Gobernu Irekia
Herritarren parte-hartzea
2017 Parte-hartze izaerako aurrekontuak
2017 Parte-hartze izaerako aurrekontuak
Prozesu Amaitua
Getxoko Udalak herritarren ekarpenak barne hartuko ditu 2017. urterako aurrekontuak egiteko prozesuan. Udalak herritarren esku jarriko du udal-aurrekontuak egiteko prozesuan zehar beren ideiak eta proiektuak emateko aukera. Getxoren beharrak ez ditu inork zuk bezain ondo ezagutzen; horregatik, zure iritzia entzun nahi dugu.
Har ezazu parte Udal-Aurrekontuak egiteko prozesuan eta lagun iezaguzu Getxo hobetzen!
Parte-hartze izaerako aurrekontuak Getxoko Udala
I. Fasea - Herritarren proposamenak jasotzea
Urtarrilean parte-hartze izaerako aurrekontuen lehenengo fasea egin zen eta Getxoko herritarren ekarpen bildu ziren.
II. Fasea - Proposamenen lehenestea
Martxoaren 14tik 23ra
- Herritarren zortzi proiektu lehenetsiko dituzte
Urtarrilean parte-hartze izaerako aurrekontuen lehenengo fasea egin zen eta Getxoko herritarren 449 ekarpen bildu ziren. Udaleko langileek ekarpenak eta iradokizunak aztertu diztuzte teknikoki nahiz ekonomikoki, 2017ko aurrekontuei zeintzuk gehi lekiezkeen ezartze aldera.
Azterlan hori garatu ondoren, balizko 8 proiektu hautatu dira, eta herritarrek balioetsi dizatzen zabaldu dira. Azkenean, horietako batzuk gauzatu dira, 2017ko parte-hartze izaerako aurrekontuentarako gordetako partidaren kargura.
Getxoko Udalak milioi 1 euroko partida gorde du parte-hartze izaerako aurrekontuei lotutako proiektuak egikaritu daitezen.
Nork har zezakeen parte?
- Getxon erroldatuta dagoen 16 urtetik gorako edozein herritar.
- Getxoko Udaleko erakundeen erregistroan izena emanda duen edozein erakunde.
- Helbide soziala edo establezimendu iraunkorra Getxon daukan edozein elkarte, fundazio, sindikatu, enpresen elkarte, profesionalen elkargo, zuzenbide publikoko korporazio edota bestelako erakunde, baldin eta nortasun juridikoa esleitu bazaie, antolamendu juridikoarekin bat etorriz.
proiektuak (Aurreikusitako kostua):
1. Portu Zaharraren eta Genaratxu eta Usategiaren arteko loturaren irisgarritasuna hobetzeko jarduera. 700.000€
2. Aiboa Metro geltokiko sarbidearen segurtasuna hobetzea (Alangoko igogailutik Arkotxa kaleraino). 650.000€
3. Zahartze aktiboari lotutako jarduerak egitea 100.000€
4. Txakurren gorozkiak kontrolatzeko eta kontzientziatzeko jarduerak. 100.000€
5. Laguntzak enpresei eta pertsona ekintzaileei. 50.000€
6. Formatu txikiko kontzertuak egitea udan, kanpoaldean, plazetan edo laborategian. 40.000€
7. Seinaleak jartzea Getxon turismoa sustatzeko. 40.000€
8. Beka sortzailea Europako gazteentzat, udalerrira bizitzera etortzeko eta Getxo eszenatokia duten testuak idatz ditzaten. 15.000€
Parte-hartze izaerako prozesua amaitutakoan, emaitzak aztertu dira eta Udalak bere gain hartuko du babesik handiena eskuratzen duten proiektuak gauzatzea. 2017ko parte-hartze izaerako aurrekontuentarako gordetako partidaren kargura egingo ditu
3. fasea- Erabakien justifikazioa
Aiboa Metro geltokiko sarbidearen inguruan segurtasuna hobetzeko proposamena izan zen bozkatuena aurrekontu parte-hartzaileen barruan proiektuak lehenesteko bigarren fasean, zein martxoaren 23an bukatu zen. Zabaldutako kanal ezberdinen bitartez, 986 boto-paper jaso ziren, eta horietako 817 boto baliodunak izan ziren. Baliodunen artean, 475 emakumezkoenak izan ziren eta 342 gizonezkoenak.
Bildutako puntuazioak
Hautatutako proposamenak, jasotako puntuen arabera, honela sailkatzen dira:
|
ORDENA |
PUNTUAK |
PROPOSAMENA |
|
1 |
4922 |
Aiboa Metro geltokiko sarbidearen segurtasuna hobetzea. 650.000€ |
|
2 |
4371 |
Zahartze aktiboari lotutako jarduerak egitea 100.000 € |
|
3 |
4212 |
Enpresei eta pertsona ekintzaileei laguntzak ematea 50.000 € |
|
4 |
3975 |
Portu Zaharraren eta Genaratxu eta Usategiren arteko loturaren irisgarritasuna hobetzea 700.000 € |
|
5 |
3487 |
Txakurren gorozkiak kontrolatzeko eta kontzientziatzeko jarduerak egitea 100.000 € |
|
6 |
3336 |
Formatu txikiko kontzertuak egitea, udan kanpoaldean, plazetan edo lorategietan 40.000 € |
|
7 |
2670 |
Seinaleak jartzea Getxon turismoa sustatzeko 40.000 € |
|
8 |
2448 |
Beka sortzailea Europako gazteentzat, udalerrira bizitzera etorri eta Getxo eszenatokia duten testuak idatz ditzaten 15.000 € |
Ezarritako baldintzen arabera, non 2017ko udal aurrekontuan milioi euroko diru-partida bat erreserbatzen zen, erabaki beharko da hautatako proposamenen artean zein gauzatuko den aurtengo udal aurrekontuaren kontura.
Gogoratu behar da, aurrekontu parte-hartzaileen bigarren fase honetan, proposamenak jasotzeko Algorta, Areeta eta Bidezabalgo geltokietan hiru postontzi jarri zirela. Halaber, kutxak jarri ziren Herritarren Arretarako Bulegoetan (HAB) eta Andra Mari, Gobela eta Fadurako kiroldegietan; gainera, informatzeko karpak jarri ziren Algortako Geltokia plazan (martxoak 16) eta Areetako Geltokia plazan (martxoak 17), eta parte hartzeko aukera eman zen udal webgunean erabilgarri zegoen inprimaki digitala betez, edota inprimakia helbide elektronikora bidaltzeko eskaneatutako eranskin gisa.
OHAR LEGALA. Getxoko Udalak, Datu Pertsonalak Babesteari buruzko abenduaren 13ko 15/1999 Legea betez, jakinarazten dizu zuk emandako datuak gordeko direla erakunde honen titulartasunekoak diren izaera pertsonaleko datuak gordetzeko fitxategi automatizatuetan, erakundearen eskumenekoak diren udal-kudeaketaren berezko eginkizunak gauzatzeko helburuarekin. Hala nahi izanez gero, zure datuak eskuratzeko, zuzentzeko, ezeztatzeko eta horien aurka egiteko eskubidea gauza dezake.