Berriak

Getxo MEETING

2019/02/07

Anima zaitez Getxo MEETING saioan parte hartzera!

Topaketa, zuk bezala, negozio propioa daukaten edo jartzeko asmoa duten eta aurrera egiten jarraitu nahi dutenentzat.

Bi ostegunetik behin, 14:30etik 16:30era, Getxo Elkartegian (Ogoño kalea, 1, 48930, Areeta – Getxo) izaten da. Dohainik da. Pintxoa eta kafea barne, bazkaldu gabe bazatoz. Hori bai, plaza gordetzea beharrezkoa da, getxopro@getxo.eushelbidera idatziz edo 94 466 01 40 telefono-zenbakira deituz, esperientzia honetan parte hartzeko. Zain izango gaituzu.

Hurrengo saioetako edukia aurreratuko dizugu: Badakizu hamabost egunean behin egiten ditugun saio tematikoak direla. Dinamizatuak dira, zure negoziorako etekin handiena ateratzeko.

Informazio gehiago: http://www.getxo.eus/eu/getxolan/noticias/218  #GetxoMEETING

OTSAILAK 28

Garatu ezazu ideia bat hainbat bertsiotan.

Zure negozioa, zerbitzua edo produktua hobetzeko ideia bat baldin badaukazu, modu desberdinetan gara dezakezu, horrela, zure beharrizanei hobekien egokitzen zaion aukera hautatzeko askatasun handiagoa izango duzu. Ideia bera bertsio desberdinetan garatzeko behar den sormena martxan jarriko dugu, hartara, zure helburu estrategikoetara hobeto egokitzen zaiona aukeratu dezazun.

Informazio gehiago

MARTXOAK 14

Begiratu berriz ere zure negozio eredua, aldakorra da eta.

Berrikustea, behin eta berriz begiratzea, berezkoa da edozein enpresarentzat. Izan ere, etengabe eboluzionatzen ari den organismoa da; horrenbestez, tartean behin bere osotasunari erreparatu behar zaio, 360 graduei. Zenbait arlo beste batzuk baino gehiago garatuko zenituen, eta, agian konturatu barik, hasierako negozio ereduaren zenbait alderdik beste forma bat hartu dute, ez dena zuk prestatutako bera. Normala da, baina kontuz; gelditu eta horri buruz pentsatzea komeni da, bidea ez dezan inertziak marraztu eta erabaki kontzienteagoak hartzeko gai izan zaitezen.

Informazio gehiago

 

Urtarrilaren 31ko Getxo MEETINGa

 Zure estrategia komertziala, paperean hobeto.

“Zehaztu ezazu hobeto zure estrategia komertziala” saiora etorri edo ez, argitalpen hau ondo datorkizu 2019ko planaren inguruan hausnartzeko eta, horrela, gehiago eta hobeto saltzeko.

Gorde tarte bat, arkatza eta papera hartuta, hiru ariketa hauek egiteko. 59 minutu nahikoa izango dira.

1. ERRETRATU ROBOTA. Gehien erosten duen edo erosiko duen horren alegiazko profila.

Asmatutako profil bat sortuko dugu, zure produktuak erosten edo kontratatzen dituen bezero hori ordezkatuko duena.

  • Nola du izena?
  • Adina (ez du balio 18 eta 80 urte artekoa dela esatea; zure produktu gehien eta hobekien erosiko dituen bezeroaren profila zehaztu, zure produktuekin hobeto identifikatzen dena eta egiten duzuna eta egiteko modua baloratzen dituena). Hamar urteko adin-tarte bat defini ezazu.
  • Non bizi da?
  • Zer ardura ditu? (lagunkoia al da? Zer interesatzen zaio?)
  • Zer ekitalditara joaten da? Halako alderdiak jakiteak pertsona horrekin bat egiteko balioko dizu.
  • Zuk konpondu dezakezun zer beharrizan dauka?
  • Bere alegiazko aurpegia marrazteak pertsona hori nor den kontuan hartzen lagunduko dizu

2. AURREKO URTEKO ERREPASOA.

Iazko emaitzek ematen dizkizuten pistak baliatu ditzakezu 2019. urterako erabakiak hartzeko.

Fakturak birpasatu. Zer bezero-motari fakturatu zenion diru gehien? Nor da bezero izar hori?

  • Errepikapena: Nork erosi zuen zerbait? aurten ere eros lezake?
  • Gomendioak: Gogoratu nola iritsi zen bezero hori zurekin interesa izatera. Ahotik ahorakoaren bidez? Zer egoerek eragin zuten pertsona horrek zure produktuak erostea?
  • Dagoeneko zerbait erosi dizunari zerbitzu/produktu gehiago saltzerik daukazu?  Segur aski, dagoeneko kontratatu zaituen horrek konfiantza dauka zugan, eta harekin kontaktua ez galtzeak bere beharrizanak ezagutzeko aukera eman diezazuke.

3. MARRAZTU ZURE PLANA:

  • Jarri zifra bat. Zenbat diru-sarrera izan nahi dituzu 2019an? Zenbateko bat jartzeak beldurra eman dezakeen arren, funtsezkoa izan daiteke zure burua motibatzeko, ekintzari ekiteko eta zure eginkizunaren ardura hartzeko. “Nire enpresak 2019tik aurrera (zifra eurotan) fakturatuko ditu”.  Horrela ulertuko duzu lotsa, nagikeria eta beldurra alde batera utzi behar dituzula, zure helburuak lortzearen alde lan egiteko.  Pentsatu zer lortu nahi duzun eta nola lortuko duzun.
  • Marraztu mapa mental bat. Lau atal nahikoa izango dira.
  1. Fidelizatzea, nor den eta zer nahi duen jakitea.
  2. Bezero berriak ezagutzea, nortzuk diren eta nola ezagutuko dituzun.
  3. Funtsezko kontaktuak, zure produktuak erosiko ez dituzten pertsonak baina garrantzitsuak izan daitezkeenak, bezero berriei buruzko informazioa jasotzeko edo zure lanean erabakigarriak izan daitezkeen berrikuntzen berri izateko.
  4. Kontaktuak eta bezeroak berreskuratzea, zeinekin harremanik ez duzun dagoeneko.

Enpresa edo erakundeekin lan egiten baduzu, buruko mapa horretan erakundeetan dituzun kontaktuen izen zehatzak idaztea komeni zaizu. Segurtasuna zureganatzen, ekintzara igarotzen eta telefonoz deitzen lagunduko dizu. Erakundeen izen handien atzean izen-abizenak dituzten eta beharrizan zehatzak dituzten pertsonak daude. 

Lan hau egin ostean argiago ikusten duzu dena, ezta?

Hurrengo Getxo Meetingean ikusiko dugu elkar.  Zure negozioarentzat benetan garrantzitsua dena lantzeko saio profesionalak.

Izena eman ezazu Getxolanen edo deitu telefonoz.

 

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +