Gazteria
Gazteriaren arloko udal-politika bideratzeaz eta garatzeaz arduratzen den zerbitzua. Gizarte Kohesioaren Arloko Esku-hartze Komunitarioko Unitatearen parte da.
Zerbitzuaren Aurkezpena
Getxoko Gazteria Zerbitzua udaleko gazteria-politikak bultzatu, koordinatu eta garatzen dituen udal-zerbitzu espezializatua da. Horretarako, gazteen eskura jartzen ditu laguntzak, prestakuntza, tailerrak, jarduerak, programak, baliabideak eta zerbitzuak, haien autonomia, ongizatea, parte-hartzea eta garapen pertsonal zein kolektiboa sustatzeko.
Gaztebulegoa
Gaztebulegoa gazteei zuzendutako bulego espezializatua da, eta gazteen beharrei eta interesei erantzuteko hainbat zerbitzu, baliabide eta jarduera eskaintzen ditu. Espazio honetan, hainbat gairi buruzko informazioa eta orientazioa aurki daiteke, baita ikastaro, tailer eta prestakuntza- eta aisialdi-jardueretan parte hartzeko aukera ere. Gainera, Gaztebulegoak gazteentzako erreferentzia- eta laguntza-gune izan nahi du, eta haien emantzipazioan eta garapen pertsonal, hezkuntza- eta profesionalean lagunduko duten aukera, baliabide eta zerbitzuetarako sarbidea errazten du.
Gaztelekuak
Gazteleku zerbitzuak bi gune ditu, bata Algortan eta bestea Romon. Zerbitzuaren helburua 11 eta 18 urte bitarteko pertsonentzat ingurune segurua, hezigarria eta topagunea eskaintzea da, harremanak izan, parte hartu eta aisialdiko, kulturako eta prestakuntzako jarduerez gozatzeko aukera izan dezaten. Zerbitzuak gazteen dinamizazioa eta parte-hartzea uztartzen ditu laguntza eta esku-hartze soziohezitzailearekin, gazteen garapen pertsonala eta soziala, autonomia, bizikidetza eta inklusioa sustatzeko eta arrisku-egoerak prebenitzeko.
Udalekuak
Haurrei zuzendutako zerbitzua da, uztailean garatzen dena eta aisialdi hezitzailerako alternatiba eskaintzeaz gain, familiei lana eta familia bateratzen laguntzea bilatzen duena.
Jarduera bereziak
Txangoak, aisialdiko jarduerak, lehiaketak, ikastaroak, hainbat jokotako txapelketak, eta abarrak.
Dapa!
Gizarte Kohesioko Arloaren dirulaguntzen deialdi orokorraz gain, GAZTERIAk gazteei zuzendutako berariazko deialdi bat kudeatzen du.
Elkarteak
Getxon haurtzaroarekin, nerabezaroarekin eta gazteriarekin lan egiten duten elkarteak (aisialdia eta denbora librea, hezkuntza, gizarte esku-hartzea, kultura, kirola, aniztasuna, etab.).
Legeria, estrategiak eta planak
Espazio honetan gazteriaren arloko politika publikoak bideratzen dituzten araudiak, planak eta estrategiak jasotzen dira.