Ikasle berrien matrikula

2022 / 2023 Matrikula.

Izena emateko orientazioak

Eskabide berrietarako izena emateko epea: maiatzaren 15etik 31ra arte.

  • Inskripzioa on-line egin beharko duz: matrikulazio orria 
  • Bete derrigorrezkoak diren datu guztiak.
  • Horretarako, arretaz irakurri dokumentu osoa.
  • Egin klik 2022/2023 ikasturterako aukeratu nahi d(it)uzun irakasgai(et)an.
  • Gehienez, hiru musika-tresna aukera ditzakezu, kontuan izanik hurrengo hiru tresnetatik bakarra aukeratu ahal izango duzula: PIANOA , GITARRA,  PERKUSIOA.
  • Gorde PDFa eta bidali aisasi@getxo.eus e-mailera.
  • Aste bete pasata ez baduzu jaso zure posta elektronikoan inskripzioaren frogagiria, jarri gurekin harremanetan 944 646 011 telefonoan.

Oharrak

  • Aurretiko inskripzioa betetzen ari zara. Matrikulazioa behin betikoa bihurtuko da eskolen ordutegia onartu ondoren
  • Plaza libreen esleipena zozketa publiko baten bidez egingo da; eskatzaileak, sartu ahal izateko, honen emaitzaren arabera ordenatuko dira.
  • Zozketa izan baino 48 ordu lehenago, zerrendak publikoki argitaratuko dira (web-orria honetan baita Musika Eskolako iragarki-tauletan ere) egin beharreko zuzenketak egin ahal izateko.
  • Getxon erroldatutako eskatzaileek dute lehentasuna sartzeko unean.
  • 4 eta 5 urteko umeak, 2018 eta 2017an jaioak, Musika eta Mugimenduan inskribatuko dira.
  • 6 urteko umeak, 2016an jaioak, Musika eta Mugimenduan eta Harrerakoan inskribatuko dira.
  • 7 urteko umeak, 2015ean jaioak, Musika-Hizkuntza eta Harrerakoan inskribatuko dira.
  • 7 urte baino gehiagokoentzat, derrigorrezkoa da musika-tresna aukeratzea. Gehienez hiru adierazi daitezke, lehentasunez ordenaturik, kasu guztietan plazak ezin baitira bermatu. Aukera ezazu bat inskripzio-orriaren goitibeherako menuetako bakoitzean eta goian aipatu dugun moduan..
  • Musika-tresnaz aparte, nahi adina irakasgai aukera daitezke. Aurretiko ezaguera musikalik eduki ezean, nahitaezkoa duzu Musika-Hizkuntzan inskribatzea.
  • Hamabost urtetik beherako hautagaiek lehentasuna izango dute instrumentua ikastean.
  • Harremanetarako e-mail bat eta telefono mugikor baten zenbakia behintzat jarri beharko dira, behar izanez gero, zurekin harremanetan jarri ahal izateko.

Bizi Proiektua

Getxoko Musika Eskolak euskara eta gaztelaniaren elkarBIZItzarako Bizi Proiektuarekin bat egin du. Horrela, eskolak nagusiki euskaraz izaten dira, hizkuntza menperatzen ez duten ikasleei arreta pertsonalizatua eskainiz. Musika eta Mugimendua eta Musika-hizkuntzako maila guztietara zabaldu da.

Irizpideak ikasleak egoitza bietan kokatzeko

Ikasle guztiek ikasiko dute, ahal den guztietan, euren etxetik hurbilen dagoen eskolan, espezialitatea egoitza bakarrean ematen den kasuetan izan ezik.

Harrerakoa

6 eta 7 urteko ikasleek Harrerakoa irakasgaian ere egin beharko dute inskripzioa. Irakasgai hau 5 ostiraletan emango da ikasturtean zehar; kontzertu didaktiko gisakoa izango da, horren ostean tailer moduko saio batzuk izango dira eta bertan ikasleek aipatutako kontzertuko tresnak ezagutuko dituzte.

Tasa eta prezio publikoak (urteakoak)

  • Urte osorako matrikula (denentzat): 31.50 €
  • Musika-tresna eta kantua: 368,55 €
  • Harrerakoa: 47,25 €
  • Irakasgai kolektiboak (Musika eta Mugimendua, Musika-Hizkuntza, Orkestra, Banda, Abesbatza, Ganbera- taldea, Fanfarrea, Konboa, Informatika Musikala, Ahots-teknika…: 207,90 €
  • Musikoterapia: irakaskuntza denboraren arabera
  • Prezioak alda daitezke
  • Matrikula, irailaren bigarren hamabostaldian ordainduko da, plaza eta ordutegiak baieztatu ondoren. MATRIKULAREN ZENBATEKOA EZ DA ITZULIKO.
  • Tasen ordainketa 9 hilekotan banatuko da urritik ekainera.
  • Getxoko udalerrian erroldatuta ez dauden ikasleek tasetan %50 gehiago ordainduko dute

Datu pertsonalen tratamendua

Matrikulan agertzen diren zure datu pertsonalak “IKASLEAK” tratamenduan sartzen dira; horren arduraduna Andres Isasi Musika Eskola da (Mesedeetako kalea 6, aisasi@getxo.eus) eta helburua du ikasleen kudeaketa egitea. Tratamenduaren oinarri juridikoa interesdunaren adostasuna eta kontratu bat gauzatzea da. Datuak arduradunarekin zuzeneko lotura duten erakundeei, banku, aurrezki-kutxa eta finantza-erakundeei eta aseguru-erakundeei eman ahal izango zaizkie. Titularrak eskubidea du datuak eskuratzeko eta zuzentzeko, ezabatzeko eta transferitzeko, baita bere datuen trataera mugatzeko edo ukatzeko ere, Udalaren posta helbidera edo datuak@getxo.eus  (datuak babesteko ordezkaria) helbidera idatzizko jakinarazpen bat bidaliz, bere nortasuna egiaztatzen duen agiri bat sartuta, edo Udalaren egoitza elektronikoan horretarako eskuragarri dagoen kudeaketa elektronikoa hasiz. Informazio gehiagorako: www.getxo.eus/datuak

Informazio gehiago:

Edozein zalantza argitzeko, etorri Andrés Isasi Musika Eskolara:

  • Areetan, Mesedeetako kalea 6, goizez (09:30 - 13:30) zein arratsaldez (16:00 - 20:00), 944.646.011 telefonoa. Ostiraletan goizez (09:30-13:30), arratsaldez (16:00-19:00).
  • Algortan, Basagoiti etorbidea 77, ostegunetan goizez (09.30 – 13:30), arratsaldez astelehenetik ostilarera (15:30 - 20:00), 944.646.022 telefonoa.
  • e-mail: aisasi@getxo.eus
...

Areeta

Mesedeetako Kalea, 6 - 48930 Getxo - Bizkaia

Telefonoa: 944 646 011
Email: aisasi@getxo.eus


...

Algorta

Basagoiti Etorbidea, 77 - 48991 Getxo - Bizkaia

Telefonoa: 944 646 022
Email: aisasi@getxo.eus