2019ko udako ikastaroak

Getxo kirolak-eko udal ikstaroak

Getxo Kirolak uda bakoitzean udako ikastaroen programa antolatzen du. Ikastaroak ez dira nahitaez ikasteko zikloekin lotzen, eta zenbait kirolarekin harremanetan jartzeko modurik onena dira. Adin guztietarako zerbitzuak eskaintzen dira adin-tarte ezberdinetarako jarduera espezifikoekin.

Aurtengo udako ikastaroen programazioa kontsulta dezakezu.

Inskripzio berriak

Udako ikastaroetan aurreinskripzioa egin nahi duten Getxo Kirolakeko abonatuek eskaera bete dezakete modu presentzialean, Faduran eta Gobelan bezeroak artatzeko dauden bulegoetara joanda edo Administrazio Elektronikoaren Bulegoan sartuta. Aurrez izena emateko epea apirilaren 10an hasi eta maiatzaren 10an amaitzen da.

Maiatzaren 14n zozketaren emaitza argitaratuko da web orrialdean eta Fadurako eta Gobelako informazio-oholetan. Plazak automatikoki esleituko dira, kontuan izanik, lehen fasean, soilik eskaera bat onartuko dela pertsona bakoitzeko. Plaza libreak geratuz gero, esleitzeko sistemaren bitartez berriro prozedura errepikatuko litzateke, harik eta dauden plazen eskaintza bete arte.

Banku-helbideratzearen gaineko datuak Getxo Kirolaki eman ez dizkioten pertsonen kasuan, dagozkien zozketak egin eta gero, eta Getxo Kirolaken ikastaroren batean plaza esleitu bazaie, inskripzioaren datuak bete eta banku-helbideratzearen datuak eman beharko dituzte.

Aukeraren bat baliogabetzeko edo zuzentzeko izapideak maiatzaren 16tik 22ra bitartean egin beharko dira Administrazio Elektronikoaren Bulegoaren bitartez.

Maiatzaren 23ik aurrera, beste epe bat irekiko da dauden plazen eskaintza osatu arte izena emateko. Gogoratu eskaera guztien kasuan, aldez aurretiko inskripzioa egin behar dela.

Kontsultatu hemen udako ikastaroen deskribapena eta gomendioak.

Maila-probak

Tenis, padel eta igeriketan hastapena baino maila goragokoetan izena emateko, maila egiaztatu behar da inskripzioa egiteko unean.

Maila egiaztatzeko, Kirolen Arloarekin harremanetan jarri eta proba egin behar da aurrez. Fadurako eta Gobelako bulegoak. Ikastaroa hasita izanez gero, maila ziurtatzeko probak burutu ahal izango dira sartu nahi den mailako klase hasieran.

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +