Berriak

Getxo MEETING

2017/09/11

URTARRILAK 18. Zure enpresarako 2018ko estrategia. Planifikatu eta elkarri kontatuko al diogu? 

14:30-16:30 Getxo Elkartegian (Ogoño kalea 1, 48930 Areeta - Getxo)

Zure enpresan arrakastak lortzeko eta proiektuak aurrera ateratzeko, zure helburu estrategikoetan pentsatu behar duzu aldizka eta funtsezko ekintzak ezarri. Hain garrantzitsua den horri  ez diogu gehienetan behar besteko denbora ematen.

Datorren Getxo MEETINGeko saioan banaka pentsatuko dugu norberak lortu nahi dituen helburuetan. Eta ildo horiek nola lortuko dituzun ere jorratuko dugu. Elkarri kontatuko diogu, horrela errealagoak izango dira eta 2018 urterako dituzun desioak egi bihurtzea errazagoa izango zaizu. 

Lehen aldiz bazatoz, jakin dezazula Getxo MEETING hamabostean behin gertatzen dela. Doako saioa da eta bertan negozioa duten edo sortzen ari diren udalerriko pertsonak batzen dira. Edozein tamaina eta egoeran dauden enpresei zuzenduta dago. Helburua, enpresari eta ekintzaileen artean hitz egin, kontaktuak sortu eta elkar laguntzea da. Arazoak zein irtenbideak elkarbanatuz norberaren negozioan aurrerapausoak emateko. Era dinamikoan egiten da, eta saio bakoitzean gai bat lantzen da.

Parte hartzeko, beharrezkoa da aldez aurretik izena ematea, Getxolanen (Getxo Elkartegia; Ogoño 1, Areeta); 94 466 01 40 telefonoan, edo getxopro@getxo.eus helbide elektronikoan.

Informazio gehiago: http://www.getxo.eus/eu/getxolan/noticias/218

 

 

 

Azken saioaren edukia gogoratzen dizuegu:

 Getxo MEETING abenduaren 14an: Urtea laburbilduz... Gogoz hartu 2018a!

Getxo Meetingeko saio honekin amaiera emango diogu 2017ko denboraldiari. Hamabostean behingo topaketek harremanetan jarri dituzte pertsona ekintzaileak eta enpresak esperientziak partekatzeko, sinergiak sortzeko eta etorkizuneko lankidetzak eratzeko. Topaketa horiek, hain zuzen, amaiera emango diote denboraldi honi eta ongietorria urte berriari.

Bertaratutakoen proiektuak aurkeztu ostean, 2017ko atzerako begirada egiten hasi gara.

Sarri ez dugu pentsatu ere egiten urte osoan zehar irabazi dugun guztia. Garrantzitsua da hausnartzea eta bidean eskuratutako irakaspen, mugarri eta helburuen jakitun izatea; horrela, errealitaterako egokiagoa den estrategia bat planifikatu ahal izango baitugu, baita gure etorkizuneko xedeak birplanteatu ere.

Parte-hartzaileek, alde profesionalean ez ezik, emozionalki eskuratu dituzten irakaspenak azaldu dituzte, eta oso positibotzat jo duten introspekzio-lan interesgarria egin dute.

Balorazioaren ostean, datorren urteko plangintzari heldu diogu. Proiektu orok 2018. urtean bete beharreko xedeak edo erronkak ekarri ditu. Horietako batzuk ekintza zehatzei daude lotuta, hala nola zeregin komertzialari edo helburu diren bezeroak berriz zehazteari lotuta. Beste pertsona batzuek, berriz, burutu beharreko proiektu berriekin zerikusia duten helburuak aurkeztu dituzte; hala, oraindik gauzatu ez diren iraganeko ideiak burutu nahi dituzte.

Kafearen atsedenaldian topaketa horien alderdirik interesgarrienak partekatu ditugu, aurreko kasuei buruz jarraitu dugu hizketan eta beste proiektu batzuetarako ideiak aurkeztu ditugu modu informalagoan.

Urte Berri On!

Alerta Laranja

Itsasaldeko arriskuagatik: Nabigazioa lehenengo bi milietan (Ostegunak 18)

Gomendioak

Abisu horiak:

- Itsasaldeko arriskuagatik: Nabigazioa lehenengo bi milietan (GAUR)

- Itsasaldeko arriskuagatik: Kostaldeko kalteak 04etatik 06etara eta 16etatik 18etara (Asteazkenak 17)

- Itsasaldeko arriskuagatik: Nabigazioa lehenengo bi milietan (Ostegunak 18)

- Itsasaldeko arriskuagatik: Kostaldeko kalteak 04etatik 04etara eta 17etatik 19etara (Asteazkenak 17)

 

  • Rss
  • Youtube
.
Udaltzaingoa 94 466 0202
  • Parking
  • Parking adaptado
  • Parking carga y descarga
Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +