EZAGUTU GETXO
Gorbeiako Parke Naturala
Gorbeiako Parke Naturala
Gorbeiako Parke Naturala Euskadiko mendigune nagusia da, Getxotik 50 minutura eta Bilbotik 40 minutura dago autoz. 500 kilometro koadroko espazioa du, gutxi gorabehera, eta erabateko biodibertsitateaz goza daiteke: basoak, ardien larre guneak, hezeguneak, kobazuloak, ur-jauziak, eta abar.
Enklabe hau euskal mitologiako kondaira ugariren jatorria da. Adibidez, Itxinako Biotopo Babestuan dagoen Supelegor kobazuloa lamien eta Mariren (Euskadiko izaki mitologikoak) etxeetako bat da. Lurralde hau Parke Natural honen bihotz edo gunetzat hartzen da. Ohikoena "Atxalur begitik" barneratzea da eta, ondoren, Orozko haranaz gozatzea, paisaiaren ikuspegi panoramikoa eskaintzen duen begiratoki natural batetik.
Parkearen hego-mendebaldeko zatiaren mugan kokatua, bertako beste leku adierazgarrienetako bat dago: Goiuriko ur-jauzia. 100 metro baino gehiagoko ur-jauzia da, eta bertako kondaira ospetsuenetako bat gordetzen du. Mitologiaren arabera lamia batek Urjauzi izeneko inguruko artzain bat gaur egun antzeman daitekeen ur-jauzi bihurtu zuen, bere ispilu magikoa lapurtu ziolako. Bere ondoan, begiratoki bat dago, ur erorketa ikusteko leku aparta.
Espazio honek askotariko jarduera motak ditu, abenturarekin, naturarekin eta kirolekin lotuta daudenak, eta baita erlaxatzekoak ere.
Baina mendirako grina duen pertsona ororen helmuga nagusia Gorbeia mendia da.
Gorbeia mendia
1482 metroko garaierarekin Gorbeia mendia Bizkaiko garaiena da, eta Euskadiko adierazgarrienetako bat. Bizkaiko historiaren atala da, garai batean Lurralde honetako Batzar Nagusiak deitzen ziren bost mendietako bat delako.
Bere tontorrean Gorbeiako Gurutzea dago, 17 metroko altuera duen monumentua. Tontor horretatik, Bizkaiko punturik garaienetik, Aizkorri eta Anboto mendien bista apartak daude.
Ibilbideak
Tradizionalena Pagomakurretik mendiaren tontorreraino abiatzen dena den arren, Gorbeiako Parke Naturalak distantzia desberdinetako ibilbideak ditu oinez, bizikletaz edo autoz ibiltzeko.
Oinez
Naturgune honek luzera ezberdineko bideak ditu oinez ibiltzeko. Ura eta erreken inguruan igarotzen direlako bereizten dira, ibaiak eta urtegiak zeharkatuz.
Horien artean Telleriako bidea egin daiteke, Urrunagako urtegiko pasealekua, Urkabustaiz (Lamioxin aintziratik eta Goiuriko ur-jauzitik igarota), Arratzutik Ubarrundiara arteko bidea, Urbinako talaiara iritsita Uribarri-Ganboako urtegiaren ikuspegi zabala ikusiz.
Bizikletaz
Bizikletaz ibiltzeko ibilbide asko daude, baina bada bat berezia dena Gorbeiako Parke Naturaleko erakargarritasun ezberdinez gozatzeko aukera ematen duelako.
Bide hori bi zatitan banatuta dago:
-
Baias ibaiaren ondoko pasealekua. Bide lasaigarri hori Gorbeia mendiaren oinetaraino iristen da, putzuetatik igaro eta zubiak zeharkatuz, ingurune naturalaz gozatuz.
-
Altubeko pagadiaren bidez. 10 kilometroko luzera duen bigarren zati horrek zailtasun handiagoa du, malda handiak dituelako.
Kotxez
Gorbeiako Parke Naturalak funtsezko bost puntu ditu, autoz irits daitezkeenak:
-
Orozko. Gaztandegi bat eta marmelada eta ogi autoktonoa ekoizten dituen enpresa bat ditu.
-
Goiuriko ur-jauzia. 100 metro baino gehiagoko ur-jauziak espazio horretako kokagune harrigarrienetako bat bihurtzen du.
-
Murgia. Leku horretan Eztiaren Museoa dago, parkean eztia nola egiten den erakusten duena.
-
Oroko Santutegia. Puntu garaietako batean dago eta parkearen ikuspegi panoramikoa eskaintzen du, eta horrek azaltzen du zergatik Burdin Aroan jendea bizi zen bertan.
-
Parketxea Sarria. Hemen dago Parkeko Interpretazio Zentroa, eta bertan aurki daiteke parkeari buruzko informazio guztia.
Nola iritsi
Getxotik Gorbeiako Parke Naturalera iristeko biderik azkarrena N640 errepidea da, Areatza helmuga izanik. Bertatik erraz iristen da Pagomakurreraino, gune natural honetan ibilbideak hasteko lekurik arruntena dena.
Gorbeiako Parke Naturala bezala, natura gozatzeko leku aproposa da Getxo, bertako hondartza, itsaslabar eta faunari esker.
