2024/10/30
Getxok bat egin du BILBAO BIZKAIA DESIGN WEEK 24 "Biotik Design: Territorios para la vida" ekitaldiarekin.
Azaroaren 15ean, BBDW 24 edizioaren barruan, Getxo Sormen talks bat egingo da Bernd Karlsoboeck Circularity Expert-en eskutik Nacar-Design Agency estudioan.
Sorkuntza eta kultura sektorean erreferente diren pertsonen zenbait hitzaldi inspiratzailek osatzen dute Getxo Sormen Talks egitasmoa; haien esperientziak eta ikasitakoa partekatzera etorriko dira. Hitzaldiaren ondoren espazio informalago bat eskainiko da, sektoreko profesionalak elkartzeko.
Getxo Sormen Hub Getxoko Udaleko Ekonomia Sustapenaren Arloak kudeatutako ekosistema da. Sorkuntza eta kultura sektoreari lotutako proiektu eta enpresei dago zuzenduta. Zerbitzuak: enpresa aholkularitza, profesionalizazioa, networkina, ekintzailetza zentroa, ekitaldiak, etab. Getxo Sormen Hub zentroaren barruan Getxo Sormen Talks ekimena garatzen da.
Oraingoan, Bernd Karlsoboeck, Circularity Expert taldearen hitzaldia izango dugu Nacar-Design Agency estudioan (Getxon dago). Hitzaldia Algortako "Urgull Zentroan" dagoen Getxo Sormen Hub-en izango da.
Bernd Karlsoboeck ekonomia zirkularrean aditua da, eta esperientzia du produktu fisiko, digital eta AAko produktu sarituak garatzen; horrez gain, kontsumitzaileen jokabidea sakon ulertzen du. Bere ibilbideari dagokionez, HP Inc. konpainiako diseinu industrialeko lantaldeko liderra izatea aipa dezakegu, Bartzelonan, eta bertako berrikuntza taldeko sortzaileetako bat izatea. Nazioarteko startup enpresei aholkularitza eskaintzen die go-to-market eta UX taktiketan; horrez gain, iraunkortasunari eskaini dion lana ere aitortzen zaio, ACCIÓko aholkulari ofizial gisa, klima aldaketa arintzearekin lotutako berrikuntza proiektuetan.
Nacar-Design Agency Bartzelonako diseinu agentzia bat da. Bulegoak Getxon eta Guadalajaran (Mexiko) ditu. Irtenbide jasangarriak pentsatu eta diseinatzen dituzte, pertsonentzat, enpresentzat eta planetarentzat. Diseinu industriala, digitala eta zerbitzuetakoa.
Getxo Sormen Talks "Eko-ikuskeratik gauzatzera: Iraunkortasun-proiektuak inplementatzeko gida"
Azaroaren 15ean, 11:00etatik 13:00etara, Getxo Sormen Huben (Urgull Zentroa, Algorta, Getxo)
Sarrera doakoa da, baina beharrezkoa da izena ematea, edukiera dela eta.
Izena eman dezakezu modu honetan:
BILBAO BIZKAIA DESIGN WEEK 24, "Biotik Design: Bizirako lurraldeak" azaroaren 14tik 22ra bitartean izango da. Informazio gehiago eta jarduerak hemen: https://www.bilbaobizkaiadesignweek.eus/eu