AURKEZLE EUSKALDUNEN ZERBITZUA

Euskararen erabilera areagotzeari begira elkarteak izan ditzaken zalantzak, laguntza... Bizarra Lepoan Euskara Elkartearen bidez.

MATERIALAK EUSKARATZEKO ITZULPEN ZERBITZUA : gehi@getxo.net

JASOTZAILEAK

• Herriko elkarte eta taldeak
• Herriko denda eta establezimenduak.
• Orokorrean, establezimendua, egoitza edo denda kalean duten eta hizkuntza paisaian eragin nabarmena duten saltokiak, bulegoak eta bestelakoak, adibidez, lanbide liberalak, autonomoak. Kanpo geratzen dira finantza erakundeak, enpresa handietako ordezkaritza-bulegoak eta antzekoak.

 ESKAINITAKO ZERBITZUAK

• Itzulpen zerbitzua (elkarteak inor ez badu)
• Euskarazko testuen zuzenketa

ZERBITZUAREN NONDIK NORAKOAK

• Euskara Zerbitzuak gehi@getxo.net helbide elektronikoa ipini du martxan zerbitzu hau erabili nahi dutenentzat. Erabiltzaileek zerbitzu honetara igor dezakete itzultzea nahi duten testua eta itzulpena ere posta elektronikoaren bidez jasoko dute.
• Zerbitzua doakoa da.
• Erabilpen partikularretarako direnak ez dira itzuliko.
• Erabiltzaileak posta elektronikoz bidaltzerik ez balu, ahal dela, testua ordenagailuz edo idazmakinaz idatzita bidaltzea eskatzen dugu.

OHARRAK

• Euskara Zinegotziak, kasu berezietan edo oinarri hauetan jasotzen ez den kasuren batean erabakiak hartzeko ahalmena izango du.
• Diru-laguntzak, erregistroaren hurrenkerari estuki jarraituz abonatuko dira, aurrekontu-partida dagoen bitartean. 

ALDIBEREKO INTERPRETAZIO ZERBITZUA

ZER ESKAINTZEN DA

• Aldibereko interpretaziorako azpiegitura
• Aldibereko interpretaria

HARTZAILEAK

• Zerbitzua, Getxon egoitza soziala edo ohiko zerbitzua eskaintzen duten kirol talde, haurtzaindegi, ikastetxe, parrokia eta elkarteentzat da (kultura, kirola, boluntariotza elkarteak, lankidetza edota bestelako elkarteak).
• Eskaintza, ekitaldi jendetsuetarako dago pentsatuta; 20-25 pertsonatik gorako batzar orokorrak, hitzaldiak, topaketak, urteko bilerak eta antzekoak.
• Itzulpena, euskara-gaztelera/gaztelera-euskara izango da.
• Interpretariaren Zerbitzua eta azpiegiturarena bata besteagandik independienteak dira. Erabiltzaileak eskatu ahal du bata, bestea zein biak.
• Eskaintza honetatik kanpo geratzen dira jaiak eta ospakizunak (ezkontzak, jaialdiak...), antzerkiak
• Ez da zerbitzua eskainiko egun bi (2) baino gehiagoko ekitaldietarako.
• Udalerriko hizkuntza normalkuntzarako bereziki mesedegarria izan ahal den ekitaldiren bat zerbitzu honen barruan garatu ahal izango da zinegotziaren baimenarekin, nahiz eta hemen jasotako baldintzak ez bete. 

BALDINTZAK

• Zerbitzua erabili ahal izateko honako baldintza hauek bermatzen direla ziurtatu beharko da:
• Eskainiko den zerbitzua, leku estalian garatuko da.
• Interpretariaren kabina jartzeko lekua, argitsua izango da, kable bidezko konexioak erraz egiteko moduan izango ditu eta interpretariak hizlaria ondo ikusteko aukera izan beharko du.
• Zerbitzua eskaini edo publizitatea egiten denean, Udalaren logoa jarri beharko da toki ikusgarriren batean
• Getxoko Udaleko Euskara Zerbitzuak zerbitzuaren %67 ordainduko du eta antolatzaileek gainontzekoa.
• Ez da erabiliko hizkuntza normalkuntzaren kontra edo honekin bat ez datozen jardueretarako

ORDAINKETA

Aldibereko itzulpen zerbitzua erabiliko duena herriko elkarteren bat bada, egun horretan zerbitzua erabiltzearen %33a ordainduko du.

OHARRAK

• Euskara Zinegotziak, kasu berezietan edo oinarri hauetan jasotzen ez den kasuren batean erabakiak hartzeko ahalmena izango du.
• Diru-laguntzak, erregistroaren hurrenkerari estuki jarraituz abonatuko dira, aurrekontu-partida dagoen bitartean. 

 Informazio guztia: hemen

GEHI programaren barruan hainbat diru-laguntza eta zerbitzu eskaintzen dira kirolaren esparruan ere euskara sustatzeko: GEHITU Kirola

ZER DA GEHITU KIROLA? 

• Getxoko Udaleko Euskara Zerbitzuaren egitasmo sektorial estrategiko berri bat… 
• Kirol jardueretan euskararen erabilerari aukerak zabaltzeko:

           - Euskara dakitenek erabil dezaten.

           - Ikasten ari direnek, praktikatzeko aukera berriak izan ditzaten.

           - Ez dakitenen artean, euskararekiko interesa sustatzeko. 

• Bereziki, ume eta gazteei, zuzendutakoa. 

GEHITU KIROLAren HELBURUAK

• Getxoko kirol jardueretan euskararen erabilera sustatzea. 
• Getxoko Udalak, euskararen erabilera sustatzeko, funtzioak eta eskaini beharreko zerbitzuak definitzea.

Entrenamenduak euskaraz egiteagatik, Udalaren diru-laguntza jaso dezake kirol elkarteak. Euskarazko talde bakoitzeko, 360 euro jasoko dira, gehienez. Elkarteari entrenamenduen jarraipena egingo zaie, euskarazko entrenamenduak egiten diren egiaztatzeko.

Kirol posterrak, egutegiak, aupa oihuak, hiztegi teknikoak... argitaratzen dira.

Kartelak

Liburuxkak

Euskarazko entrenamenduak sustatzeko kanpaina: entrenamenduak euskaraz futbolean, esku-pilotan, igeriketan, ur kiroletan...

Kanpaina honen bidez entrenamenduetan euskaraz egitea sustatu nahi dugu, Getxon ari diren entrenatzaile euskaldunak animatzeko umeekin euskaraz egin dezaten.

Entrenamendu saioak kirolari ospetsuekin, hitzaldiak eta entrenatzaileen prestakuntza saioak ere antolatzen ditugu. 

>> GEHITU Kirolera. Gida 2008/9

Getxoko kirol elkarteek euskaraz eskaintzen dituzten entrenamenduak, euskara sustatzeko hartutako konpromisoak...jasotzen dituen gida.

GEHITU Kirola GEHI egitasmoaren barruan garatutako programa da