BILBAO BBK LIVE

Aurten ere, Bilbotik hurbil dagoen Kobetamendi paregabeak milaka pertsona erakarriko ditu nazioarteko musikaren esparruko pop- eta elektronika-erritmo bizigarrienen bila. Bilbao BBK Live jaialdia 19.ez ospatuko da; erreferente bihurtu da, eta oihartzuna eta bisitariak etengabe hazten ari dira. 2024an 50 herrialdetako 110.000 jarraitzaile inguru izan ziren.

Joera berrienak islatzen dituen eta entzuleen gustuekin bat egiten duen musika-eskaintzarekin, kultura-esparruan hitzordu nagusia izaten jarraitzen du. Jaialdia natura-ingurune idiliko batean ospatzen da eta zazpi eszenatoki ditu, hainbat gai eta giro gogora ekartzen dituztenak. Horrekin guztiarekin batera, eskaintza gastronomiko zabala eta filosofia jasangarria izaten dira. Bilbao BBK Livek maila goreneko kartelak bermatzen ditu.

Aurten parte-hartzaile izango dira, besteak beste, Kylie Minogue, Pulp, Nathy Peluso, Michael Kiwanuka, Raye, Bad Gyal, Amaia eta Carolina Durante. 

Jaialdian zehar, hiriko erdigunean ere gozatu ahal izango duzu musikaz. Bilbao BBK Live jaialdiak “Bereziak” proposatzen dizu, hots, Bilboko hainbat tokitan publiko guztientzako egingo diren sarrera libreko kontzertuen egitaraua. Areatza, Isozaki dorreak, BBK aretoaren ingurua eta Albia lorategiak jai-giroan murgiltzen dira, bereziki “bermutaren orduan”, talde sortuberrien emanaldiak direla eta. Iaz, Martin Urrutia, La Habitación Roja, Barry B eta Nudozurdo izan ziren, besteak besteak. Gustatu zaizu plana?

Nola iritsi jaialdira?

Doako autobus-zerbitzu batek Kobetamendiko esparruan zuzenean sartzeko eta gau osoan zehar itzultzeko aukera azkar eta erosoa eskaintzen du.

Anezkak bi puntutan daude: Bilboko Kaputxinoen kaleko EITBren egoitzan eta BEC! (Bilbao Exhibition Centre) erakustazokan, Ansioko metro-geltokiaren ondoan, Barakaldon.

Autobusera sartu ahal izateko ezinbestekoa da jaialdiko eskumuturrekoa soinean izatea.

Bilbao BBK Live jaialdia dela eta, BEC! erakustazokak 70  autokarabanarentzako aparkaleku bat prestatuko du, garraio-mota horretan joan nahi dutenentzat. Gainera, Bilboko Metroak zerbitzu bereziak eskaintzen ditu jaialdian zehar. Aprobetxatu eskura dituzun erraztasunak eta bizi ezazu erosotasunez urteko musika-ekitaldirik zoragarriena!

Informazio gehiago

Bilbao BBK Live

Hainbat aukera eskaintzen dizkizugu Getxon, Bilbotik 20 minutura soilik; bertan, euskal kostaldeaz, hondartzaz eta itsas brisaz gozatu ahal izango duzu.

Non jan Getxon

Pintxotan Getxotik

Getxo Planak

Non lo egin Getxon

Ikusi agenda osoa