Zugatzarteko berrurbanizatze lanak Fase 1

 Zugatzarte Etorbidea berrurbanizatzeko 1. fasea, oinezkoen ibilbidearen baldintzak hobetzeko (2017/09/29)

Areetako Zugatzarte Etorbideko oinezkoen ibilbidearen baldintzak hobetuko dira Udalak pasealeku hori berrurbanizatzeko gauzatuko duen proiektuari esker, Udal Gobernuak (EAJ-PNV eta PSE-EE) eta PPk adostutako hitzarmenaren emaitza. Pasealekua, getxotarrek gozatzeko asko erabiltzen dutena, proiektu horren jarduketa nagusia izango da; proiektua gauzatzeko epea bi hilabetekoa izango da eta bere aurrekontua 70.000 eurokoa da. Gaur egun, espedientearen tramiteak egiten ari dira lanak esleitzeko.

Lehenengo fase honetan bi tokitan egingo dira lanak: Club eta Andrés Larrazabal kaleen arteko zatian eta Zugatzarte etorbidearen eta El Pinar kalearen elkargunean. Lehenengoan, espaloia zabaldu eta zolatuko da eta bertan dauden zeharkako maldak erregularizatuko dira. Halaber, zazpi banku berri ipiniko dira, luzera desberdinekoak, diseinu irisgarria izango dutenak eta euskarri hormigoizko bankada bat izango duena.

Bigarrenean, beste bi jarduketa egingo dira: horietako bat, jolaslekuan irisgarritasuna hobetzeko, espaloi aldean (horretarako, egungo sarrera bota eta berri bat egingo da); eta bederatzi banku ipiniko dira, horiek ere irisgarriak. Bigarren jarduketa puntual batek Zugatzarte eta El Pinarren elkarguneko eskumako aldean izango du eragina, espaloiko zoladura zati bat, berdegunean dagoena, desegingo baita, berdegune hori erregularizatuta gera dadin.

Azkenik, bost banku berri kokatuko dira Club eta El Pinar kaleen arteko tartean, orain daudenak kendu ondoren; arestian aipatutakoaren parekoak izango dira.

Proiektu hau, Zugatzarteko pasealekuko beste alderdi batzuetan dagoeneko eginda dauden lanen jarraipena da, hala nola aurtengo apirilean Andrés Larrazabal eta Club kaleen artean dagoen berdegunea zabaltzeko lanak, hain zuzen ere. Horrenbestez, urratsez urrats ari da Udala pasealeku berezi hori itxuraldatzen eta hobetzen, Areeta auzoko bizilagunen zein udalerri osokoen gozamenerako.

Zugatzarte Etorbidea berrurbanizatzeko lehenengo faseko lanak esleitu dira (2018/01/04)

Gobernu Batzordeak Areetako Zugatzarte Etorbidea berrurbanizatzeko lehenengo faseko lanak esleitu ditu, gune horretako oinezkoen ibilbidearen baldintzak hobetzeko. Lanak laster hasiko dira, proiektua gauzatzeko epea bi hilabetekoa izango da eta bere aurrekontua 70.000 euro ingurukoa da. Jarduketa horren arabera, batez ere, zolatutako guneak lehengoratu eta zabalduko dira, berdeguneak birgaituko dira eta hiri-altzariak berrituko dira. Lan-eremuaren azalera, guztira, 1.500m2koa da. Etorbideko oinezkoen ibilbidea, hartara, hobetu egingo da udalak egingo duen proiektu horri esker. Egitasmoa, gogoratuko denez, udal Gobernuak (EAJ-PNV eta PSE-EE) eta PPk adostutako hitzarmenaren emaitza da.

Lehenengo fase honetako lanak bi tokitan egingo dira: Club eta Andrés Larrazabal kaleen arteko zatian eta Zugatzarte etorbidearen eta El Pinar kalearen elkargunean. Lehenengoan, espaloia zabaldu eta zolatuko da eta bertan dauden zeharkako maldak erregularizatuko dira. Halaber, zazpi banku berri ipiniko dira, luzera desberdinekoak, diseinu irisgarria izango dutenak eta euskarri hormigoizko bankada bat izango duena.

Bigarrenean, beste bi jarduketa egingo dira: horietako bat, jolaslekuan irisgarritasuna hobetzeko, espaloi aldean (horretarako, egungo sarrera bota eta berri bat egingo da); eta bederatzi banku ipiniko dira, horiek ere irisgarriak. Bigarren jarduketa puntual batek Zugatzarte eta El Pinarren elkarguneko eskumako aldean izango du eragina, espaloiko zoladura zati bat, berdegunean dagoena, desegingo baita, berdegune hori erregularizatuta gera dadin.

Azkenik, bost banku berri kokatuko dira Club eta El Pinar kaleen arteko tartean, orain daudenak kendu ondoren; arestian aipatutakoaren parekoak izango dira.

Berrurbanizatzeko lehenengo faseko lanak (2018/02/02)

Astelehenean, otsailak 5, Areetako Zugazarte etorbidea berrurbanizatzeko proiektuaren lehenengo faseko lanak hasi dira egiten, gune horretako oinezkoen ibilbidearen baldintzak hobetuko dituztenak.

Zugazarte etorbidean, Andres Larrazabal eta Klub kaleen arteko zatiko espaloia zabaltzean datzan obra eta 1.500m2ko lan eremuan izango du eragina. Argiztapen-kanalizazio zati bat egitea ere aurreikusten du eta baita eserleku berriak jartzeko oinarriak tarte horretan eta baita Klub eta Pinar kaleen artekoan ere. Aldi berean, Zugazarte etorbide eta El Pinar kaleen artean dauden haurrentzako jolasen gunera heltzeko baldintzak ere hobetuko dira. 

Lehenengoz lanetarako etxolak jarriko dituzte (Zugazarte etorbide eta Klub kaleen artean); lanaren zuinketa egingo dute eta baita oinezkoentzako behin behineko bidea ere Klub kaletik Andrés Larrazabal kaleraino, merkataritza gunera heltzeko pasabide batekin. 

70.000€ inguruko aurrekontua duten lanen iraupena bost astekoa izango da, eguraldi baldintzen arabera.  

Proiektuaren bigarren fasea onartuko du laster Tokiko gobernu batzarrak, Klub kaletik Biscaytik eraikinaren sarreraino. Egitasmoa udal Gobernuak (EAJ-PNV eta PSE-EE) eta PPk adostutako hitzarmenaren emaitza da. 

Zugatzarteko berreurbanizatze 2. fasea

Irailak 20, Zugatzarte etorbideko berrurbanizatze proiektuaren 2. faseko obrak hasiko dira. Lan hauek egitea aurreikusi da: Klub kalearen eta etorbide bereko 28. zenbakiaren arteko espaloia handitzea, argiteria eta euri uren sarea kanalizatzea, eta eserlekuak instalatzeko oinarri berriak jartzea.

Lehen fasean obrako etxolak jarriko dira eta oinezkoentzako behin-behineko bide bat egingo da, etxebizitzetara eta ibietara sarbidea izateko. Obren egikaritze epea 9 astekoa da, baina aldatu egin ahal izango da eguraldiaren arabera.

Udalak barkamena eskatzen du lan horiek eragin ditzaketen eragozpenengatik.

 

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +