2022/5/3
Zure enpresa digitalizatzen laguntzeko prestakuntza-eskaintza zabaltzen jarraitzen dugu. Oraingo honetan, hiru tailer eskaini nahi dizkizugu, Enpresa Digitala-SPRIren eskutik, zure presentzia digitala berrikus dezazun.
1. Zure Plan Digitala, funtsezkoa egoera sozial berrian
Zure negozioa digitalizatzea funtsezkoa da gizarte-egoera berri honetan.
Planifika ezazu zure Marketin Online estrategia: ikuspegia, publikoa, helburuak, kanalak, inbertsioa, lan-ildoak.
Tailer praktikoa, zure negozioaren egoera digitala eta landu beharreko alderdiak ezagutzeko, betiere hedapen, erakarpen, bihurketa, salmenta eta online fidelizazioko emaitzak lortze aldera.
Irakaslea: Borja Bonilla (Tu Broker Digital)
2. LinkedIn, marka ingurune digitalean lantzen
Gaur egun, LinkedIn sarea ezinbestekoa da lan mundurako. Enpresaren komunikaziorako oinarri izateaz gain, LinkedIn sareak gure marka pertsonala garatzeko aukera ematen digu.
Abiapuntu honetatik, formakuntza honetan zenbait baliabide eta teknika ezberdin landuko ditugu. Ikasleekin batera, modu praktiko batean, beraien profilak optimizatzen ikasiko dugu eta irudi korporatibo txukun bat nola eduki komentatuko dugu enpresa-orrialdeen bitartez. Sare profesional honetan nola, noiz eta zer argitaratu landuko dugu.
Irakaslea: Pablo Dominguez Martín (Burutü)
3. Sare sozialak: estrategia gizarte-komunikabideetan
Estrategia zehatza bidera itzazu denbora- eta diru-inbertsioak sare sozialetan. Tailer honen bidez, gizarte-komunikabideetan zure estrategia diseinatzen ikasiko duzu, estrategia zure negozio-helburuekin lotuz.
Gizarte-komunikabideen arloan diseinu-prozesu bat gauzatuko dugu, hartara, parte-hartzaileak prozesua errepikatu eta euren negozioari aplikatzeko gai izan daitezen, euren estrategia optimizatuz edo beste marka batzuentzako estrategia berriak sortuz.
Gure eguneroko bizitzan gomendatutako edukietan eta ekintzetan lan egingo dugu, bai eta gure urteko plangintzaren barruan ekintza berezien definizioan ere.
Irakaslea: Amaia García Dosouto (notepierdasenlasredes.com)