Getxo - Prentsa bulegoa - Gaurkotasuna - Berriak

Neurriak Paella Lehiaketaren ospakizunari begira

2026/7/2

Udalak Paellen Lehiaketan segurtasuna, ingurumenarekiko errespetua eta garbitasuna areagotzeko dispositiboari eutsiko dio. Hilaren 25ean , larunbata, ospatuko da Aixerrotako landetan. Itxas Argia elkarteak lehiaketa antolatzen duen esparru ofizialetik kanpo dagoen espazioan azken bi urteetan hartutako neurriak eraginkorrak izan ziren eta ez zen gorabehera aipagarririk izan.

Pinudiaren inguruaz gain, aurten Udaltzaingoak aipatutako espazioaren zati bat balizatu egin du Hiri Antolamenduko Plan Orokor (HAPO) berriak jasotzen dituen ingurumen-gidalerroak aplikatuz. HAPOk Ingurumen Hobekuntza gisa mugatzen du eremu hori zaintzeko eta birsortzeko, ingurumenaren aldetik interes berezia duelako Kostaldeko Txilardi lehor atlantikoen Lehentasunezko Interes Komunitarioko Habitat (Erika vagans) gisa eta, beraz, ezin izango da erabili. Ekitaldiaren aurreko egunetan ere zainduko da esparrua.

Udaleko arloek, duela urte batzuez geroztik egiten ari diren bezala, areagotu egin dituzte Paellen Nazioarteko Lehiaketaren eragina murrizteko neurriak. Ingurumena zaintzeari, hondakinak biltzeari, segurtasunari, ebakuazio-bideei eta osasun zerbitzuei lotutako eta suteen kontrako neurriak dira baita Udaleko arlo desberdin eta gazteen koadrilen artean ezartzen joan diren hobekuntzak ere.

Segurtasun-dispositiboa

Ertzaintzak eta Udaltzaingoak dispositibo bateratu bat garatuko dute, pertsonen segurtasuna modu presentzial, proportzional eta egokian bermatzeko. Udaltzaingoak erdiguneko karpa bat jarriko du, jai-eremuan identifikatzeko modukoa, bertaratzen direnentzako erreferentzia gisa balioko duen laguntza eta informazio puntu azkar eta eraginkor bat eskaintzeko, eta polizia ibiltariak ere izango ditu. Besteak beste, bide-segurtasunari, trafiko-mozketei eta delitu-egitateen prebentzioari buruzko lanak egingo dira, eta laguntza eta sorospena emango da istripuen kasuan. Gainera, jai-eremurako sarbideak eta aforoak kontrolatzeko kamerak jarriko dira berriro, esparruaren segurtasuna handitzeko.

Paelletarako eta Getxoko jai jendetsuenetarako (Algorta, Romo, Portu Zaharra eta Areeta) segurtasun-neurriak behar bezala jakinaraziko dira.

Ingurunean ahalik eta inpaktu txikiena izateko jarduerak

Ingurumen Unitateak gogoratzen du erabat debekatuta dagoela Pinudi ingurura eta aretian aipatutako balizatutako eremura sartzea. Gainera, hainbat udal unitatek hurrengo lanak egin eta egingo dituzte:

Informazio-kartelak jarri, eremu naturalekiko errespetua sustatzeko eta zuhaitzak iltze, soka, inausketa eta abarren bidez ez kaltetzeko.
Ofizialaren ondoko eremuan sega egin, larrialdi-zerbitzuak eta garbiketa-kamioiak biltzea ahalbidetuko duten bideak irekitzeko, ekitaldiaren ondoren eremuaren ardura hartu ahal izateko.
Argi-puntuak kokatu eremuan.
Perimetro berean, ur-puntuak eta mahukak, hiru kokapenetan.
Itxas Argiak proposatutakoaren gainetik, edukiontzien kopurua handitu. Gainera, edukiontziak jarriko dira ekitaldian erabilitako perimetro osoan.
Ekitaldiaren egunean sortutako hondakinen gaikako bilketa egingo da, eta parte-hartzaileek ingurune osoan jarriko diren puntu garbiak erabili ahal izango dituzte.
Sortutako beira biltzeko poltsak banatuko ditu Ecovidriok (ohiko laguntzailea), eta koloretako poltsak eta poltsa organikoak ere, jatorrian bereizteko eta dauden gune garbietan utzi ahal izateko.
Ekitaldia amaituta eta ondorengo egunetan, ontzien, beiraren, paperaren, organikoaren eta gainerakoen zatikiaren bilketa selektiboa egingo da, antzemandako tresnekin batera, eta bilketa bukatzeko, egurra kenduko da, pilatuz joango dena, eta azkenik, hondakin txikienak.
Informazio-kartelak jarriko dira, eta honako hauek seinaleztatuko dira: hondakinak gaika biltzeko prestatutako puntuak, ebakuazio-bideak, suteen aurka babesteko bitartekoak, indarkeria matxista kasuak artatzeko puntu morearen kokapena, ambu-lantzia, iturriak, etab.

Bitartekotza koadrilekin

Aurreko urteotan bezala, arkitekto batek eta gizarte-hezitzaile batek osatutako lantalde bat kontratatu da, esparru ofizialaren pareko jaian parte hartzen duten koadrilekin bitartekaritza-lana egin dezaten. Lantalde horrek kontuan hartu beharreko hainbat neurriri buruzko informazioa eta aholkuak ematen ditu, hala nola:

Segurtasunaren garrantziaren kontzientziazioa, bide nagusiak eta ebakuazio-bideak errespetatuz, eta pasatzea eragozten duten eraikuntzak egin gabe.
Ingurumenarekiko errespetuaren sentsibilizazioa: hondakin gehiegi ez sortzea, esparruan dauden edukiontziak behar bezala erabiltzea, gaikako bilketa sustatuz, bertako fauna eta flora errespetatzea, etab.
Zementua ez erabiltzea etxolak eraikitzeko, eta solairu bakarrekoak izan beharko dira.
Bitartekotza muntatutako egiturak seguruak izan daitezen eta koadrilentzat eta bisitarientzat arriskutsuak izan ez daitezen.
Ekitaldiaren egunean bertan izango diren zerbitzuei buruzko informazioa: indarkeria matxistaren kasuak artatzeko puntu morea, drogak detektatzeko testinga, gaueko bus-zerbitzua, anbulantzia-postua eta Udaltzaingoaren postu finkoa.

Neurri horien berri emateko, pasa den asteartean, ekainak 30, kuadrillekin lehen bilera egin zen eta uztailaren 10etik aurrera (ostirala), taldea Aixerrotako zelaietan egongo da gomendioak betetzen direla bermatzeko. Bisitak ekitaldiaren aurreko egunera arte luzatuko dira. Gizarte-hezitzailea maiz etortzen diren kuadrilla askorekin harremanetan jarri da, eta berriak informatzera gonbidatu ditu.