GORRONDATXE Niko Brochadoren Folk musika sorkuntza bat da, Folk eta Rock musikarekiko duen pasiotik sortua.
Getxoko inguruneek, paisaiek, historiek eta jendeak sortu dizkioten sentsazioetan inspiratuta, eta bere bizitzan zehar eta musikari gisa izandako bizipen pertsonaletan inspiratuta, Folk estilo propioa sortzen du, popa eta rocka ukituz, zortzikoak, gigak, reelak, habanerak eta Erdi Aroko erritmoak konbinatuz.
Errepertorioko kantu gehienak originalak dira, folk abesti propioak, batez ere euskaraz, bi ahotsetan interpretatuak eta gitarra akustikoarekin, biolinarekin eta kaxoi flamenkoarekin lagunduak. Bertsolarien, itzultzaileen, poeten eta musikari eskarmentudunen laguntza izan da proiektua sortzeko.
- Itziar Martínez (ahotsa eta panderoa)
- Esther Gabiola (biolina)
- Niko Brochado (ahotsa eta gitarra akustikoa)
- Joseba Tapia (kaxoi flamenkoa)
GORRONDATXE interes handia pizten ari da bere originaltasunagatik eta jorratzen dituen gaiengatik (genero-berdintasuna, aldarrikapena, gai filosofikoak eta bizipen pertsonalak). Bere musika askotariko publikoari zuzenduta dago, eta proiektu osoak genero-ikuspegia, kulturartekotasuna, irisgarritasuna eta publiko desberdinak integratzeko gaitasuna eskaintzen ditu.
Proiektua berria bada ere, Gorrondatxek behin baino gehiagotan jo du eta hainbat kolaborazio izango dituen disko bat grabatzen ari da.
Sarrerak: 5€ leihatilan ekitaldiaren egunean 17:30etik aurrera.
