Hasiera Gobernu Irekia Herritarren parte-hartzea Udalak Manuel Gainza aparkalekuan egingo diren erabilera edo zerbitzuen ondoriozko diru-sarrerak arautzeko ordenantza fiskala egin aurreko kontsulta publikoaren iragarkia

Udalak Manuel Gainza aparkalekuan egingo diren erabilera edo zerbitzuen ondoriozko diru-sarrerak arautzeko ordenantza fiskala egin aurreko kontsulta publikoaren iragarkia

Administrazio Publikoen Administrazio Prozedura Erkidearen urriaren 1eko 39/2015 Legearen 133. artikuluan xedatutakoa betez, kontsulta publikorako epea hasten da, adierazi diren ordenantza fiskalaren proiektu horiek prestatu aurretik, jarraian adierazten diren alderdiei buruz.

Ekimenaren bidez konpondu nahi diren arazoak

Getxoko Udala lurpeko aparkaleku-azpiegitura berri bat eraikitzen ari da Algorta auzoan, Manuel Gainza parkean. Azpiegitura horrek izen hori edukiko du, Manuel Gainza aparkalekua, eta epe laburrean amaituta egotea aurreikusten da.

Azpiegitura berriak sestra azpiko solairuak ditu, 243 aparkaleku-plaza sorrarazten dituztenak, aplikatu beharreko araudiaren araberako MINUS plazen erreserba barne (-1 solairua: 74; -2 solairua: 83 eta -3 solairua: 86).

Inguruan aparkatzeko hautemandako beharretan, azpiegitura hori eraikitzeko aurretiazko bideragarritasun-azterlanetan eta udalerrian bertan nahiz mugakideetan aztertutako ezagutzan eta esperientzian oinarrituta, kontuan hartu da, ahal den neurrian, inguruko egoiliarrek aparkatzeko eskariaren presioa arintzeko beharra, gai hori beti dagoelako udalak burutzen dituen asebetetasun inkesten lehen postuetan. Hori dela eta, udalerrian bizi diren abonatuei -3 solairu osoa eman nahi zaie, azpiegituraren  konfigurazioagatik baimendu gabeko hirugarrenen erabilera isolatzeko eta saihesteko aukera ematen duelako, eta -1 eta -2 solairuak errotaziora eta ordainketetara bideratu nahi dira, okupazioaren arabera eta benetako eskaeratik eta/edo horri buruz ezartzen diren irizpideetatik ondorioztatzen diren jarraibide teknikoen eta/edo aparkaleku-politiken arabera.

Bada, lurpeko aparkaleku hori kudeatze aldera, Udalak bertan emango diren zerbitzuen erabiltzaileek bertan egingo diren zerbitzu edo erabilerengatik ordaindu beharreko zenbatekoak finkatuko ditu.

Onartzeko beharra eta egokitasuna

Proposamen hori udalerriari egoiliarrek eta kanpotarrek erabili ahal izango dituzten aparkalekuak emateko beharretik sortu da eta, horrela, zerupeko edo azaleko hiri-eremua beste erabilera batzuetarako berreskuratu ahal izango da, horrela, herritar egoiliarrek kaleetan aparkatzeko izaten  duten presioa arinduz.

Kontuan hartuta azpiegitura berria dela eta laster jarriko dela martxan, eta Udala arduratuko dela hura ustiatzeaz, beharrezkoa da berehala onartzea udal-azpiegitura hori erabiltzeagatik ordaindu beharreko zenbatekoak.

Arauaren helburuak

Ordenantza fiskala onartzearen helburuak hauek dira:

•  -3 solairuko abonatu egoiliarrentzat hileko tasa bat onartzea.
•  -1 eta -2 solairuen txandakatze-tarifak ezartzea, etorkizunean onar daitezkeen bonuak alde batera utzita.

Zenbateko horiek finkatzeko, aparkalekuaren erabiltzaileen eskariaren eta portaeraren analisiak hartuko dira kontuan, bai eta ase beharreko ustezko beharrizanak ere.

Jarraian, txandakako partzelen okupazio-tasa ezartzeko oinarri gisa erabiliko diren premisa batzuk azalduko ditugu.

Horretarako, kontuan hartuko dira Udal Hiri Mugikortasun Iraunkorreko Planean (HMIP)  ezarritako jarraibideak. Plan horren arabera, besteak beste, tarifa-politikak eta bideetan eta kaleetan eta bideetatik kanpo aparkatzeko politikak bateratuak izango dira, araututako eremuetan lur gaineko edo zerupeko aparkalekua iraupen laburreko txandaketara bideratu dadin, eta 2 edo 2,5 ordutik aurrera, bideetatik kanpoko lurpeko aparkalekua merkeagoa izan dadin. Hori horrela, alde horretatik, egonaldi luzeak bultzatzen dira, epe laburreko eskariari erantzuteari utzi gabe, nahiz eta bide eta kaleetako aparkatzearekin alderatuta prezioak hain erakargarriak ez izan.

Honi erantsita doa udal HMIPren laburpena, azpiegitura berri horren aparkaleku-politika ezartzeko orduan kontuan hartu dena:

"23. neurria. Manuel Gainza aparkalekua egitea, inguruko Aparkamendu Araupetuaren Zerbitzuarekin, AAZ, koordinatutako tarifekin.

Lehen adierazi den bezala, Manuel Gainza parkeko aparkalekua egitea planteatzen da, Algortako bideetako eta kaleetako aparkalekua presioz libratzeko. Azpiegitura horren zuzkiduraren zati bat txandaka erabiltzeko izango da.

Txandakako plaza horiek kaleetako eta bideetako aparkalekuen zati bat askatzeko eraginkorrak izan daitezen, Algortako AAZrekin batera kudeatu behar dira. Horrela, hainbat aukera planteatzen dira.

Horietako bat izango litzateke Las Mercedes-Areetako kasurako adierazitakoaren antzeko tarifa-sistema bat ezartzea: AAZren tarifak progresiboak izango dira denboran zehar; horrela, egonaldi batetik aurrera, erabiltzailearentzat merkeagoa izango da ibilgailua aparkatzeko azpiegituran aparkatzea. Horretarako, aparkalekuko tarifek progresio etengabea edo denboran zehar leundua izango dute.

Beste aukera bat izango litzateke aparkalekuko txandakatze-tarifak AAZren berdinak izatea eta, beraz, lurpeko azpiegitura berrian aparkatzeak ez luke ekarriko bideetan edo kaleetan aparkatzeak baino kostu handiagorik. Egoera horrek egonaldi laburreko bezero gehiago erakarriko lituzke.

Aukera horietako edozeinekin batera, bidearen edo kalearen zati bat aparkaleku "espresa" gisa ezartzeko proposamena sortu da. Ulertzen da balizko tarte hori txikia izango litzatekeela tamainari dagokionez eta ezingo luketela bertan egoiliarrek aparkatu erregulazio-ordutegian. Kokapena beste eztabaidagai bat da. Ibilgailuak aparkalekuaren presioa jasaten duten beste kale batzuetara kanporatzea saihesteko, bizitegi- eta merkataritza-guneen mugakidea ez den kokaleku bat planteatzen da. Badirudi lekurik egokiena Algortako Metro geltokiaren gainean dagoen aparkalekua dela. "

Hori oinarri hartuta, -1 eta -2 solairuetan bi ordutegi desberdin ezarri nahi dira, dagozkien tarifa linealekin:

• Tarifa arrunta: 09:30etik 20:00etara.

• Tarifa murriztua: 0:00etatik 09: 30etara eta 20:00etatik 23:59etara.

Era berean, hainbat motatako bonuak eskaini nahi dira, herritarrek beren beharren eta instalazioaren erabileraren arabera erabil ditzaten. Bonu horiek egokitzen edo aldatzen joan ahal izango dira hautematen diren benetako beharren arabera, azpiegitura berri horren okupazioa eta arrakasta optimizatzeko, Algortan atzemandako aparkatze-arazoa arintzera bideratuta. Hasiera batean, honako hauek planteatzen dira:

• Hileko eguneko ordainketa (8:00etatik 20:00etara).
• Hileroko gaueko ordainketa (20:00etatik 08:00etara).
• Hileko goizeko ordainketa (8:00etatik 15:00etara).Hileko arratsaldeko abonatua (15:00etatik 22:00etara).

3. Halaber, kudeaketa-kuota bat ezarri nahi da abonatutako pertsonen txartela edo sarbide-sistema jaulkitzeagatik/berritzeagatik.

Egon daitezkeen bestelako aukera erregulatzaileak eta ez-erregulatzaileak.

Kasu honetan dagozkion ordenantza fiskalak onartzea beste aukerarik ez dago, tasak ezartzeko, hala badagokio, aipatutako arauzko tresna izapidetu eta onartu behar baita.