Zerbitzuak
Agenda
Xehetasuna
Ekitaldien Agenda
2026ko Getxoko Komiki Azoka
Data:2026/10/16 - 2026/10/18
Ordutegia:Urriak 16 - 18. 11:00 - 14:30 / 17:00 - 21:00
Tokia:Areetako geltokiko plaza eta Romo Kultur Etxea
Getxo komikiak maite dituztenentzako topagune izango da beste behin
Urriaren 16tik 18ra Getxora itzuliko da Getxoko Komiki Azokaren 24. edizioa. 2002. urteaz geroztik, topaketa horretan biltzen dira binetazaleak, bildumagileak, profesionalak eta zaletuak. Hiru egun horietan, hiria komikien munduarekin zerikusia duten jarduerez josiko da: hitzaldiak, topaketak, aurkezpenak, tailerrak eta sinadura-saioak izango ditugu.
Sektoreko izen handiek hartuko dute parte aurtengo edizioan, eta ibilbide luzea duten bi pertsona omenduko dituzte: Miguelanxo Prado egile galiziarra eta Laureano Domínguez argitaratzaile eta dibulgatzailea.
Gonbidatu diren egileak
Zenbait egile bertaratuko dira, hala nola Teresa Valero, Juan Díaz Canales, Lorenzo Montatore, Tomás Hijo, Clara eta Olivia Cábez, Laurielle, Miguel Brieva, Teresa Ferreiro eta Núria Tamarit, aurtengo edizioko kartelaren egilea. Bertaratzen diren pertsonak euren lanetara hurbildu eta topaketetan eta sinadura-saioetan parte hartu ahal izango dute.
Miguelanxo Pradok ibilbide luzea egin du estatuan zein nazioartean, eta Trazo de tiza, De Profundis eta Ardalén lanak egin ditu, besteak beste. Azken lan horri esker, Komikiaren Sari Nazionala jaso zuen 2013an. Bestalde, Laureano Domínguezek bere ibilbidearen zati handi bat eman du komikiak argitaratzen eta haiei buruz dibulgatzen. 2003. urteaz geroztik Astiberrin dabil argitaratzaile eta bazkide gisa.
Horrez gain, gure artean izango dugu Núria Tamarit, aurtengo edizioko kartelaren egilea. Ilustrazioari eta komiki-istorioei lotutako ibilbidea egin du sortzaile valentziarrak, eta fantasia, natura eta gizarte sentsibilizazioa uztartzen dituen hizkuntza grafiko propioa ere garatu du. Aipatzekoak dira, besteak beste, Xulia Vicenterekin batera egindako Duerme pueblo; Eleberri Grafikoaren Valentzia Saria irabazi zuen Dos monedas; Giganta, Loba boreal eta Avery’s Blues.
Jarduerak eta merkataritza-gunea
Areetako geltokiko plaza izango da merkataritza-gunea. 40 postu jarriko dituzte, hala nola komikietan espezializatutakoak eta merchandisinga, aldizkariak eta fanzineak saltzen dituztenak. Gune horretan, halaber, Azokan parte hartzen duten egileen sinadura-txandak egingo dira.
Bestalde, Romo Kultur Etxean egingo dira jarduerak: hitzaldiak, mahai-inguruak, erakusketak eta beste zenbait proposamen. Jarduera horietan parte hartuko dute komikigintzako eta ilustrazioko profesionalek.
Asteburu osoa eskainiko diogu bederatzigarren arteari eta egileak, jarduerak, sinadurak eta komiki asko izango ditugu. Etorri Getxora guztia bizitzera!
Informazio gehiago
Jarduera guztien xehetasunak ezagutzeko, joan Getxo Kulturaren web-orrialdera:
Ezagutu plan kultural gehiago Getxon
Irakurri gure kultura-agenda eta topatu askotariko programazioa zuzeneko musikarekin, antzerkiekin, erakusketekin, familientzako jarduerekin, tailerrekin eta publiko guztientzako beste proposamen batzuekin. Edukiak aldizka eguneratzen ditugu, beti izan ditzazun aukeratzeko plan berriak.
Informazio gehiago
Egun horietan Bizkaia bisitatuko duzu eta oraindik ez duzu ostaturik? Getxon ostatu hartzea gomendatzen dizugu, Bilboko erdigunetik 20 minutura. Kultura eta atsedena uztartzeko leku ezin hobea da, euskal kostaldera zuzenean sartzeko aukerarekin, hondartza paregabea eta itsasoko haize leuna lagun.
Informazioa jaso garraio publikoari, 24 orduko lurpeko aparkalekuei eta Getxon mugitzeko beste modu batzuei buruz hemen.
 |
Metro Areeta |