Hasiera Gobernu Irekia Herritarren parte-hartzea 2022ko parte-hartze izaerako aurrekontuak

2022ko parte-hartze izaerako aurrekontuak

I. FASEA - BUKATUTA

II. FASEA

Ekainaren 10etik 24ra bitartean

• Informazio-liburuxka
• Inprimaki digitala: online formularioa
• Bigarren fasearen prentsa-oharra

 Otsail eta martxo bitartean parte-hartze izaerako aurrekontuen lehenengo fasea egin zen, eta Getxoko herritarren baliozko 966 ekarpen bildu ziren.

Udaleko langileek ekarpenak eta iradokizunak aztertu dituzte teknikoki nahiz ekonomikoki, 2022ko aurrekontuetara zeintzuk gehitu ahal izango liratekeen ezartze aldera.

Azterlan hori garatu ondoren, balizko 8 proiektu hautatu dira, eta herritarrek baloratuko dituzte. Azkenean, horietako batzuk gauzatuko dira, 2022ko parte-hartze izaerako aurrekontuetarako gordetako partidaren kargura.

Parte-hartze izaerako aurrekontuei lotutako proiektuak egikaritzeko, Getxoko Udalak milioi bat (1) euroko partida gorde du.

Nork har dezake parte?

• Getxon erroldatuta dagoen 16 urtetik gorako edozein herritarrek
• Getxoko Udaleko erakundeen erregistroan izena emanda duen edozein erakundek
• Helbide socaiala edo establezimendu iraunkorra Getxon daukan edozein elkartek, fundaziok, sindikatuk, enpresen elkartek, profesionalen elkargok, zuzenbide publikoko korporazioak edota bestelako erakundek, baldin eta nortasun juridikoa esleitu bazaie, antolamendu juridikoarekin bat etorriz.

Proposamenen zerrenda

Proposamenaren izena	Gastuaren zenbatekoa
Parke bat estaltzea Udalerriko parke batean estalkia jartzea.	425.000€
Suspetze soziokulturalerako aparteko programa Getxoko bizitza soziokulturala berreskuratzeko udalerri osoan egingo diren jardueren programa da. Egitaraua herritarren proposamenak jasotzeko deialdi baten bidez osatuko da, eta hiru ardatz izango ditu: Herriko artistak, gazteria eta euskarazko programazioa. Ardatzak aukeratzeko, kontuan hartu da tokiko artistak eragile garrantzitsuak direla Getxoko jarduera soziokulturalean, gazteek aisialdirako programazioa mugatu dutela eta euskararen erabilerak eragin negatiboa izan duela pandemian. Programazioa urte osoan zehar egingo da udalerriko hainbat tokitan, barruko zein kanpoko espazioetan.	250.000€
Parkea eta bidezidorrak hobetzea Gabriel Ramos Urangan Gabriel Ramos Urangako bidezidorrak, jolasguneak eta berdeguneak hobetzea.	125.000€
Itsasertzeko ibilaldiak hobetzea Itsasertzeko gelen eta pasealekuen babesa eta desnibelak hobetzea. Usategitik Landenerako pasealekuaren alboko babesa, 225 ml ingurukoa; Atxekolandetako begiratokiak hobetzea eta 200 ml-ko erorketa-desnibeletatik babestea; Miramar kaleko begiratokia eta Ereagaranzko jaitsiera.	250.000€
Fadurako trinketea margotzea eta egokitzea Fadurako frontoietako trinkete-pista margoztea eta birmoldatzea.	20.000€
Wifi sarbidea udalerriko hainbat puntutan Udalerriko zenbait gune estrategikotan wifi publikoa instalatzeko proiektua (Areeta plaza, Gernika parkea, Telletxe plaza metroaren irteeran eta Andra Mari gunea).	20.000€
Feminismoaren aldeko kontzientzia eta ekintzak sustatzea Feminismoa zer den eta zer ez den sentsibilizatzeko ekintza bat da. Feminismo ezberdinak ikusaraziko dira. Bertan, informazioa sortuko da kontzientziatzeko desberdintasuna ez dela naturala, baizik eta harreman menderatzaile eta boteretsuen ondorio dela, non "femeninoa" dena "maskulinotasunaren" mende dagoen. Betiere ikuspegi intersekzionaletik, non beste zapalkuntza mota batzuk hartzen diren kontuan, hala nola jatorria, adina, dibertsitate funtzionala, genero-identitatea, klasea, etab. Ekintza hau izango da: Berdintasunaren eta feminismoaren arloko bideo bat sortzea, udalaren sare sozialetatik eta kanaletatik mugitzeko. Bideoaren informazioa osatzeko, Getxo Ekinez kanpainarako gaur egun erabiltzen ari diren kuboak erabiliko dira, Getxoko auzoetatik mugituz.	12.000€
Udalerriko bide publikoaren inbentario egitea eta argitaratzea Udalerri osoan pasabide publikoa izateko eskubidea duten lekuak zaintzea, bereziki bidezidorrak dituzten landa-eremuetan, legez kanpokoak diren lekuetan pasabide itxiak kenduz eta beharrezko lege-ekintzak gauzatuz. Jendeari, oro har, bidexken mapa ezagutaraztea, mendian paseatzean zer egin behar dugun jakiteko. Getxoko bide publikoen inbentarioa egitea eta argitaratzea.	5.000€

 

Nola hartu parte

• Algortako eta Areeta-Romoko Herritaren Arretarako Bulegoetan, Fadurako eta Gobelako kiroldegietan, Villamonteko Kultur Etxean, RKEn eta San Nikolas liburutegian eskuragarri dagoen inprimakia betez eta bertoko boto-ontzietan sartuz.
• Inprimakia helbide elektroniko honetara bidaliz (eskaneatutako eranskin edo argazki gisa): gobernuirekia@getxo.eus
• Inprimaki digitala betez: online formularioa
• Algortako, Areetako eta Bidezabalgo geltokien eta Andra Mariko kiroldegiaren inguruan jarri diren postontzietan inprimakia sartuz.

Prozesuaren arauak

• Proiektuei puntuak eman beharko dizkiezu zure interesaren arabera. 1 izango da garrantzia edo interes gutxien duena, eta 8, berriz, garrantzitsuena edo interesgarrienan (ezin izango zaie puntu kopuru bera eman bi proiekturi).
• Puntuazio bana esleitu beharko zaio proiektu bakoitzari, eta proiektu guztiei eman beharko zaizkie puntuak. Proiektu guztiak balioetsi ezean, ez da galdeketa onartuko.
• Herritar bakoitzak behin baino ezin izango du parte hartu. Antzematen bada herritar batek bitan edo gehiagotan parte hartu duela, haren parte-hartzea baliogabetuko da.
• Parte hartzeko prozesuaren ostean, emaitzak aztertuko dira eta jasotako boto guztiak batuko dira. Hala, Getxoko Udalak bere gain hartuko du boto gehien eskuratzen dituzten proiektuak egikaritzeko ordura, harik eta 2022ko parte-hartze izaerako aurrekontuetara bideratuko milioi bat eurora iritsi arte.
• Parte hartzeko datu pertsonalak ematea beharrezkoa da, izan ere, udal-langileak prozesuan parte hartzen duten pertsona guztiak udalerrian erroldatuta daudela egiaztatuko dute.