EZAGUTU GETXO
Zein da Getxori buruz duten iritzia?
Zein da Getxori buruz duten iritzia?
Iparralderako irteera bat antolatzen ari bazara eta Getxo nolakoa den galdetzen badiozu zeure buruari, bisitatu dutenen esperientziak ezagutzea baino hoberik ez dago. Getxori buruzko iritzi horien bidez, bidaiari eta influencer-en bilketen bidez, kostaldeko helmuga hori Bizkaiko preziatuenetako bat zergatik den jakingo duzu.
Itsaslabarren, hondartzen, itsas pasealekuen, gastronomiaren eta kulturaren artean, jendeak bere buruari galdetzen dio ea merezi duen Getxo bisitatzea. Bidaiariek partekatzen dituzten erantzunak, bizipenak eta sentsazioak lagungarriak izan daitezke erabakitzeko.
Influencer batzuek Getxori buruz duten iritzia ezagutu!
Getxori buruzko bidaiarien lekukotza hauek lekuaren benetakotasuna, Bilborekiko gertutasuna eta bere eskaintza turistikoaren kalitatea nabarmentzen dute.
Zer diote influencer-ek Getxori buruz?
Kepa Acero
Surfalari profesionala
“Izugarri gustatzen zait Getxo, itsasoko nahiz mendiko tokiak dituelako. Asko gustatzen zait Portu Zaharrera joatea zerbait hartzera, oso leku polita da. Horrez gain, skateparka ezinbestekoa izan da niretzat: bertan hazi naiz eta bertan ezagutu nuen surfa. Getxoko zati hori oso sinbolikoa da nire bizitzan"
Sisters and the City
Bidaia-blogariak
"Getxoren eta Sisters and the City-ren artekoa begi-kolpeko maitasuna izan da. Edertasun arkitektoniko handiko bost auzo ditu, baita askotariko giroak ere. Plazer izugarria da bertako hondartzetan, kaleetan eta jauretxeetan zehar ibiltzea, bazkari bikainaz gozatzea, itsaslabar zoragarrietatik paseatzea eta bertako denda berezietan erosten amaitzea. Bidaiatxo bat egiteko toki paregabea. Ez ahaztu kalimotxo bat hartzeaz Algortako Portu Zaharrean, kondairak dioenez bertan sortu baitzen gure kulturaren parte den edari txinpartatsua, gure gogokoenetakoa."
Fernando Velázquez
Konpositorea eta Goya sariduna
“Txikitatik kultur ekitaldi ugariz gozatzeko aukera izan dut, eta horiei esker naiz gaur egun naizena. Muxikebarri Getxoko nire gune gogokoenetakoa da, bertan gozatu baitaiteke kalitate handiko musikaz. Ilusioz, ametsez eta magiaz jositako tokia da. Getxok hiriaren eta herriaren onenak uztartzen ditu; izan ere, ospe handiko jaialdiak egiten dira oso gertuko herri-giroan.”
Pipper on tour
Blogaria
“Udalerria toki paregabea da bizitzeko: berdegunez eta duela mende bateko burgesia handiak eraikitako etxebizitzaz eta jauregitxo ederrez josita dago. Niri gehien gustatzen zaidan eraikinetako bat Naufragoen Etxea eta Arriluze itsasargia da, Arriluze kaian.”
Idoia Olabarrieta
Kirolaria
“Nire ustez Getxon nabarmendu beharrekoa bertako hondartzak eta itsaslabarrak dira. Udan, izugarri gustatzen zait Azkorri hondartzatik ikusten diren ilunabarrez gozatzea lagunartean. Paellak Getxoko nire ekitaldi gogokoenetakoak dira. Aixerrotan egiten den paellen nazioarteko lehiaketa horretan ehundaka kuadrilla batzen dira paella onena ahukeratzeko.”
Borja Hernández Urrutxurtu
Ekintzailea, artisau plisatzailea eta patroigilea
“Getxora lehenengo aldiz datorren lagunen batek bisitatzen nauenean, beti gomendatzen diot funtsezko hiru tokitara joatea: Ereagako pasealeku zoragarrira, nire ustez ezinbestekoa den Bizkaia Zubi txundigarrira, eta Galeako itsaslabar ederretara, txoko eta ikuspegi bikainak baitaude bertan”.
Almudena Gandarias
MasterChef Abuelos 2 telesaileko irabazlea
“Txikitatik daukat sukaldaritzarako grina. Getxoko nire gune gogokoenak... izugarri gustatzen zait Portu Zaharra, uste dut bisitatzeko tokirik politena dela, nire ustez beste leku batzuek ez daukaten xarma baitu. Halaber, Areetako hondartzatik paseatzea gustatzen zait; lehen oso jende gutxi etortzen zen; orain oso garbi dago eta ura ere hobetu egin da”.
Jaime Lafita
DalecandELAren sortzailea
"Ereaga Getxoko nire toki kuttunetako bat da; itsasoa ikustera eta entzutera etortzen naiz, baita ilunabarrak ikustera ere. Beti egon izan naiz denbora asko Ereagan: txikitatik nator gurasoekin tabernetan hamaiketakoa jatera, inguruko txiringitoetan garagardoak edatera eta olatuetan aritzera itsaso zabala dagoenean. Gaur egun, askotan gatoz Getxoko lokaletan zuzeneko musika entzutera. Ziur asko Ereaga da gehien egon nazen tokia".
Haizea López
Idazlea
"La Cueva de Mari thriller mitologikoa nire lurraldean dago girotuta, Getxon; Azkorrin zehazki, agertoki zirraragarria izateko osagai denak biltzen baititu. San Nikolas Liburutegia oso toki berezia da niretzat, nire istorioen zati handi bat bertan sortu baita. Halaber, nire oroitzapen gogokoenetako bat alabak ibiltzen ikasi zuenekoa da; Ereagako pasealekuan izan zen, olatuak atzean izanik eta kresal-usainarekin. Getxoko ezaugarririk bereziena da hiri bateko erosotasun guztiak daudela eskuragarri baina, aldi berean, herri txiki baten xarma (magia) ere badagoela”.
Gonzalo Azumendi
Nazioarteko argazkilari autonomoa
“Gogoko toki ugari ditut Getxon. Adibidez, izugarri gustatzen zait Basagoiti etorbidea. Herriaren bizkarrezurra da, Neguritik Algortara doana. Handik zabiltzanean jendearekin topatzen zara eta tabernak eta dendak daude; guztiak ikusten eta besarkatzen dituzu. Punta Begoña, Getxoko jauregi izugarrietako baten korridorean dagoena, eraberritzen ari dira kontzertuak eta jaialdiak egin ahal izateko; Getxophoto jaialdia egiten dugu hemen, nazioarteko argazkilaritza-jaialdia, itzela da. Toki hau ere oso berezia da niretzat”.
Esperientzia guztiak ikusi ditzakezuGetxo Turismoren Instagram-eko @visit.getxo kontuan.
Getxora bidaiatzeko gomendio hauek helmuga ikuspegi hurbil eta eguneratu batetik ezagutzeko iturria dira.
Getxoko erakargarritasun turistikoei buruz gehiago jakin nahi baduzu, bisitatu Ezagutu Getxo atala.
Getxoko zer baloratzen dute gehien?
Getxori buruz hitz egiten duten bidaiariak bat datoz alderdi positibo askotan. Hauek dira bisitariek gehien nabarmentzen dituzten gauzetako batzuk:
- Kostaldea eta itsasoa: Esperientzia ahaztezinak dira itsaslabarretako bistak, Ereagako hondartzatik paseatzea edo itsasadarretik itsasontziz ibiltzea.
- Ondare historikoa: Portu Zaharrak, Bizkaia Zubiak edo Areetako pasealekuko etxe dotoreek bere iraganaz eta dotoreziaz hitz egiten dute.
- Eskaintza gastronomikoa: Pintxoek, itsasora begira dauden jatetxeek eta bertako produktuek ahosabai zorrotzenak liluratzen dituzte.
- Herriko giroa: Lasai, eroso eta seguru. Ezin hobea presarik gabe paseatzeko eta bertan murgiltzeko.
- Planen aniztasuna: Bizikletaz egiteko ibilbideak, itsasontziz egiteko txangoak, bisita gidatu kulturalak...
Partekatu zure esperientzia
Getxon egon zara? Zure iritzia ere garrantzitsua da. Zure balorazioa utzi dezakezu gure sare sozialetan. Zure testigantzak lagundu diezaieke zu bezala etortzeko asmotan dabiltzan beste bidaiariei.
Informazio gehiago hemen: Ongi etorri Getxora
