Denboraldiko ikastaroak
2019/2020 denboraldiko datak eta izena emateko arauak
Getxo Kirolak-eko abonatuek ikastaroetan aurrez izena eman nahi badute, eskaera bete behar dute Fadurako eta Gobelako bezeroak artatzeko bulegoetara joanda edo Administrazio Elektronikoaren Bulegoan sartuta. Aurrez izena emateko epea uztailaren 8an hasi eta irailaren 10ean amaituko da.
Irailaren 12an, zozketaren emaitza argitaratuko da web orrialdean eta Fadurako eta Gobelako informazio-tauletan. Plazak automatikoki esleituko dira, baina kontuan izan behar da lehen fasean pertsona bakoitzeko eskaera bat soilik onartuko dela. Plazak libre geratuz gero, esleipen-sistemak prozedura errepikatuko du, harik eta dauden plazen eskaintza bete arte.
Getxo Kirolaki bankuko helbideratze-datuak eman ez dizkioten pertsonek, behin dagozkion zozketak eginda, eta Getxo Kirolaken ikastaroren batean plazaren bat esleitu bazaie, inskripzioa osatu beharko dute bankuko helbideratze-datuak emanda.
Aukeraren bat baliogabetzeko edo zuzentzeko izapidea irailaren 12tik 19ra bitarte egin beharko da, Administrazio Elektronikoaren Bulegoaren bitartez.
Irailaren 20tik aurrera epe berria irekiko da plazen eskaintza bete arte izena eman ahal izateko. Gogoratu eskaera guztietan aurretik izena ematea eskatzen dela.
Esteka honetan, Getxo Kirolak-en urte-sasoiko ikastaroen eskaintza osoa kontsulta daiteke.
Ikasketa-zikloko ikastaroak
Ikasketa-zikloko ikastaroetan honako hauek sartzen dira: tenis, padela, arte martzialak, gimnasia erritmikoa eta dantza (6 eta 16 urte artean); tenis eta padela gazteentzat eta helduentzat, gehienez hiru ikastarora bitarte edo gaitasun-maila egin arte; eta igeriketa, gaitasun-maila gainditu arte (mantentze eta teknifikazioko ikastaroak ez dira ikasketa-zikloaren barneko bezala hartzen).
Ekainera bitarte ikasketa-zikloetako ikastaro batean izena emanda egon diren pertsona guztiek ere aurreinskripzioa eskatu behar dute idatziz edo Administrazio Elektronikoaren Bulegoaren bitartez. Aurreinskripzioa egiteko epea ekainaren 3tik 25era bitartekoa da.
Azkenik, zozketaren emaitza ekainaren 27an argitaratuko da, eta zozketaren bitartez pertsona bakoitzeko plaza bat esleituko da, dauden plazen arabera. Ikastaro gehiago eskatzeko, urte-sasoiko ikastaroetan aurreinskripzio berria egin beharko da.
Ikasketa-zikloko modalitate batean lehen aldiz izena eman nahi duten pertsonek, urte-sasoiko gainerako ikastaroen epe berean egin beharko dute (uztailaren 8tik irailaren 10era).
Maila egiaztatzeko probak
Tenis, padel eta igeriketako ikastaro aurreratuetan matrikulatzeko, maila egiaztatzeko proba gainditu behar da. Horrez gain, jada hasita dagoen ikastaro batean sartu nahi duten pertsonek maila egiaztatu beharko dute, eta baita hastapen-ikastaroetan ere; azken horiek soilik hasiberrientzat dira.
Maila egiaztatzeko proben egutegia honako hau da:
a) Urrian hasi eta abuztura arte, maila ziurtatzeko probak burutu ahal izango dira sartu nahi den mailako klase hasieran.
b) Irailean probak egiteko epe bat irekiko da: 3tik aurrera 09:30etik 13:30 arte, eta gainera hilaren 4, 5 eta 19an (azken hau zozketa eta gero), baita 16:30etik 19:00ak arte ere. Iraileko epe honen baitan nahitaezkoa da hitzordua eskatzea gutxienez egun bateko aurrerapenarekin, Administrazio Elektronikoaren Bulegoan edo klaseak ematen dituen monitoreengana jo.
Informazio gehigarria
a) Plazarik lortu ez duten interesatuek itxaron zerrendan eman ahal izango dute izena, zeina denboraldi osoan zehar indarrean egongo den.
b) Zuen erosotasunerako, kuoten banku-helbideratzea gomendatzen dizuegu. Leihatila bidezko ordainketak plazaren galera suposa lezake, ikastaroaren hurrengo hilabetea hasi baino zazpi egun lehenago egiten ez baldin bada.
c) Denboraldian zehar, kirol ikastaroetan baja ematea erabakitzen dutenek idatziz jakinarazi beharko dute gure bulegoetako edozeinetan, zerbitzuaren gozamenaren bukaera baino zazpi egun lehenago (jakinarazpen hauek igeriketako hiruhilabeteko ikastaroetarako ere badira).
d) Ikastaroaren prezio osoa bederatzi hilabetean zehar banatuko da proportzionalki, hilabete bakoitzean jasotzen den klase-kopurua edozein izanda ere.
e) Getxo Kirolak-ek eskubidea du denboraldian zehar bi ordainagiri itzultzen dituzten pertsonen kuotak gehiagoan ez helbideratzeko.
f) Posible den guztietan, Getxo Kirolak-ek irakasle elebidunak izango ditu.
g) Getxo Kirolak-ek kirol behar bereziak kontuan hartzen ditu. Interesatuak Kirol arloarekin harremanetan jar daitezke.
h) Getxo Kirolak-ek eskubidea du ikasle bati baja emateko, baldin eta ikastaroetan izena eman eta, inolako justifikaziorik gabe, behin eta berriz ez badoa.
i) Getxo Kirolak-ek eskubidea du programazioa aldatzeko (espazioak, egutegia, ikasleen kopurua, etab.).
j) Izena emateko jaiotze urtea kontuan hartzen den ikastaroetan, urtarrilaren 1etik aurrera izena eman ahal izango dute hurrengo urtean jaiotakoek.
Denboraldiko egutegia
- Ikasturtea 2019ko urriaren 1ean hasiko da.
- Jaiak: azaroak 1, abenduak 6, urtarrilak 27, martxoak 19 eta maiatzak 1.
- Gabonetako oporrak: ez da klaserik izango abenduaren 23tik urtarrilaren 6ra arte (biak barne).
- Aste santuko oporrak: ez da klaserik izango apirilaren 6tik 13ra arte (biak barne).
- Ikasturtea 2020ko ekainaren 19an bukatuko da.
