KRUZEROAK
Egun erdi Getxon
Egun erdi Getxon
Bilboko Portua, Abrako badiaren barruan dagoena, Euskadira datozen gurutzontzirik onenen helmuga da. Itsas estazioko Turismo Bulegoak ongi etorria ematen die gurutzontzietako bidaiariei, eta zenbait jarduera eskaintzen dizkie Getxo udalerria ezagutzeko ordu gutxi batzuk dituztenei edo Bilbon egiten duten eskalan erosketa batzuk egin nahi dituztenei.
Deskubritu Getxon gurutzontzietako bidaiarientzat interesa daukan informazioa orrialde honetan.
Getxo bisitatzeko egun bat baino gutxiago baduzu, hona hemen denbora gutxian udalerriaz gozatzeko jardueren zerrenda:
1- Portu Zaharrean pintxoak hartzeko plana
Gozatu itsasoaz eta gastronomiaz udalerriko arrantza-portuan. Bertako kale estuek, eraikin zaharrek eta barrak pintxoz beteta dituzten taberna ospetsuek maiteminduko zaituzte.
Algortako geltokitik hamar minutura dago eta, normalean, goizetan izaten da jende gehiago, lagun asko bertako taberna eta terraza ugarietara baitoaz hamaiketakoa hartzera.
Pintxo gozo-gozoak hartu eta gero, itsasertzetik ibil zaitezke eta Ereagako pasealekuko jatetxeetan bazkaldu.
- Kokapena eta nola heldu
Informazio gehiago ezagutu nahi baduzu, sakatu esteka honetan
2- Taxi Tour Getxon:
Getxo bisitatzeko denbora gutxi duzuenok, taxi bidezko tour praktikoa daukazue aukeran. Horren bitartez, udalerriko lekurik adierazgarrienak bisitatuko dituzue. Ibilbide zirkularra da, eta Areeta, Neguri, Algorta eta Andra Mari bisitatzeko aukera ematen du. Hasi den toki berean amaitzen da edo bisitariak erabakitzen duen tokian.
Udalerria taxiz ezagutzeko bi ibilbide daude:
Kosta monumentala:
Getxoko lekurik adierazgarrienak ikusteko ibilbidea, 20 minutukoa. Taxiak 22€ balio du, eta gehienez ere, 4 pertsona joan daitezke taxi bakoitzean.
Getxo oso-osorik:
Udalerria sakonkiago ezagutu nahi baduzu, ibilbide horretan geldialdi laburrak egin ahal izango dituzu eta argazkiak atera. 60 minutuko iraupena du, eta 38€ balio du taxi bakoitzak. Aurreko aukeran bezala, taxi bakoitzeko, gehienez ere, 4 pertsona joan daitezke.
-
Harremanetarako telefonoa
BizkaiTaxi 944 915 353
Informazio gehiago ezagutu nahi baduzu, sakatu esteka honetan
3- Getxoko itsaslabarretatik paseoan (Galea eta Aixerrota)
Kantauri itsasoko eta itsaslabarretako ikuspegiaz gozatzeko aukera paregabea duzu. Gainera, Galeako pasealekuan hainbat interesgune daude, esate baterako, Aixerrota Errota eta Galeako itsasargia eta gotorlekua.
Aixerrota Errota eraikuntza interesgarria dugu. 1727. urtean eraiki zuten lehorte luze baten ondorioz. Hain zuzen, garia ehotzeko uraren beharrik ez zuen haize-errota eraiki zuten. Idortearen ostean, berriz ere izan zuten betiko errotek ibiltzeko ura eta, urteek aurrera egin ahala, Aixerrota xede horretarako erabiltzeari utzi zioten.
Egun, eta XX. mendearen amaieran birmoldatu zenetik, pintura-galeria dago haren barruan eta, erantsitako eraikinean, jatetxea.
Ibilbide horretan Nerbio ibaia Kantaurin nola itsasoratzen den ikusi ahal izango duzu, benetan ikuspegi zoragarria. Leku horri Abraren Estuarioa esaten zaio.
Han dago, hain zuzen ere, Galeako gotorlekua, XVIII. mendekoa. Itsaslabarraren goialdean dago, eta Bilboranzko merkataritza-trafikoaren defentsarako erabiltzen zen.
Harlangaitzezko eta harlanduzko horma sendoak zituen, bai eta kanoietarako 18 kuku-leiho ere, eta zulo batek inguratzen zuen. Barrualdean, zenbait eraikinetan banatzen ziren biltegiak eta bolborategi egokiak, bai eta troparako instalazioak ere.
Defentsa Ministerioak 1947an jabetza utzi eta Getxoko Udalari laga zion xede publikoetarako. Zabalgune bat jarri zen bertan, 1975ean itxi zen piknik-gune batean oinarrituta.
Pasealekua natura-ingurune paregabean dago, itsaslabar malkartsuek eta tokiko landaredia berreskuratzeko prozesuan dagoen basoak inguratuta.
- Kokapena eta nola heldu
4- Bisitatu Areetako Bizkaia Zubia
Bizkaia Zubia, Zubi Esekia izenaz ere ezaguna, Getxoko ingeniaritzaren ikurra dugu, eta Bilboko industria-garaiko monumentu handietako bat. Areeta auzoaren eta Portugaleteren arteko loturak errazteko helburuaz eraiki zuten 1893. urtean, ontzien trafikoa eragotzi barik, garai hartan garrantzi handikoa baitzen.
UNESCOk gizadiaren ondaretzat jo du eta hura bisitatzea gomendatzen dizugu, bai eta haren ikuspegi zoragarria ezagutzea eta zubian igotzea ere, oraindik martxan dago eta. Bertara iristeko, Ereaga hondartzatik egin ahal duzu paseo bat edo Areetako metro geltokian jaitsi.
-
Ordutegia eta prezioa:
Denbora guztian dabil, 00:00etik 05:00etara izan ezik. Ordu-tarte horretan, orduro abiatzen da.
Bisitatu oinezkoentzako pasabidea
Igo oinezkoentzako pasabidera igogailu panoramikoaz (50 m-ko altueran) eta ikuspegi izugarriez gozatzeko aukera izango duzu, Nerbioi ibaiaren bokale osoaz, Bilboko portuaz, alboko mendiez, Portugaletez eta Getxoz.
*Inongo xehetasunik galdu nahi ez baduzu, kontratatu audiogida-zerbitzua.
- Pasarbidea: 9€
- Audiogida hartzeko aukera: 2€
Bisita gidatuak
Bizkaia Zubia edo Zubi Esekia gida profesional baten eskutik bisita daiteke. Informazio gehiago ezagutu nahi baduzu, Bizkaia Zubiaren webgune ofiziala kontsulta dezakezu.
Bisita gidatua + pasarelarako sarrera: 45 € Erreserba
Pasarelarako sarrerak Bizkaia Zubiaren dendan bertan ere eskura daitezke, eta aldez aurretik egin daiteke erreserba formulario hau betez.
- Harremanetarako telefonoa
Bizkaia Zubia - 94 480 10 12
- Kokapena eta nola heldu
5- Igo Algortara igogailu panoramikoaz
Ibilbide paregabea proposatzen dizugu. Igo Getxoko igogailu panoramikora, Ereagako hondartzan kokatuta, eta eskaintzen dituen ikuspegi ikusgarriez gozatzeko aukera izango duzu. Maria Cristina begiratokira ailegatuko zara eta bertan bere ikuspegi ederrak hilezkortzeko aukera izango duzu. Ibilbideak Basagoiti etorbidetik jarraituko du, non Getxoko Pintxo dastatu ahal izango duzu, bere diseinuko dendak bisitatu edota Algortako Azokan geldialdi bat egin.
Ibilbidea osatzeko, Portu Zaharra bisitatuko duzu eta Ereagara jeitsiko zara bere kale ederretatik.
Portu Zaharrari buruz datu eta istorio gehiago jakin nahi baduzu, zuretzat diseinatu dugun etxez etxe APPa deskargatu dezakezu doan. Bertan aurkituko dituzu auzoko kale eta etxeetan barrena gidatuko zaituen ibilbidea, aukera gastronómiko onenak eta osasun-iradokizunak eta tresnak.
BESTE PLANAK:
- Bizikletak alokatzeko zerbitzua: 2€ (Getxo Bizi).
Informazio gehiago nahi izanez gero Getxoko Turismo Bulegoarekin kontaktuan jarri ahal zara hurrengo telefono zenbakian:
