2023/1/18
“Getxon hobeto birziklatzen dugu”, Udalak Ecoembes eta Ecovidrio irabazi-asmorik gabeko erakundeekin batera bultzatutako kanpaina berriaren leloa da. Lan ona egiten ari diren arren, udalerriko herritarrei are gehiago eta hobeto birziklatzen laguntzea du helburu. Kanpainaren euskarri nagusia hormako egutegi bat da, hilero Getxoko pertsona ospetsu baten irudia duena. Bertan, hondakinak datu bitxi eta interesgarrien bidez nola bereizi erakutsiko digute, eta etxeetan birziklatzean egin ohi diren akatsik ohikoenak erakutsiko dizkigute.