Ikasle ofizialen matrikulazioa

2021/2022 Ikasturtea. Orientabideak ikasle ofizialen matrikulaziorako

Segurtasun-arrazoiengatik, matrikulazioa on-line baino ez da egingo

• Matrikulatzeko epea: martxoaren 2tik 22ra arte Musika Eskolako oraingo ikaslea bazara.
• On-line matrikulazioa: 2021/2022 ikasturterako matrikula on-line egin behar duzu.
• Sarrera:
  Prozesu hau Udalaren web-orriaren bitartez egin dezakezu, Administrazio Elektronikorako Bulegoa (AEB) atalean, orri nagusiaren eskuinaldean.
  AEBn zaudenean, sartzeko bi modu dituzu:
  - Erabiltzaile eta pasahitzaren bidez: Horretarako hemen dituzu erabiltzailea eta pasahitza:
  ERABILTZAILEA: nortasun agiri zenbakia edo helbide elektronikoa
  PASAHITZA: e-mailez bidalitako zenbakia
  - Ziurtagiri Digitalaren bidez: Horra sartzeko, ikasleak derrigorrean ziurtagiri digitaleko txartela eduki behar du (NAN elektronikoa, ONA txartela edo antzekoren bat)
• Bete beharrekoa:
  - Sartu ondoren Musika Eskola izeneko atal bat duzu eta horrek beste azpiatal bi ditu:
  Datu pertsonalak: Bertan zure pasahitza eta posta elektronikoa aldatu ahal dituzu.
  Nire matrikula-proposamena: Bertan aurkituko duzun galdetegian honako hauek egin ditzakezu:
  Zure datu pertsonalak alda ditzakezu: helbidea, telefono zenbakia, kontu korrontearen zenbakia. Zuzenak badira, ez duzu ezer aldatu behar.
  2020/2021 ikasturtean aukeratu dituzun irakasgaiak agertuko zaizkizu. N3 eta N4 mailetako ikasleak taldean ere matrikulatu behar dira.
  Irakasgai horietan, eta ez beste inon, matrikulatuta jarraitu nahi baduzu, sakatu “bidali” botoia. Aurrematrikula bidalita egongo da eta egiaztatzeko PDF bat jasoko duzu. Hau gorde edo inprimatu beharko duzu matrikularen ziurtagiri modura. PDFa jaso ezean, errepikatu urratsak.
• Aurrematrikula-proposamena aldatu nahi baduzu:
  - Markatuta dagoen laukitxoan klik eginez, desaktibatu egingo da. Horrek esan nahi du ez duzula jarraitu nahi irakasgai horretan matrikulatuta. N3 eta N4 mailetako ikasleek ezin dute taldeko ikasgaia desaktibatu.
  - 2020/2021 ikasturtean egin ez duzun irakasgairen batean matrikulatu nahi baduzu, aukera ezazu/itzazu 2021/2022 ikasturterako zein irakasgai aukeratu nahi duzun/dituzun. Egin klik “bidali” botoian eta aurrematrikula bidalita egongo da. Zuk egiaztatzeko PDF bat jasoko duzu. Hau gorde edo inprimatu beharko duzu matrikularen ziurtagiri modura. PDFa jaso ezean, errepikatu urratsak.
  - Oraindik ez bazara musika tresna ikasten ari, baina orain egin behar baduzu, aukera itzazu hiru tresna eta ordenatu lehentasunaren arabera horretarako ikusgarri duzun tolesgarri batean. Behean dituzu musika-tresna esleitzeko irizpideak
  - Irakasgaiak aukeratu ondoren, sakatu “bidali” botoia. Aurrematrikula bidalita egongo da eta egiaztatzeko PDF bat jasoko duzu. Hau gorde edo inprimatu beharko duzu matrikularen ziurtagiri modura. PDFa jaso ezean, errepikatu urratsak.
• Oharrak:
  - Ikasleak egoitzetan banatzea: Datorren urtean ikasleek 2020-2021 ikasturte honetan ikasi duten egoitza berean jarraituko dute ikasten. Edozergatik egoitza aldatu nahi izanez gero, matrikularekin batera PDF formatuan erantsi beharko du egoitza-aldaketa eskatzeko arrazoia azaltzeko idatzia.
  - Kontuan hartuko dira ikaslearen aldez aurretiko lotura Eskolarekin (Matrikulazioa Lengoaia Musikalean, Taldea, Musika tresna…) eta dagokion egoitzan dauden plaza libreak.
  - Ez da onartuko egoitza aldatzeko eskaririk matrikulatzeko epea amaitu ondoren. Ekainaren 15erako aztertuko dira egoitza-aldaketa egiteko eskari guztiak.
  - Irakasgaien tasen eta matrikularen prezioak:
  Urteko matrikula (guztientzat) .........................................................31,50 €
  Urteko tasak:
  Bakarkako irakasgaiak .................................................................368,55 €
  Taldekako irakasgaiak ..................................................................207,90 €
  Harrera .........................................................................................47,25 €
  Musikoterapia ................................................ (eskola-denboraren arabera)
  - Getxon erroldatuta ez dauden ikasleek % 50 gehiago ordaindu beharko dute tasetan.
  - Matrikula irailean ordainduko da eta tasak urritik ekainera bederatzi hilean banatuta.
  - Harrerako irakasgaia: 1 mailan 3 moduluan (6 urte) matrikula egingo duen ikasleak Harrerako irakasgaian ere egin beharko du matrikula. Irakasgai hau 5 ostiraletan emango da ikasturtean zehar; kontzertu didaktiko gisakoa izango da, horren ostean tailer moduko saio batzuk izango dira eta bertan ikasleek aipatutako kontzertuko tresnak ezagutu eta probatuko dituzte.
  - Bizi proiektua: Bizi proiektua aurrera doa; honen helburua da euskara eta gaztelaniaren elkarbizitza bultzatzea eta horretarako ikasgaiak nagusiki euskaraz izaten dira hizkuntza menperatzen ez duten ikasleei arreta pertsonalizatua eskainiz.
  - Hurrengo ikasturtean musika-tresnari ekin behar dioten ikasleak: 1. mailako 3. moduluko eta 2. mailako 1. moduluko ikasleak (musika-tresna ikasten ari ez direnak) datorren ikasturtean hasi hasi behar dute musika-tresna. Horretarako, matrikula-eskaeran nahitaez adierazi behar dituzue lehentasunaren arabera ukitu nahi dituzuen hiru tresna, dokumentu honetan adierazitako jarraibideei jarraituz. Zuen eskaerei ahal den neurrian erantzuteko aukera izatea espero dugu.
  - Plazen eskaria eskaintza baino handiagoa denean, zozketa egingo da dauden plazak esleitzeko. Lehen tresnarako plaza libre guztiak beteta daudenean, eskatutako bigarren edo hirugarren tresna esleituko da lehen tresnarako egindako zozketako ordena errespetatuz, beti ere dauden plazak bete arte.
  Ikasleren bati ezin izan bazaio esleitu eskatu dituen hiru tresnetako bat ere, eskolan irakasten diren gainontzeko tresnetarako aukera emango zaio. Egoera honetan dauden ikasle guztien artean zozketa bat egingo da eta horren arabera emango dira plazak.
  - Indartutako irakaskuntza: Honen helburua da ikasleak prestatzea irakaskuntza arauturako (kontserbatoriorako) sarrera-proba gainditzeko; horretarako, ikasleak gaitasun, interes eta probetxu nahikoa erakutsi beharko du eta, gainera, ezinbestekoa izango da tutorearen eta musika-lengoaia irakaslearen oniritzia.
  - Musikoterapia: Hezkuntza-behar bereziak dituzten ikasleei zuzendua, jarduera soinu-musikalen bidez ikasleen alor kognitiboa, emoziozkoa, fisikoa eta harremanetako-sozialaren garapena erraztea du helburu; horretarako, ahotsa, gorputza eta erabiltzeko errazak diren musika-tresnez baliatuko gara. Musikoterapiak ahalmenak garatu nahi ditu eta gustuko esperientziak izateko aukera ematen du, musika emozioen adierazpena eta komunikazioa errazten duen tresna gisa erabiliz.
  - Ezingo da matrikula berririk egin bi espezialitatetan. Ahots Teknika espezialitatetzat hartzen da. Espezialitate-aldaketa eska daiteke, oraingo plazari uko eginez, eskatutako espezialitate berrian leku librea izatearen zain. Ezin da musika-hizkuntza bakarrik ikasi.
  Matrikula-orrian familia ugaria laukitxoan markatu ahal duzu. Hala ere, ez dugu deskonturik egiten familia ugariagatik, baina datuak helburu estatistikoetarako erabil daitezke.
  - Eskolan matrikulatuta egon daitekeen gehieneko denbora. Musika Eskolaren Barne Erregimeneko Araudiak, 38. artikuluan, honako hau jasotzen du: "Oro har, instrumentu eta kantu bakarlariaren irakaskuntza nagusian gehienez 12 ikasturteko dedikazioa izatea Musika Eskolaren helburu pedagogikoak betetzera egokitzen da.
  Denbora hori igaro ondoren bakarrik onartuko da espezialitatean matrikulatzea, baldin eta:
  — Plaza libre dago; hau da, ez dago Eskolako hautagai berririk, ez eta ikasle berri gisa ere, udalerritik etorri edo ez.
  — Eskolako taldeetan matrikulatuta dago.
  Nolanahi ere, beti egon ahal izango da matrikulatuta eskolako talde instrumentaletan, plaza librerik ez dagoenean izan ezik.
  - Eszedentzia: Zentroko zuzendaritzak kasu hauetan onartuko du: gaixotasuna, lanagatik, eta bestelako ezinbesteko kasuetan, behar bezala justifikatuta, klasera joatea galarazten dutenean. Eszedentzia emateak ez du hurrengo ikasturterako plazarik bermatzen, baina lehentasuna ematen du ikasle berrien eskarien aurretik. Eszedentzia-eskabidearekin batera, eszedentziaren justifikazioa aurkeztu beharko da, eta hori gabe ez da baliozkoa izango.
  - Pandemia dela eta, baliteke ikasturtean zehar on line irakaskuntza aktibatzea, ezohiko izaerarekin. Zure irakasleak prestakuntza hori egiteko modurik onena zein den adieraziko dizu.

Informazio gehiagorako

• Areeta, Mesedeetako kalea 6, goizez (09:30 - 13:30) zein arratsaldez (16:00 - 20:00; ostiraletan 19:00ak arte). 944.646.011 telefonoa
• Algorta, Basagoiti etorbidea 77, ostegunetan goizez (09.30 – 13:30), arratsaldez astelehenetik ostiralera (15:30 - 20:00). 944.646.022 telefonoa
• Posta elektronikoa: aisasi@getxo.eus