Data: 2026/11/7 - 2026/11/7
Ordutegia: 10:00
Tokia: Muxikebarri
Getxoartek sormen-jarduera sustatu eta herritarren parte-hartze artistikoa bultzatu nahi du, baita artistak eta/edo zaleak zabaldu eta ezagutzera eman ere. Getxo Kulturak GETXOARTE Aire Libreko 4. Pintura Lehiaketa antolatu du, 2026ko azaroaren 7an, Algortan, Getxon.
1. Parte-hartzaileak
Helduen kategoria bakarra ezartzen da. 18 urtetik aurrerakoa.
2. Teknika, estiloa eta gaia
Estiloa eta teknika libreak izango dira eta gaia Algorta eta Andra Mari auzoetako natura- eta hiripaisaiak izango dira. Lanak aire zabalean egin beharko dira lehiaketaren egunean bertan.
3. Izen-ematea:
Izena emateko epea zabalik egongo da deialdia argitaratzen denetik aurrera eta honela egin ahal izango da:
- getxoarte@getxo.eus posta elektronikoaren bidez, azaroaren 5era arte.
- Erregistro telematikoaren bidez (Eskaera orokorra), azaroaren 6ra arte.
- Lehiaketaren egunean, Algortako Musika Eskolan, 09:00etatik 10:00etara, euskarria zigilatzen den unean.
4. Obraren ezaugarriak
Lehiakide bakoitzak gehienez ere lan bat aurkeztu ahal izango du, sinatu gabea eta gehienez 150 x 150 cm-koa.
Pintura-astoa ekarri behar da, antolakuntzak ez baitie material hori emango parte-hartzaileei.
5. Lehiaketa
Lehiaketa 2026ko azaroaren 7an, larunbatean, egingo da Getxoko Algorta eta Andra Mari auzoetan.
Lehiaketaren egunean bertan, Algortako Musika Eskolako harrera-lekuan, 09:00etatik 10:00etara bitartean, zigilatzeko euskarria aurkeztu beharko da nahitaez. Euskarri hori zurruna izan beharko da. Deialdi honetan ezarritako arauak betetzen direla bermatzeko zigilua ez duten pinturak edo marrazkiak ez dira lehiaketan onartuko.
Euskarriak lanerako prest aurkeztu ahal izango dira, baina inola ere ez dira onartuko zirriborroak, marrazkiak eta euskarri horien gaineko beste seinale batzuk.
Parte-hartzaileek beren lanak egiteko behar dituzten tresnak eraman beharko dituzten tresnak eraman beharko dituzte lehiaketara.
Lanak entregatzeko ordua: Algortako Musika Eskolako harrera-lekuan, 2026ko azaroaren 7an, larunbata, 14:00etatik 14:30era. Marrazki bakoitzarekin batera, gutun-azal itxi batean egilearen datuak agertuko dira
(Izen-abizenak, NAN, helbidea, harremanetarako telefonoa eta posta elektronikoa).
Lan bakarra onartuko da lehiakide bakoitzeko.
6. Epaimahaia
Epaimahai kalifikatzaileak artearen munduarekin zerikusia duten bi pertsona kualifikatuak izango ditu, erakundeak izendatuak, eta horietako bat Akuarelisten Euskal Elkartekoa izango da. Behin epaimahaikideak izendatuta, Getxo Kultura Tokiko Erakunde Autonomoko Lehendakaritzaren Ebazpenaren bidez onetsiko da osaera.
Epaimahaiari dagokio aurkeztutako obrak baloratzea eta saritutako obrak hautatzea.
7. Sariak
• 500,00 €ko 6 sari Pertsona Fisikoen Errentaren gaineko Zergaren menpe egongo dira sari guztiak. Indarrean dagoen legediaren ildotik. Sariak 2026ko azaroaren 7an banatuko dira, 14:30ean, Muxikebarrin.
Lehiaketan saritutako obra guztiekin egutegi bat egingo da, Getxo Kulturak 2027. Urterako argitaratuko duena. Sariak saritutako lanaren ustiapen-eskubideak erostea ekarriko du, aipatu egutegian sartua izateko. Irudia egutegiaren eta Getxo Kulturaren sustapen eta komunikazio helburuetarako ere erabili ahal izango da.
9. Obren jabetza
Saritutako lanak autorearen jabetzakoak izango dira. Getxo Kulturak erreproduzitzeko edo erakusteko eskubidea izango du, baina horrek ez du esan nahi egile-eskubiderik ordaindu behar duenik.
10. Obrak berreskuratzea
Saritutako lanen kontsigna Getxo Kulturaren esku geratuko da egutegia digitalizatzeko eta editatzeko lanak egiten diren bitartean.
Sarituak izan ez diren lanak Muxikebarrin berreskuratuko dira sari-banaketaren ostean eta egun bereko 15:30ak arte.
Lehiaketa honetan parte hartzeak oinarriak erabat onartzea dakar, baita lehiaketa hobeto garatzeko oinarriek izan ditzaketen aldaketak ere. Antolakuntzak obrak ondo zaintzen direla egiaztatuko du baina ez du bere gain hartuko lehiaketan zehar obretan gerta daitezkeen kalteen erantzunkizunik.
