Getxo udaleko alderdi politikoen iritziak eta proposamenak

2021ko Apirilak 8

EAJ - PNV

EAJ-PNV

Getxo Ekinez 2021, Aurrera!!!!

Getxoko Udaleko talde politiko guztien arteko akordioa lortu izana beti da albiste ona. Are gehiago, GETXO EKINEZ 2021 akordioaz hizketan ari bagara. Elkarrizketa eta negoziaketa prozesu baten ostean, Getxoko Osoko Bilkuran ordezkaritza daukaten talde politiko guztien babesa eskuratu du. Bada, Amaia Aguirre alkateak azpimarratu bezala, datozen urteetarako daukagun erronkarik garrantzitsuena da.

Elkarrizketa, negoziazioa, proposamenak, emakidak, ekarpenak... akordioa, azken finean, Getxoko Udalak 2021. urte honetan COVID19ak eragindako pandemia sanitario, sozial eta ekonomikoaren ondorioei aurre egiteko gaitu dituen 13.100.000 euroei buruz.

13 milioi euro baino gehiago 2021ean, iaztik datozen laguntza, programa, dirulaguntza eta ekimenei gehituko zaizkienak. Asmoa da koronabirusak ekarri duen bizi aldaketak larriki kaltetutako sektore guztiei arreta ematen saiatzea.

Pertsonak eta ekonomia dira Getxo Ekinez 2021 programa honen helburuak. Getxoko pertsona horiek eta ekonomiak guztion babesa eta lankidetza behar dute hainbat esparrutan bereziki gogorra izaten ari den egoera honetan aurrera egin ahal izateko.

Getxoko Udalaren eskutik datozen askotariko laguntzak, guztira 13.100.000 euro biltzen dituztenak. Bada, laguntza horiek batzen zaizkie Foru Aldunditik edo Eusko Jaurlaritzatik gaitzen ari diren ekimenei, erakundeen arteko lankidetza estua tarteko. Modu horretan, bermatu egiten da pertsonek, familiek, negozioek, kulturak, kirolarekin lotutako sektoreak eta, batez ere, kolektiborik zaurgarrienei arreta emateko zerbitzuek aurrera egiteko behar duten sarea.

Getxo Ekinez 2021 Covid19ari aurre egiteko Getxoko Udalean planteatutako aukerak batzen dituen tresna da. Halaber, lagunduko du gure herria bera, pertsonak eta, oro har, Getxo bizitzeko, lan egiteko eta gozatzeko Euskadiko herririk onena bihurtu duten sektore ezberdinak ahalik eta ondoen egotea pandemia hau amaitzen denean. Getxo Ekinez 2021, AURRERA!!!!!!

PP

PP

Mantentze-lanen falta gire paletean

Pena ematen du ikusteak Getxoren irudia okerrera doala gure Gobernu Taldearen utzikeriagatik. Horren adibide dira gure udalerriko aldapak. Hala, Salsidun eta Bidezabalen, esaterako, ia egunero gertatzen da egituretakoren batek ez funtzionatzea. Eta EAJk uste du arazo onargarriak direla. Bada, etengabeko matxurek auzokide asko “hor konpon” uzten dituzte, bereziki adinekoak edo mugikortasun arazoak dituztenak. Baina EAJren utzikeria hori gure kaleetako askotan islatzen da. Hala, esate baterako, Novia Salcedo kaleko bizilagunek denbora asko daramate salatzen gaizki jarritako kutxatilengatik pairatzen duten etengabeko zarata. Kexak helarazten dizkiote udalari, baina, beti bezala, ez dute ezertarako balio. #esnatugetxo

EH Bildu

EH Bildu

Mimenanagako parte ekologikoa sortzeko Eh Bilduren proposamena

Mimenagako ingurua ekologikoki berreskuratzeko proposamena aurkeztu berri dugu EH Bildutik. Marel-Renault tailerrak zeuden lekuan parke ekologikoa sortzea proposatzen dugu. Mimenaga Berangoko erdigunetik gertuago dagoen arren, lursailaren zatirik handiena Getxokoa da. Gaur egungo HAPOk padura horretan etxebizitzak eraikitzea aurreikusten du.
Baina badago alternatibarik. Getxo eta Berangoko EH Bildutik honako proposamena landu dugu Mimenagarako, espekulazioaren atzamarretan erori baino lehen: ibaiertzeko basoa sortu, putzuak, hezeguneak, haurrentzako egurrezko jolasgunea, belardi naturala, ortuak...
Proposamen osoa getxo.ehbildu.eus

PSE-EE / PSOE

Igor atezan ez uzteko akordioak

Joan den astean, udal talde guztiek Getxo Ekinez 2021 ekintza programa aurkeztu dugu. 13 milioi euro baino gehiagoko plana, 80 neurri barne hartzen dituena. Gizarte kohesioari, kulturari, kirolari, turismoari eta ekonomiaren sustapenari lotuta daude neurriok. Helburu nagusia da Covid19ak eragindako ondorio sozial eta ekonomikoei aurre egitea.

Getxo Ekinez ekimenarenen erdigunean pertsonak daude, zaurgarrienak, gazteak, emakumeak, familiak, adinekoak, gure merkataritza eta enpresa sarea, eta turismoarekin, kulturarekin eta ostalaritzarekin lotutako sektoreak, besteak beste. PSE-EEk talde politiko guztiekin lortutako akordioaren balioa nabarmendu nahi du. Izan ere, ezberdinen arteko adostasun horri esker, elkarrizketaren bidez lehentasunak definitu ditugu. Ziur gaude herritarrek hori espero dutena ordezkariengandik, eta horregatik eskertzen diegu talde guztiei gobernu taldeak planteatutako neurri guztiak babestu izana. Izan ere, beti ez da erraza izaten akordioetara iristea horren posizio ezberdinetatik.

Elkarrekin Podemos - Ezker Anitza - EQUO Berdeak

Borondatea baino ez da behar

Azken Osoko Bilkuran egiaztatu ahal izan dugunez, elkarrizketarako borondatearekin eta talde lanarekin lor daiteke ekimenak aurrera ateratzea. Getxo Ekinez 2021 plana errealitatea da jada, udaleko indar politiko guztien arteko lankidetzari esker. Hori gauzatzeko adostasuna lortzeko, zeinaren helburua baita pandemiaren ondorioei aurre egitea, talde guztiek utzi behar izan ditugu gauzak kanpo. Nahiago genuke urtebete lehenago iritsi izango balitz eta anbiziotsuagoa balitz, baina egoerak eta hiritarrek akordioak merezi dituzte, eta behar-beharrezkoa da Getxo Ekinez aurrera eramatea. Espero dugu lanerako modu hau ohiko bihurtzea; izan ere, oraindik ere hainbat esparrutan egin behar du aurrera udal honek. Harremanetarako: elkarrekinpodemos@getxo.eus, 944660290.

Hemeroteka

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +