Mugikortasun

Semana de la Movilidad

Getxoko Udalak bat egin du Europako Mugikortasun Iraunkorraren Astearekin aurten ere, oraingo honetan “Getxo 30 km/h-ra. Emisiorik gabeko mugikortasun seguru eta osasungarri baten alde” lelopean. COVID-19aren pandemiak erabat baldintzatu du Mugikortasun Astea, bai jardueren egitarauari dagokionez, bai haren garapenean. Horrenbestez, mugikortasun iraunkorraren arloan udalerrirako garrantzitsuak diren gaiei buruzko informazio eta zabalkunde kanpainak nabarmentzea erabaki dugu.

Bidegorriak

25 kilometro bidegorri baino gehiago ditu Getxok, txirrindularien eta mugikortasun pertsonaleko ibilgailuen (MPI) desplazamenduak, erosotasuna eta gozamena errazteko. Horietako 16 kilometro bereizitako bidegorriak dira; 7,2 kilometro 30eko guneetan daude; eta 2,2 kilometro oinezkoekin partekatzen dira.

Mugi zaitez zure udalerrian modu osasungarri, erraz eta iraunkorrean urte osoan zehar, ingurumena errespetatuz eta zure erritmoan

30 km/h

Getxo, Nire Udalerria 30 km/h

Getxo osoan 30 kilometro orduko abiadura-muga ezartzeak oinezkoen, txirrindularien eta mugikortasun pertsonaleko ibilgailuen (MPI) arteko bizikidetza eta segurtasuna erraztuko ditu.

  • Zarata murriztuko da gure udalerrian
  • Kutsadura murriztuko da gure kaleetan
  • Segurtasuna areagotuko da

Informazio-liburuxka bat jasoko duzu zure postontzian, pegatina batekin. Jarri biniloa zure autoan! Horrela, denek jakingo dute Getxo 30 km orduko udalerria dela.

Mugikortasun asteko jarduerak

  • Street marketing
    Street marketing
    Mugikortasun Asterako antolatutako jardueren artean, udalerriko bidegorri eta zebrapasaguneetan garatuko den street marketing ekintza hau nabarmentzen da. Mezu positiboak adierazi beharko dituzue, auzokideak oinez ibiltzera, pedalei eragitera edo garraiobide iraunkorrak erabiltzera animatuz.
  • Haurrentzako marrazki lehiaketa
    Concurso de dibujo infantil
    Haurrentzako marrazki-lehiaketa antolatu dugu aste osorako, Nola mugitu Getxon lelopean. Horretarako, parte-hartzaileek udalerrian nola mugitzen diren erakusten duten marrazkiak bidali beharko dizkigute getxomovilidad@gmail.com helbide elektronikora.
    Lehiaketa honek BI KATEGORIA ditu. Lehena 4 eta 9 urte bitarteko haurrei zuzenduta dago; bigarrena, 10 eta 15 urte bitartekoei. Hainbat sari-sorta banatuko dira bi kategorietan.
  • Pedalei eragiten ikasteko tailerra. Irailak 21, 22, 23, 24
    Taller
    Aurreko edizioetan bezala, bizikletaz ibiltzen ikasteko gunea izango dute helduek aurten ere. Getxotarren artean ibilgailu honen erabilera sustatzeko helburuarekin, hainbat tailer antolatuko dira udalerrian, bizikletaz ibiltzen ez dakiten edo
    trebetasun gutxi duten bizilagunei zuzenduta. Helduentzako bizikletak eskuragai izango ditugu. Haurrek, berriz, beren bizikletak ekarri ahal izango dituzte etxetik.
    - 18:00etatik 20:00etara
    - Evaristo Txurruka kaia
    - Izen-ematea. Plaza mugatuak
  • Oinarrizko mekanika-tailerra. Irailak 22
    Taller de mecánica básica
    Nola aska dezaket gurpila zulaketa bat konpontzeko? Katea ateratzen bada, nola jar dezaket berriro bere lekuan? Zer ote dira bizikletaren erradioa eta katebegia? Galdera hauek eta beste asko argituko ditugu mekanikatailerrean, gure bizikletaren funtzionamenduari buruzko oinarrizko ezagutzak eskuratzeko.
    - 11:00etatik 14:00etara / 17:00etatik 20:00etara
    - Algortako Geltokia Plaza
    - Izen-ematea. Plaza mugatuak

IZEN-EMATEAK: Telefonoz: 605 74 90 64. Jarduera guztiak doakoak dira.

  • Ibilgailuen zirkulazio etenak Algortan eta Areetan
    Irailaren 20an, igandea, 8:00etatik 20:00etara, ibilgailu pribatuen zirkulazioa mugatuta egongo da Algorta eta Areetako erdiguneetako hainbat kaletan. Murrizketek ez dute eraginik izango garraio publikoan, ezta aldez aurretik Getxoko Udalaren baimena duten establezimenduen ibilgailuetan ere. Eskaerak: ingurugiroa@getxo.eus. Algortako Telletxe kalean eta Areetako kale Nagusian ez da haurrentzako jarduerarik izango, aurtengo egoera berezia dela eta; nolanahi ere, kale biak itxita egongo dira trafikoarentzat, guztion gozamenerako.
Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +