Getxo Beste ekitaldi batzuk, Turismo
Data: 2025/3/4 - 2025/3/23
Ordutegia: Hasiera Ordua
Tokia:
Euskal mendizaletasunaren historia biziak hitzordua du Punta Begoñan
Historiaz betetzen da Punta Begoña. Hori dela eta, aurten, Getxoko Etorkizuna Mendi Taldeak, bere berrogeita hamargarren urteurrena ospatzeko, enklabe honetan programatuko ditu antolatu duen egitarau trinkoko hainbat jarduera ere.
Martxoaren 6tik 23ra, EMMOA Fundazioak (Euskal Mendizaletasunaren Museoa) prestatutako “Mendian Gora” erakusketa egingo da. Erakusketak "euskal mendizaletasunaren historiako gertaera garrantzitsuenak biltzen ditu, sorreratik gaur arte".
Erakusketaren inaugurazioa Antxon Iturriza idazleak eta EMMOAko idazkariak egingo du, martxoaren 6an, 18:00etan, eta zabalik egongo da ostegunetik larunbatera, 10:00etatik 13:00etara, eta 16:00etatik 19:00etara.
Martxoaren 13an, 19:00etan, "Emakumea eta mendia" mahai-ingurua egingo da eta bertan izango dira: Ohiana Azkorbebeitia korrikalaria, Luisa Alonso Cires Pyrenaica aldizkariko lehen emakume zuzendaria, Sonia Casas goi-mendiko lehen emakume gidaria eta Isabel Garcia alpinista (zortzimilakoak igo dituena). Emakume horien lehia-, prestakuntza- eta dibulgazio-ibilbideak eztabaida aberatsa aurreikusten du, EMMOAren erakusketaren barruan kokatua.
Eta, maiatzean, hilaren 22tik 25era, Santiago Yánizen “Foto y Montaña” erakusketa izango da, paisaia-argazkigintzaren arloko egilerik ezagunenetakoa; izan ere, National Geographic-en argitalpenak ditu eta “Parajes inolvidables, excursiones de foto” bere liburua Espainiako paisaiari buruzko 10 argazki-libururik onenen zerrendan agertzen da (fotografodigital.com).
Etorkizuna Mendi Taldeak programatutako jarduerek Punta Begoñaren programazioa aberasten dute, eta zaharberritze-prozesuan zehar haren dimentsio sozialean laguntzen dute. Ricardo Bastida arkitekto handiak Getxoko monumentu esanguratsu hau diseinatu zuen, Horacio Echevarrietaren enkarguz, “enklabe ezin pribilegiatuagoaren barruan kontenplaziorako espazioa sortzeko” (José Ramón Foraster, arkitektoa). “Galeriek eskaintzen dituzten badiako eta itsasoko enkoadraketa bikain horiek” gune paregabea bihurtzen dute Punta Begoña erakusketarako, gozamenerako eta kulturarako
Pixkanaka-pixkanaka, Punta Begoña Galeriak jarduera sozial eta kulturaleko gune gisa finkatzen joan dira getxotarrentzat, baina baita leku askotatik etorritako bisitarientzat ere.
Askotariko interesak dituzten elkarte, artista, entitate, enpresa eta erakundeek bere espazio berezietan inspirazioa askatzeko lekua ikusi dute, beraien sorkuntzak kokatzeko lekua, berrikuntzaren fruituak ikusarazteko eta modu paregabean jendearengana hurbiltzeko lekua.
Esperientzia horietan parte hartzea ondare hori bizitzeko modu desberdina da, eta beti harrigarria.
Murgildu zaitez Punta Begoñako milioika urteko historian gure gidari taldearen eskutik. Gozatu Bizkaiko kostaldeko paisaiaz, kokagune estrategiko eta ikuspegi paregabe batetik. Eta ezagutu denborak monumentu honen hormen gainean utzitako aztarnen kontakizun harrigarria.
Parte hartu pertsonaia errepika ezin baten abenturak, azpijokoak, negozioak eta ondarea birsortuko dituzten bisitetan.
Horacio Echevarrieta Estatuko historiako enpresaririk garrantzitsuena eta Europako garrantzitsuenetako bat da, Iberdrola, Iberia, Cementos Portland, ontziolak, ontzi-enpresa garrantzitsuak, meatzaritzako negozioak edo petrolio-prospekzioak sortu zituena. Madrilgo Kale Nagusia eta Bilboko Zabalgunearen zati bat urbanizatu zituen, Bartzelonako Metroaren 2. linea eraiki zuen eta Niagarako transbordadorea sustatu zuen… Afrikako gerrako presoak erreskatatu zituen, eta “eskirol enpresaria” bezala ezaguna izan zen meatzarien bizi-baldintzekin zuen konpromezuagatik…
Punta Begoñatik merkataritza-gune erraldoi bat diseinatu zuen, gurera gaur egun arte iritsi diren lorpenekin. Horregatik bere arima hemen geratu zen, eta orain, bertan eta zuzenean pelikulako bizitza baten istorio hauek eta beste batzuk azalduko dizkigu, bere lekuak eta sekretuak erakutsiz.
Getxo, puntatik puntara: Paisaia ibilbideak
Getxoko historia modu atseginean, praktikoan eta naturarekin harremanetan ezagutzeko esperientzia irekia!
Aprobetxatu Getxoko kostaldeko paisaia ikusgarriko metro bakoitza bere naturan eta historian murgiltzeko, Punta Galea eta Punta Begoña lotzen dituzten lau kilometro eta erdiko ibilbidea eginez, gure taldearen eskutik.
Bidean zehar, udalerriaren gako historikoak ezagutuko ditugu: flyscharen eraketa, historiaurreko asentamenduak, eraikuntza militarrak, hazkunde ekonomikoaren egiturak, gerren hondarrak, negozioak, aberastasunak, azpijokoak, krisiak eta azken mendeko hondamendiak… Baita Bizkaian eta Euskadin duen garrantzia ere.
GARRANTZITSUA: Eguraldi txarra izanez gero, aldez aurretik abisatuz, ibilbidea Punta Begoñan izango da, eta bertan, galerietako espazioetan mugarri historikoak azalduko dira. Kasu horretan, bisitak 90 minutuko iraupena izango du.
*Oinetako erosoak eta berokia edo eguzkitako krema ekartzea gomendatzen dugu.
*Garraio publikoan etortzea komeni da, ibilbidearen hasiera (Galeako Gotorlekua) eta amaiera (Punta Begoña Galeriak) elkarrengandik urrun daudelako.
Bizkaira joango bazara data horietan eta inguruan ostatu hartzeko toki baten bila bazabiltza, hainbat aukera eskaintzen dizkizugu Getxon, Bilbotik 20 minutura soilik; bertan, euskal kostaldeaz, hondartzaz eta itsas brisaz gozatu ahal izango duzu.