2023/10/27
Getxon bizi diren pertsonen %83 pozik dago, oso ona edo bikaina iruditzen zaio udalerriko bizi-kalitatea, aurtengo irailean egindako gogobetetze-inkesta baten arabera. %13k gogobetetze apalagoa aitortzen du (eskola-noten arabera: ondo edo nahiko), eta %4k soilik onartzen du ez dagoela pozik udalerriko bizi-kalitatearekin. Datu horiek mantendu egiten dira, oro har, aurreko datu-bilketen aldean.
Getxoko Udalak azterlan bat egin zuen “hasiera hasieratik”, herritarrek tokiko erakundearekiko dituzten beharrak eta igurikimenak zeintzuk diren jakiteko, hurrengo lau urteei begira. Joan den irailean ausaz aukeratutako 500 laguni egindako inkestetan oinarritu zen ikerketa. Telefonoz egin zitzaizkien elkarrizketak, ausaz, udalerriaren adierazgarri, 18 urtetik gorako pertsonei, sexuaren, adinaren eta auzoaren aldagaien arabera. Udal-kudeaketaren hainbat arlori buruzko iritziak jaso ziren.
Datuak
Getxoko bizi-kalitateari buruzko gogobetetzeak bikaintasun-indizeak lortu ditu, Herritarren Beharren eta Igurikimenen Azterketan jasotako datuen arabera. Getxoko herritarren kezka nagusia etxebizitzaren arazoa hobetzea da, eta, ondoren, aparkalekuak eta mugikortasunarekin eta herritarren segurtasunarekin lotutako gaiak. Laugarrenik, udalerriaren garbitasuna agertzen da kezka gisa. Getxoko herritarrek eremu horiei buruz dituzten kezkak eta eskaerak mantendu egin dira edo areagotu egin dira azken inkestaren emaitzekin alderatuta.
|
Herritarrak gehien kezkatzen dituzten gaiak |
2023. urtea |
2021. urtea |
2018. urtea |
|
Etxebizitzaren arazoa hobetzea |
%23 |
%19 |
%13 |
|
Aparkalekuak |
%19 |
%31 |
%24 |
|
Herritarren segurtasuna hobetzea |
%17 |
%9 |
%8 |
|
Garbiketa hobetzea |
%15 |
%14 |
%14 |
Datu positibo gisa, herritarrek interes handia dute ideiak emateko, parte hartzeko eta hobetzen laguntzeko; izan ere, erantzun irekiko galdera da, eta nolabaiteko hausnarketa eta konpromisoa eskatzen ditu.
Udalerriaren aurrerapena eta garapena lortze aldera, herritarren % 80 inguruk adierazi du ardatz hauek landu beharko liratekeela:
• Jarduera ekonomikoa
• Haur, nerabe eta gazteentzako espazioak sortzea eta hobetzea.
• Ingurumena babestea eta energia aurreztea.
• Mugikortasuna eta garraioa.
• Udalerriaren diseinua (etxebizitza publikoa, parkeak, zerbitzuak eta ekipamendua bultzatzea)
• Getxoko auzoetan sare sozialerako eta herritartasunerako espazioak handitzea eta hobetzea.
Elkarrizketatutako pertsonen %70ek uste du Getxoko egoerak berdin jarraitzen duela edo hobera egin duela azken 4-5 urteotan, baina % 29k kontrakoa uste du.
Etorkizunari begirako pertzepzioak biztanleria ia zati berdinetan banatzen du, egoerak hobera egingo duela uste dutenen eta kontrakoa uste dutenen artean.
Udal-proiektuek ezagutza-maila handia dute herritarren artean. Ezagunenak honako hauek dira: Punta Begoña Galeriak berreskuratzeko proiektua, bidegorrien sarea handitzea, hiriguneak erdi-peatonalizatzea eta Azkorri zaintzea Getxoko balio natural gisa. Aitzitik, udal-intereseko zenbait proiektuk ez dute oraindik nahiko nabarmentasunik, hala nola: hiri-autobus bat ezartzea, Algortan ludoteka berri bat sortzea, Romon haur-eskola berri bat eraikitzea edo Martiturriko enpresa-parkea bultzatzea.
Getxoko biztanleen %77k Udalaren kudeaketa ontzat eman du, eta %23, berriz, kritiko agertu da, kolektibo hori handiagoa da aurreko azterlanen aldean.
Herritarren Beharrei eta Igurikimenei buruzko Azterlan horren osagarri gisa, inkestan hauteskunde-inkesta bat ere egin zen. Inkesta horretarako, lagin-oinarria 700 elkarrizketara handitu zen, datuen sendotasun estatistikoa hobetzeko helburuaz. Emaitzek, 2023ko irailean, abstentzioaren gorakada txiki bat erakusten dute, %39 ingurukoa, eta azken udal hauteskundeetan lortutakoa errepikatuko lukeen zinegotzi banaketa bat: 9 zinegotzi EAJ/PNVrentzat, 6 PPrentzat, 6 EH BILDUrentzat, 3 PSE-EErentzat eta 1 Elkarrekin Podemosentzat.