2024/5/15
Atzo, maiatzak 14, Getxoko Itsas Hub Berrikuntza eta Ekintzailetza Zentroan kokatutako 10 proiektu aurkeztu ziren. Itsas Hub itsas eta irristatze industriako enpresa-proiektuak garatzeko eta gunea da.
Industria-izaerako enpresa-proiektuak dira; ontzien mantentzea eta fabrikazioa eta elektrifikazioa, broker nautikoak, arropa teknikoaren fabrikazioa, turismo-proiektuak; itsas eskaintza duten ostatuak, surf esperientziak, charterrak eta prestakuntza, ikerketa-proiektuak; fabrikaziorako biomaterialak eta industriari lotutako zerbitzuak; marketin-agentziak eta ikus-entzunezko diseinu espezializatua.
10 proiektu horiek 7 minutuko Pitch formatuan aurkeztu dituzte azken urtean Getxo Itsas Hub-en egindako aurrerapenak, gaur egungo balio-eskaintza eta aurre egin beharreko erronkak.
Aurkezpen horiek Bizkaiko Itsasoaren eta irristatzearen ekosistemaren eragile garrantzitsuen aurrean egin dira, hala nola hauen aurrean: Eusko Jaurlaritzaren EKP erakunde publikoa, AZTI ezagutza-zentroa, Berri Up azeleratzailea, Harrobia zentro profesionala, Seed Capital Bizkaia Mikro foru-sozietatea eta Bermeo, Getxo eta Sopelako udaletako teknikari aholkulariak.
Ekitaldia eragile horien eta Getxo Itsas Hub-eko proiektuen arteko networking batez amaitu zen.
Proiektuen zerrenda eta deskribapena:
|
Proiektuaren izena |
Proiektuaren deskribapena |
|
ITSAS BIO-DESIGN |
Itsasoaren eta uretako kirolen eremuko produktuen ekodiseinua eta garapena, landare-jatorriko biomaterial berriak erabiliz. |
|
IPARHEGO |
Surfa egiteko bainujantziak eta surf-ehungintza |
|
AMALUZ OCEAN VILLA |
Amaluz familientzat eta lagun-taldeentzat pentsatutako etxea da, euskal kostaldeko kokagune onenetakoan dagoena. Etxeak 8 lagunentzako lekua du, garaje pribatua, lorategia eta terraza bat itsasora begira, zinema-proiektorea enpresa-aurkezpenetarako, Ping-Pong, dohainik erabil daitezkeen bizikletak... Tokiko enpresen laguntzari esker, surfaren, gastronomiaren eta naturaren inguruko esperientziak ere eskaintzen dira. |
|
HERRAIZ MARKETING
|
Merkataritza- eta marketin-aholkularitza itsas sektorean espezializatua.
Kantauriko Nautika Eskola: Eskuratu aisialdiko zure titulu nautikoa modu eroso eta errazean, aurrez aurreko eta online eskolak eta tutoretza pertsonalizatuak.
|
|
Elec-boats Silennis |
Itsasontzi elektrikoen diseinua, fabrikazioa eta banaketa. Dauden itsasontziak elektrifikatzea. Nautikarako propultsio elektrikoko tresneria. Itsasontzi elektrikoak alokatzeko zentroak. |
|
TAUI MEDIA S.L. |
Ikus-entzunezko ekoizlea, surfera eta sports ekintzara bideratutako proiektuak dituena (Bilbao Surf Film Jaialdia, surf eta action sports zinema-jaialdiak, dokumentalak, asko propioak, eta irristatze-kiroletako ekitaldiak) |
|
FANGALOKA |
Surfaren life stylearekin lotutako esperientzia turistikoak sortzea eta garatzea. |
|
IPAR YACHTS |
Enpresa nautiko berritzailea, aisialdirako ontziak saldu, konpondu eta mantentzeko zerbitzu integralak eskaintzen dituena. |
|
HTS | Diseño |
Diseinu grafiko /Web /Motion graphic eta bideo zerbitzuak enpresa teknologikoentzat |
|
ESKUAKMEDIA |
Ikus-entzunezko komunikazio korporatibora bideratutako produkzio-etxea:
- Ekitaldi korporatiboen estaldura.
- Platoan eta "In company" grabazioa.
- Produktuen eta zerbitzuen bideomarketina, bai webgunerako bai sare sozialetarako.
- Elkarrizketak eta testigantzak.
- 2D animazioa, motion graphics eta kroma profesionalak.
- Ikus-entzunezko postprodukzioa: VFX eta etalonaje profesionala.
|
|
EDERXURI SL |
Marketinaren eta ekitaldien antolaketaren sektoreko enpresa liderra da, eta 15 urte baino gehiagoko esperientzia du kirol zein kultur arloko txapelketak eta jarduerak planifikatzen eta gauzatzen. Sektore publikoan zein pribatuan lan egin dugu, eta kirol-munduaren ezagutza zabala eta mota guztietako kirol-ekitaldien kudeaketa integralean esperientzia zabala dugu.
|
| POLARIS NAUTIKA ESKOLA | Itsas kiroletako titulazioak lortzeko eta turismo aktiboko jarduerak. |
Getxo Itsas Hub taldeari buruz
Getxo Itsas Hub berrikuntza eta ekintzailetza zentroa 2021eko maiatzaren 11n inauguratu zen. Ordutik, 23 proiektu igaro dira Getxo Itsas Hub-etik. Horietatik 18k, % 78k, lanean jarraitzen dute.
Egungo proiektuen % 100 alta emanda daude. Proiektuen tipologiari dagokionez, % 81 industrialak edo lotutako zerbitzuak dira, eta % 19 aisialdiko zerbitzuak. Industria-proiektuak % 13 hazi dira Hub-aren lehenengo urtearekin alderatuta.
Getxo Itsas Hub erakarpen-gune bihurtu da ekintzailetzan, ekonomia urdinean eta lankidetzako berrikuntzan interesa duten mota guztietako erakundeentzat. Zentroak itsas ekosistemarekin zerikusia duten enpresa eta erakundeentzako jardunaldiak, topaketak eta bilguneak ere hartzen ditu, nahiz eta Hub-en bertan ez egon.
Azken urteko mugarri nabarmenak
2 PROIEKTU KANPORA ATERATZEA, HUB-eko egonaldian jasotako laguntzari esker.
2 PROIEKTU ENPRESA GISA ERATU DIRA
HUB-en PROIEKTUEN ARTEAN 6 LANKIDETZA garatu dira honako esparru hauetan: ekonomia zirkularra, merkataritza, sustapena, eskaintzaren sorrera edo berrikuntza operatiboaren esparrua.
12 EKITALDI garatu dira lurraldeko eta kanpoko eragile ekonomikoekin. Nabarmentzekoak dira Networking bat Bizkaiko, Galiziako eta Asturiasko sektoreko enpresekin, ekosistemako enpresen (Tarpon eta Scuba Pro) konturako prestakuntzak, topaketa sektorialak (Surfing Euskadi, Basquetour edo etorkizuneko enpresa-elkarte bat), Bizkaia Orekan Sakonduz, "MD Bizkaia" proiektuaren prestakuntzak, Puru Transgascogne erregataren aurkezpena, Getxo Itsas Fest, Ate Irekien Jardunaldiak eta lan-topaketak.
ITSASO ETA IRRISTATZE EKOSISTEMAKO 14 ERAKUNDEREKIN egin dira bilerak eta lankidetza-dinamikak aldi honetan, Hub-en proiektua ezagutarazteko eta lankidetza-ildo iraunkorrak ezartzeko.