Saltar al contenido
  • Castellano
  • Euskara
  • Egoitza Elektronikoa
    Getxoko Udalaren egoitza BERRIA Getxo Kulturaren egoitza BERRIA Getxo Kirolak egoitza BERRIA Udal Egoitzaren egoitza BERRIA Getxoko Udalaren eta Erakunde Autonomoen egoitza JATORRIZKOA
  • Kontratugilearen profila
  • Prentsa bulegoa
  • Hiritarren arreta
  • altavozEntzun
logo
menú
  • Berriak
    Berriak

    Lankidetza Kultura Kirola Hezkuntza Musika Eskola Euskara Gobernu Irekia Berdintasuna Immigrazioa Gazteria Ingurumena eta Mugikortasuna Udaltzaingoa Babes Zibila Udal Egoitza Ekonomia Sustapena Gizarte Zerbitzuak Turismoa Hirigintza eta Lanak Etxebizitza

    Berri guztietarako sarbidea

    Agenda

    Oharrak
    Argitalpenak
    • Getxoberri
    • GK
    • Gazteak
    • Seme-alabak
    • Muxikebarri
    • Argitalpen bereziak

    Sare sozialen mapa
  • Gaiak
    Norentzat:
    • Gazteak
    • Nagusiak
    • Kirolariak
    • Enpresak
    • Etorkinak
    • Emakumeak
    • Euskara
    Gizarte Kohesioa

    Gizarte Zerbitzuak Immigrazioa eta Kulturartekotasuna Mendekotasunen prebentzioa Berdintasuna Garapenerako lankidetza Gazteria Zerbitzua Zahartze Aktiboa Hezkuntza

    Getxo Kultura

    Agenda kulturala Muxikebarri Romo Kultur Etxea (RKE)Algortako Kultur Etxea Liburutegiak Deialdiak Getxo Jazz Getxo Eszena Kalean Antolaketa eta Gardentasuna

    Udal Egoitza

    Egoitza Onarpena Ematen dituen zerbitzuak Instalazioak Eskubideak eta betebeharrak Parte-hartzea “Beti Zure Ondoan” Programa Antolatzea eta gardentasuna

    Euskaltegia

    Matrikula Mailak Ikastaro trinkoak

    Ingurumena eta mugikortasuna

    2030 Agenda Bioaniztasuna Ingurumen Aretoa - Ingurumen-hezkuntza Animaliak Mugikortasuna Espezieen kontrola Babesleku Klimatikoen Sareari Ingurumenaren eta airearen kalitatea Kanpaina bereziak

    Euskara

    Semeak eta alabak Gazteak Euskara ikasi Dirulaguntzak Elkarteak euskaraz Merkataritza eta ostalaritza Getxoko ondarea eta toponimia Euskaraz Getxon

    Musika Eskola

    Andres Isasi Musika Eskola Antolaketa Ikasketak eta ikaskuntzak Agenda Baliabideak

    Herri zaintza

    Udaltzaingoa Babes zibila

    Hiri-Garapen Sostengarria

    HAPO Ondarea Etxebizitza Araudia Azpiegiturak, Obrak eta Zerbitzuak Ingurumen Arloko Hiri-zerbitzuak

    Ekonomia Sustapena

    Ekonomia Sustatzeko Zerbitzua Ekintzaileak Enpresak Hubs eta lanerako espazioak Enpresen aholkularitza foroa Programak Enpresa-transmisioa Trebakuntza Laguntzak eta dirulaguntzak Behatokia eta enpresa-bilatzailea

    Oinarrizko zerbitzuak

    Udal Artxiboa Udal Hilerria Garbiketa Osasun zerbitzuak Kale-izendegia Kalitatea Getxotik mugitu

    Getxo Kirolak

    Instalazioak Udako igerilekuen edukiera denbora errealeanTarifak, izapideak eta erreserbak Proiektuak Kirol ikastaroak eta jarduerak Fitness-muskulazioko gimnasioak Kirol federatua Eskola kirola KirolBerri Doako jarduerak aire librean

  • Tramiteak
    Getxoko Udalaren egoitza berria
    Egoitza Elektronikoa
    • Nire ordainketa
    • Erregistro Elektroniko Orokorra
    • Fakturen sarrera-puntu orokorra
    Administrazio Elektroniko Bulegoa
    Enplegu Publikorako Eskaintza
    Erroldatze ziurtagiria / Distantzia-frogagiriak
    Zerga-egutegia
    Tramiteen Gida
    e-Iragarki taula (e-Tabloia)
    Kontratuagilearen Profila
    CSV dokumentuak egiaztatu
    Ekitaldiak edo jarduerak eremu publikoan
    TAOn alta emateko eskaera
  • Udala
    Udalaren antolaketa
    • Alkatea
    • Alkateordeak
    • Udal gobernuko batzarra
    • Bozeramale batza
    • Osoko Bilkura/Zuzenean
    • Informazio batzordeak
    • Udal talde politikoak
    • Udal arloak
    • Organigrama
    • Datuen babesa
    Erakunde autonomoak
    • Getxo Kultura
    • Getxo Kirolak
    • Udal Egoitza
    Udal kudeaketa
    • Udal Telefonoak
    • Aurrekontuak
    • Legealdiko plana
    • Hornitzaileei ordaintzea
    • Zerga Informazioa
    • Arautegia
    • Zerga egutegia
    • Ondasunen Interesen Erregistroa
    • Iruzurraren aurkako neurrien plana
    • Hitzarmenak
    Hauteskundeak
      • Hauteskundeak
      • Udal Hauteskundeak 2023
      • Hauteskunde Orokorrak 2026ko a29
  • Gobernu Irekia
    Gobernu Irekia Ataria
    • Gardentasun Ataria
    • Partaidetza Ataria / ZEUGAZ Plataforma
    • Informazioa Publikora eskuratzeko eskubidea
    • Open Data - Datu Irekiak
  1. Hasiera
  2. Prentsa bulegoa
  3. Gaurkotasuna
  4. Berriak
  5. Xehetasuna

Berriak

Nazioarteko izen handiak eta proiektu berritzaileak Getxo Folk Jaialdian

2026/8/9

Getxoko Nazioarteko Folk Jaialdiak 42. edizioa ospatuko du irailaren 9tik 13ra, sustrai-musiken aldeko apustua berretsiz, ikuspegi ireki, garaikide eta anitz batetik. Bost egunez, jaialdiak nazioarteko folk panoramako artista nabarmenenetako batzuk bilduko ditu Getxon, eta 14 musika-emanaldi eskainiko ditu, baita Muxikebarrin, Areetako Geltokia plazan eta Ereagako hondartzaren inguruan egingo diren bestelako jarduerak ere. Programak jatorri askotariko doinuetan barrena egingo den bidaia musikala proposatzen du, arreta berezia eskainiz Irlandako, Man Uharteko eta Menorcako uharte-musikei, Portugalgo, Bretainiako, Andaluziako eta Euskal Herriko erritmoak ahaztu gabe. Ordainezko kontzertuetarako sarrera eta bonuak uztailaren 27an jarriko dira salgai.

Aurtengo eskaintza artistikoaren buru izango dira nazioartean ospe handia duten artistak, hala nola Dulce Pontes fadista portugaldarra, Europako musikaren ahots garrantzitsuenetako bat; Gwendal, musika zelta eta folk-rocka uztartzen dituen Bretainiako talde historikoa; eta Flook, gaur egungo Irlandako folkaren talde ezagunenetako bat. Horiekin batera, jaialdiak berriz ere berezko sorkuntzaren eta tradizioen arteko elkarrizketaren alde egingo du, Euskadi eta Galiziako artisten arteko lankidetza berezi baten bidez. Proiektu horretan Xabi Aburruzagak, Xabier Díazek eta Adufeiras de Salitre ahots eta panderejotzaileen taldeak parte hartuko dute. Horrez gain, ‘Xalbador, Urepeleko Artzaina’ diziplina anitzeko ikuskizuna ere izango da, euskal bertsolaritzaren ezinbesteko erreferenteetako bati eskainitako omenaldia. 

Bost emanaldi horiek osatuko dute Muxikebarriko abonamendu-zikloa (20:00etan). Irailaren 9an, asteazkenean, Flook taldeak emango dio hasiera jaialdiari. Taldearen birtuosismo instrumentalak eta Irlandako errepertorio tradizionala berritzeko duen gaitasunak nazioarteko erreferente bihurtu dute. Irailaren 10ean, ostegunean, Gwendal igoko da oholtzara, berrogeita hamar urtetik gorako ibilbideko kantu ezagunenak eskainiz. Irailaren 11n, ostiralean, edizio honetako une berezienetako bat izango da Xabi Aburruzaga, Xabier Díaz eta Adufeiras de Salitre taldeen arteko topaketa. Azken horiek lehen aldiz ariko dira Euskadin, euskal eta galiziar musika tradizioen arteko zubiak eraikitzeko. Irailaren 12an, larunbatean, Dulce Pontes izango da protagonista. Nazioarteko ibilbide oparoa duen artistak mundu osoko agertokietara eraman ditu fadoa eta Portugalgo musika, bere estilo pertsonal eta bereizgarriarekin. Jaialdiari amaiera emango dio, irailaren 13an, igandean, ‘Xalbador, Urepeleko Artzaina’ ikuskizunak; musika eta bertsolaritza uztartzen dituen proposamen eszenikoa da, bertsolari handiaren ondareari omenaldia egiteko. 

Xalbadorren omenez 

Getxo Folk jaialdiak proiektu honen estreinaldi absolutua hartuko du. Joxan Goikoetxea musikari eta ekoizlea zuzendari artistiko duela, ikuskizunak Fernando Aire ‘Xalbador’ bertsolari enblematikoaren figura gogora ekarriko du, haren heriotzaren 50. urteurrena dela eta. Koldo Amestoy ahozko kontalariaren gidaritzapean, ikuskizunak Urepelgo artistaren unibertso poetiko eta musikala oholtzaratuko du, Aire Ahizpak —Xalbadorren bilobek osatutako taldea—, Pantxix Bidart eta Olaia Inziartek interpretatutako kanten bidez. Horiez gain, Amets Arzallus eta Xabier Amuriza bertsolariek ere parte hartuko dute. Guztiak Julio Andrade, Iker Lope de Bergara, Oriol Flores eta Mario Mas gitarra-jotzaileak osatutako talde batek lagunduko ditu. Mas musikariak, besteak beste, Leonard Cohen, Paco Ibáñez eta Silvia Pérez Cruz artistekin lan egin du.

Ereagako kontzertuak 

Aurtengo edizioko erakargarri nagusietako bat izango dira, halaber, Ereagako hondartzaren inguruan (22:00etan) egingo diren doako kontzertuak. Jaialdiaren irismena handitzeko eta sustrai-musika publiko berriei hurbiltzeko helburuz antolatu dira. Irailaren 11n, ostiralean, Celtas Cortos taldeak joko du. Estatuko musika panoramako talde esanguratsuenetako bat da, eta 1980ko hamarkadaren amaieratik folk zelta eta rocka uztartuz hainbat belaunaldi markatu ditu. Irailaren 12an, larunbatean, ETS–En Tol Sarmiento izango da oholtzan. Euskal musikagintzako talde arrakastatsuenetako batek bere zuzeneko indartsua eta festa giroko proposamena eramango ditu Ereagara, bereziki gazteen artean arrakasta handia duen emanaldian. Kontzertu honekin amaiera emango dio Arabako taldeak azken hilabeteetan Euskal Herrian barrena eskaini duen hamabi kontzertuko bira bereziari; horregatik, Getxoko hitzordua bereziki esanguratsua izango da haren jarraitzaileentzat. 

Areetako programazioa 

Bestalde, doako programazioak berriz ere protagonismo handia izango du jaialdian. Areetako Geltokia plazan, 13:00etan eta 18:30ean, honako artistak eta taldeak ariko dira: Malvariche, penintsulako hego-ekialdeko folklorearen berrinterpretazioan espezializatutako Murtziako taldea; Klezmerama, Ekialdeko Europako klezmer musikan eta tradizioetan oinarritutako proposamen biziarekin; Anna Ferrer, Mediterraneoko eta Balear Uharteetako sustrai-musikaren ahots berezienetako bat; Elizabeth Davidson-Blythe & Daniel Quayle bikotea, Man Uharteko musika tradizionalaren ordezkari nabarmenak; Kale Hizketak, euskal musika tradizionala, dantza eta beste adierazpide artistiko batzuk uztartzen dituen proiektua; eta La Jose, flamenkoa, kopla eta Iberiar penintsulako folklorea ikuspegi garaikide eta konprometitutik lantzen dituen artista. Guztien artean Mediterraneoko, mundu zeltako, Iberiar penintsulako eta Euskal Herriko sustrai-musiken ibilbidea eskainiko dute, jaialdiaren helburua berretsiz: publikoari sustrai-musiken aniztasuna eta aberastasuna hurbiltzea. 

Familientzako programazioaren barruan ‘Soinuen herrialdea’ ikuskizuna eskainiko da. Horrez gain, anfiteatroan Sonarium instalazio sentsorial eta murgiltzailea izango da, publikoari soinua modu parte-hartzaile eta ludikoan ezagutzeko aukera emango diona. Aurreko edizioetan bezala, Eskoziako gaita-banda baten emanaldiak ere ez dira faltako. Aurten, Maltatik etorritako Marsa Scouts Pipe Band taldeak berriz ere Getxoko eta Bilboko kaleak musikaz beteko ditu bere ohiko desfileekin, Getxo Folk jaialdiaren jai-giroari ekarpena eginez.

 

Web mapa | Irisgarritasuna | Ohar legala | Pribatutasuna | Cookie-politika + | Datuak babesa

© 2026 Ayuntamiento de Getxo | Foruak 1 48992 Getxo - Telefonoa 944660000