“WANTED”: Gazteek sustatutako proiektuetarako ideia lehiaketa

Ideia lehiaketa honen bidez finantzaketa, aholkularitza edo orientazio ezagatik edo bestelako arrazoiengatik aurrera ateratzeko arazoak dituzten gazteek bultzatutako proiektuak lagundu nahi ditugu.

Proiektuak 18 eta 30 urte bitarteko gazteek aurkez ditzakete, baldin eta, gutxienez, hiru lagunek osatutako taldea badute eta taldekideen bi heren Getxon bizi badira.

Gizarte, enpresa edo kultur-proiektuak lagundu nahi ditugu, hau da, proiektu berritzaileak, hala nola, erakusketak, hitzaldiak, diapositiba edo filma emanaldiak, tailer edo ikastaroak, performanceak, etab. Ia edozerk balio du.

Diru-sariak 500 € eta 10000 € bitartekoak izan daitezke eta proiektuak gauzatzera bideratuko dira. Horietatik aparte, bestelako laguntzarik ere egongo da, hala nola aholkularitza profesionala, orientazioa, formakuntza...

Parte hartzea erraza da oso:

1. urratsa. Deialdiaren oinarriak eskuratu, bertan jakin behar duzun guztia dago eta. Edozein Herritarren Arretarako Bulegotan, Getxolaneko bulegoetan edo Gazte Informazio Bulegoan (bertan informazio osoagoa emango dizute) eskatu edo hemen jaitsi ditzakezu.

2. urratsa. Zure proiektua idatzi eta ekarri. Horretarako, hemen dagoen gidoia deskargatu, bete eta posta elektronikoz bidali gazteria@getxo.eus-era edo inprimatu eta Gazte Informazio Bulegora eraman dezakezu urriaren 10etik 28ra.

3. urratsa. Azaroaren 26an bilera bat egingo dugu. Honen helburua zure proiektua hobetzeko gomendio eta ekarpenak jasotzea da. Beste proiektu batzuk ezagutzeko aukera emango dizun oso saio interesgarria izango da. Helburua zure proiekturako ideia interesgarri eta lagungarriak jasotzea da.

4. urratsa. Bilera honetatik eta abenduaren 13ra arte zure proiektua berriz ere landu ahal izango duzu bileran jasotako ideietatik abiatuta eta berriz ere aurkeztu.

ZURRUMURRUEN KONTRAKO LAGUNTZA OSAGARRIA

Aurten, Wanted-en barruan, 600 €ko laguntza osagarria eskainiko da Zurrumurruen kontrako Estrategiak sustatzen dituen aniztasun eta bizikidetzaren baloreak barne hartzen dituen saritutako proiektu batentzat. Zurrumurruen kontrako kanpaina saritutako proiektuaren zerbitzura jarriko da aholkularitza emateko. Halaber, beharrezkoa balitz, estrategiaren sarearekin kontaktuak jarriko da.

Zurrumurruen kontrako estrategiaren hastapen, ekintza eta informazio guztia hemen: www.getxo.eus/antirumores

GARRANTZITSUA

Proiektua egiten laguntzeko lan saioak eskainiko dira. Hauetan parte hartu nahi baduzu izena eman Gazte Informazio Bulegoko telefonora deituz. Bi saio hauen datak:

  • Nola egin proiektua?, urriaren 20an, 18:30-20:30
  • Nola aurkeztu proiektua ondo ulertzeko, abenduaren 1ean, 18:30-20:30

Bi saioak elkartegian izango dira

Argibide gehiago nahi izanez gero: Gazte Informazio Bulegoa

 

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +