EZAGUTU GETXO
Zer ikusi Gasteizen?
Zer ikusi Gasteizen?
Gasteiz Euskadiko hiriburua da, Bilbo hiritik 50 minutura eta Getxotik ordu batera, autoz. Urteko edozein garaitan bisitatzeko hiri aproposa da, xarma handiko txokoz betea, eta horietan Erdi Aroko estiloaren eta estilo modernoaren kontrastea nabari da. Bere funtsa Alde Zaharra da, hiriburuan gehien bisitatzen den tokietako bat.
Gasteizko Alde Zaharra
Gasteiz Erdi Aroan sortu zen hiria da. Hiriaren sorkuntza 1.181. urtean gertatu zen, Antso VI.a errege nafarrak Gasteizko herrixka konkistatu eta 'Victoria Berria' deitu zionean. Gaur egun oraindik Erdi Aroko giro nabarmena antzematen da hiriburuko alde zaharrean.
Gasteizek honako elementu erakargarri hauek ditu:
Santa Maria katedrala
Gasteizko alde zaharra esentzia erlijiosoa duten monumentu gotikoengatik nabarmentzen da. Horien artean, Santa Maria katedrala dago, 2015ean Gizateriaren Ondare izendatu zutena.
Gasteizko dorrerik altuena da eta horrexegatik hiria ikusteko begiratoki paregabea dugu.
Gaur egun Santa Maria katedralaren dorrea zaharberritze prozesuan dago. Bisitatzeko, 'Obretan eta irekita'; bisita gidatura joan daiteke, segurtasun neurri nabarmenak dituen ibilaldia.
Monumentu honek eskaintzen duen beste erakargarrietako bat “Argiaren Ataria” da. Proiekzio digitala da eta bertan urteetan zehar desagertzen joan diren polikromia historikoak islatzen dira.
Argiaren elizpe hori "lau dorreen ibilbidearen" zati da, Erdi Aroko hirigune honetako beste hiru elizekin batera:
-
San Bizente Martiriaren eliza:
Aurreko San Bizente gotorlekuaren gainean eraikia, Gasteizko alde zaharrean eraiki den azken eliza izan da.
Dorrearen goialdera igo eta gangen gainean paseatzea gomendatzen dugu, gainaldetik distantzia txikira, parrokiaren barrualdearen ikuspegi zabala lortzeko.
-
San Migel Arkanjeluaren eliza:
Andre Maria Zuriaren plazan dago eta Arabako hiriburuko tenplu zaharrena da. Hiriari biztanle-forua ematearekin batera eraiki zen, Gasteizekin batera jaioz. Barruan Andre Maria Zuriaren kapera dago, Arabako hiriburuko zaindaria.
-
San Pedro Apostoluaren eliza:
San Pedro Apostoluaren parrokia XIV. mendean eraiki zuten eta gotiko estilokoa da. Bere kanpoaldea gurutze latindar formagatik nabarmentzen da. Erdi Aroko harresiaren ondoan dago, hiria bere jatorrian babesten zuena.
Erdi Aroko harresia
2001. urtean, indusketa arkeologikoak egin ziren Katedral Zaharraren azpian. Prozesu honetan, XI. mendeko jatorrizko harresi baten hondakinak aurkitu ziren.
Erdi Aroko gune bereizgarri honen interesgune nagusiak dorretxea eta 'Gaurik laburrena' murala dira.
Gasteizko Principal Antzokia
Ehun urte baino gehiago dituen Principal Antzokia 1918an eraiki zen eta hiriko bizilagunen ekarpenei esker finantzatu zen; orduan 'Gasteizko Antzoki Berria' izena jarri zioten.
1951n, gaur egungo izena eman zitzaion, 'Principal Antzokia', inauguratu zenetik aukeretako bat zena.
Hasiera batean zinema aretoa zen, harik eta Administrazio Publikoak erosi zuen arte; ondoren erreformatu egin zen eta Nazioarteko Antzerki Jaialdia eta Euskadiko Orkestra Sinfonikoaren emanaldiak bezalako gertaerak hartzen ditu.
Gaur egun goza daitezkeen obrarik ohikoenak antzerki eta musika emanaldiak dira. Urtean 150 emanaldi baino gehiago egiten dituzte eta dantza, umore eta folklore erakustaldiak ere egiten dituzte.
Gainera familientzako antzezlanek haurrekin joateko leku aproposa egiten dute antzokia.
Artium Museoa
Gasteizko alde zaharraren ondoan Artium Museoa dago. Arte garaikidearen zaleentzat funtsezko bisita da. Bakarra da euskal eta estatu mailako egileen lanak hartzen dituelako, 50eko hamarkadatik gaur egunera arte munduari eragin diotenak.
Kanpoaldean, XX. mendeko artista ezagunen hiru eskultura daude:
-
Elogio de la Arquitectura XIV, 1994 – Eduardo Chillida.
-
Finkl Octagon, 1991 – Richard Serra.
-
Mirador mirando, 1958 – Jorge Oteiza.
Publiko guztientzat egokia den museoa da, horrela haurrekin joateko leku aproposa bilakatuz.
Euskadiko beste puntu erakargarri batzuk ezagutzea gustatuko litzaizuke? Getxo inguruak begiratu bat bota!
Informazio gehiago
Joan Gasteizko turismo bulego webgunera
