Getxoko enpresentzako 2025ko laguntzak

Getxoko Udalak lan handia egiten du ekonomia-sustapenaren alorrean, legegintzaldi-planetan jasota dagoen bezala; horren erakusgarri dugu udalerriko enpresen profesionalizazioari zuzendutako jarduerak gauzatu dituela. Ildo horretatik, askotariko prestakuntza- eta aholkularitza-zerbitzuak eskaintzen ditu, eta hainbat proiektu eta programa espezifikotan parte hartzen du, betiere enpresa-sarea sendotze aldera. Xede hori betetzeko lagungarria da, batetik, enpresa-berrikuntza sustatzea eta, bestetik, turismo-zerbitzu erregularren eskaintza babestea.

Dirulaguntza-ildoak honako hauek dira:

1 ildoa: Udalerriko berrikuntzako enpresa eta profesionalentzako laguntzak: negozio-ildo berriak, produktu edo zerbitzu berriak, eta merkaturatzeko edo eraldaketa digitala egiteko modu berriak martxan jartzea.

Helburua da udalerriko profesionalak eta enpresak berritzaileak izan daitezen sustatzea, honako xede hauek betetzeko: zerbitzu, produktu eta/edo horiek merkaturatzeko modu berriak ezartzea; enpresek eraldaketa digitala gauzatzea; udalerriko herritarren bizitza hobetzea; eta udalerrian kokatuta dagoen enpresa/negozioa mantentzeko edo sendotzeko mugarri izan den edozein motatako eraldaketa-prozesua gauzatzea. Berritzaileak diren aldaketak soilik hartuko dira kontuan.

2 ildoa: Jarduera-turistiko bermatuak abian jartzeko laguntzak, profesionalei eta enpresa turistikoei zuzendutakoak.

Helburua da enpresa-sarea indartzen laguntzea, enpresen nahiz profesionalen arteko harremana eta lankidetza indartuz. Asmoa da lankidetza horren ondorioz enpresa turistikoek zerbitzu, jarduera eta/edo produktu turistiko berritzaileak, erregularrak eta kalitatezkoak garatzea eta abian jartzea, eta haiek merkaturatzeak (zuzenean eta zeharka) laguntzea Getxoko enpresa turistikoen multzoari.

Dokumentu interesgarriak:

1 ILDOA: Udalerriko profesional eta enpresen berrikuntza bultzatzeko laguntzak: martxan jartzea negozio-ildo berriak, produktu edo zerbitzu berriak, eta merkaturatzeko edo eraldaketa digitala egiteko modu berriak.

Epea:

Justifikazioa aurkeztu beharko da diruz lagundutako jarduera amaitu eta 45 egun baliodun igaro baino lehen, honako kasu hauetan izan ezik:

  • Abenduan egiten direnak, zeinak gehienez deialdiaren hurrengo urteko urtarrileko azken egunean justifikatu ahal izango baitira.
  • Udalaren aurretiko oniritziaz, abenduaren 31tik aurrera egiten direnak, zeinak gehienez deialdiaren hurrengo urteko otsaileko azken egunean justifikatu ahal izango baitira.

Justifikatzeko dokumentazioa:

  • Fakturak edo merkataritzako trafiko juridikoan froga-balio baliokidea duten agiriak; ez da onartuko erosketa-txartelik. (Nolanahi ere, fakturetan pertsona edo erakunde eskatzailearen izena eta IFK jaso beharko dira. Fakturaren kontzeptuan argi eta garbi azaldu beharko da ordainketa zer kontzepturengatik egiten den). Enpresa hornitzailea eskabidean aurkeztutakoa ez bada, enpresa hornitzaileak fakturatutako jarduera egiteko duen esperientziaren txostena aurkeztu beharko da.
  • Aurkeztutako fakturei dagozkien ordainketak egin izanaren egiaztagiriak.
  • 8. eredua: helburu bererako lortu diren beste dirulaguntza batzuen erantzukizunpeko adierazpena, dirulaguntza eman duten organoak eta zenbatekoa, baita Minimis araubidearen mendeko laguntza publikoak ere.
  • 9-L1 eredua: jarduketa-memoria
  • 10-L1 eredua: memoria ekonomikoa: diru-sarreren eta gastuen justifikazio-kontua.

Behar izanez gero aurkeztu beharreko beste agiri batzuk:

  • 4. eredua: Ordezkaritza ematea. BAKARRIK bete baldin eta beste batek aurkeztuko badigu eskaera

2. ILDOA: Jarduera-turistiko erregularrak abian jartzeko laguntzak, profesionalei eta enpresa turistikoei zuzendutakoak.

Epea:

Justifikazioa aurkeztu beharko da diruz lagundutako jarduera amaitu eta 45 egun baliodun igaro baino lehen, honako kasu hauetan izan ezik:

  • Abenduan egiten direnak, zeinak gehienez deialdiaren hurrengo urteko urtarrileko azken egunean justifikatu ahal izango baitira.
  • Udalaren aurretiko oniritziaz, abenduaren 31tik aurrera egiten direnak, zeinak gehienez deialdiaren hurrengo urteko otsaileko azken egunean justifikatu ahal izango baitira.
  • Fakturak edo merkataritzako trafiko juridikoan froga-balio baliokidea duten agiriak; ez da onartuko erosketa-txartelik. (Nolanahi ere, fakturetan pertsona edo erakunde eskatzailearen izena eta IFK jaso beharko dira. Fakturaren kontzeptuan argi eta garbi azaldu beharko da ordainketa zer kontzepturengatik egiten den).
  • Aurkeztutako fakturei dagozkien ordainketak egin izanaren egiaztagiriak.
  • 8. eredua: helburu bererako lortu diren beste dirulaguntza batzuen erantzukizunpeko adierazpena, dirulaguntza eman duten organoak eta zenbatekoa, baita Minimis araubidearen mendeko laguntza publikoak ere.
  • 9-L2 eredua: jarduketa-memoria.
  • Parte hartzen duten pertsonen edo negozioen balorazio-txostena, galdetegi baten bidez egina.
  • Dokumentazioa (euskarri digitala) liburuxkei, argazkiei, iragarkiei eta jardueraren garapena egiaztatzen duten gainerako material grafikoei buruz. Era berean, aurkeztu beharko da komunikazio-euskarri horiek erabili diren ekintzen eta kokapenen ebidentzia.
  • 10-L2 eredua: memoria ekonomikoa: diru-sarreren eta gastuen justifikazio-kontua.
  • 11 eredua: langile-gastuen justifikazioa: honela justifikatu ahal izango dira, eredu horri honako agiri hauek erantsita:

- Kostua orduko kalkulatzeko azalpen-dokumentua.
- Kasuan kasuko dokumentazioa:
a) Autonomoak: jarduera egiten den hilabeteetako autonomoen ordainagiria.
b) Nominak:

• 12 eredua: langilearen aitorpena.
• Jarduera egiten den hilabeteetako nominaren ordainagiria.

Behar izanez gero aurkeztu beharreko beste agiri batzuk:

  • 4. eredua: Ordezkaritza ematea. BAKARRIK bete baldin eta beste batek aurkeztuko badigu eskaera.


Nola justifikatu

Urratsak:

    • Ekonomia Sustapena: Enpresentzako dirulaguntzak 2025: 1. lerroa. 1- Justifikazioa
    • Ekonomia Sustapena: Enpresentzako dirulaguntzak 2025: 2. lerroa. 1- Justifikazioa
  • Bete datuak, erantsi eskatutako dokumentazioa eta bidali.
Kontsulta oro argitzeko, Ekonomia Sustapeneko Arlora deitu (944660140) edo mezu elektroniko bat bidali getxolan@getxo.eus

Administrazio elektronikoaren bulegoarekin arazoak izanez gero: 944660220 edo eadministracion@getxo.eus