Turismo
Data: 2025/10/1 - 2025/10/31
Ordutegia: Urria
Tokia: Getxo
Urrian, Getxok bat egin du Europako Ondarearen Jardunaldien 25. edizioarekin, eta aurten arkitektura-ondarean jarri du arreta. Udalerriko hainbat txokotan eskainiko dira bisita gidatuak, ibilbideak, tailerrak, jarduera artistikoak eta esperientzia parte-hartzaileak, gure nortasuna osatzen duten historia, eraikinak eta paisaiak berriz deskubritzeko. Auzo entzutetsuenetako ibilbideetatik hasi eta Punta Begoñako, Bizkaia Zubiko edo Portu Zaharreko gune berezietako proposamen sortzaileetaraino, programak tradizioa eta modernitatea uztartzen ditu, Getxoko ondare-aberastasuna herritar guztiengana hurbiltzeko.
Europako Ondarearen Jardunaldien 25. edizioa egingo da 2025ean, programa historiko batekin: 250 doako jarduera baino gehiago, 160 erakundek antolatuta (54 udal, 79 kultur erakunde eta 27 museo) Bizkaiko 76 udalerritan.
Edizioak arkitektura-ondarean jartzen du arreta, tradizioaren eta modernitatearen arteko elkarrizketa berrituarekin. Arreta berezia eskainiko zaio azken 100 urteetako arkitektura garaikideari eta ondare historikoaren berrinterpretazioari. Berrikuntza gisa, lurralde gonbidatua gehitu da: Kantabria.
Bizkaiko Foru Aldundiak koordinatuta, Jardunaldiek lankidetza-sare sendoa eratu dute 25 urte hauetan, eta, horri esker, lurraldea Europan aitortutako ondare-erkidego bihurtu da. Lehenengo aldiz, Bizkaiko Foru Aldundiaren Jauregiak ateak irekiko ditu 125. urteurrena dela eta.
Programak barne hartzen ditu:
2001etik, jardunaldiek hainbat gai jorratu dituzte (industria-ondarea, paisaia, ondare inklusiboa, jasangarria edo bizia, besteak beste). 2025ean, Bizkaiko arkitektura izango da protagonista, eraikin handietatik eguneroko espazioetaraino, etorkizunera begira.
Programa anitza, parte-hartzailea eta doakoa da, eta inguruan dugun kultura-ondarea bizitzera, ezagutzera eta horri buruz hausnartzera gonbidatzen ditu herritarrak.
Egun horietan Bizkaia bisitatuko duzu eta oraindik ez duzu ostaturik? Getxon ostatu hartzea gomendatzen dizugu, Bilboko erdigunetik 20 minutura. Kultura eta atsedena uztartzeko leku ezin hobea da, euskal kostaldera zuzenean sartzeko aukerarekin, hondartza paregabea eta itsasoko haize leuna lagun.
(+34)944910800