Berriak

Getxo MEETING

2018/06/06

Getxo MEETING topaketei ekingo diegu gogoz, oporren atsedenaren ondoren!

Zu bezala, negozio propioa daukaten eta aurrera egiten jarraitu nahi dutenentzako topaketa.

Udako etenaldiaren ondoren, hurrengo saioetako edukia aurreratuko dizugu: Badakizu hamabost egunean behin egiten ditugun saio tematikoak direla. Dinamizatuak dira, zure negoziorako etekin handiena ateratzeko.

Beti bezala, 14:30etik 16:30era, Getxolanen.

IRAILAK 27

Bezero gehiago nahi dituzu edo bezero HOBEAK?

Merkataritzako kudeaketan gai garrantzitsu bat jorratuko dugu inolako ekarpenik egiten ez diguten bezeroak gainetik kentzeko; halaber, gako erabilgarri batzuk zehaztuko ditugu benetan interesatzen zaigun profila aurkitze aldera. Ziur dekalogo bat lortuko dugula ekarpen guztien artean.

Informazio gehiago 

URRIAK 11

Geure burua grabatuko dugu? Zure negozioari buruzko eduki erabilgarria lortu (partekatzeko edo entseatzeko).

Aditu bezala irudikatzen gaituzten bideo laburrak entseatu eta grabatuko ditugu, Interneten ikusgai jar dezazun eta zure sektoreko profesional gisa duzun posizionamendua hobetu dezazun. Eta edukia igotzera ausartzen ez bazara, gutxienez bideo bidez komunikatzeko zenbait gako ikasiko dituzu.

Informazio gehiago

URRIAK 25

Mikrohitzaldien txanda: Zure produktua/zerbitzua/enpresa aurkez ezazu 6 minutu eta 30 segundotan. 

Zure produktu edo negozio berria aurkeztu eta beste pertsonen feedback-a lortu. Horrela, oraindik pentsatu ez dituzun alderdiak agertuko dira, baita zure bezeroek seguruenik izango dituzten zalantzak ere. Hori guztia elkarrekin ikasteko giro lagunkoian.

Informazio gehiago

 
Getxo MEETING hamabost egunean behin egiten dugun batzarra da, negozio propioa duten pertsonekin eta udalerriko enpresekin. Bi ostegunetik behin, 14:30etik 16:30era, Getxo Elkartegian (Ogoño kalea, 1, 48930, Areeta – Getxo). Dohainik da. Pintxoa eta kafea barne, bazkaldu gabe bazatoz. Hori bai, plaza gordetzea beharrezkoa da, getxopro@getxo.eushelbidera idatziz edo 94 466 01 40 telefono-zenbakira deituz, esperientzia honetan parte hartzeko. Zain izango gaituzu.

Informazio gehiago: http://www.getxo.eus/eu/getxolan/noticias/218

 

Horixe ikasi genuen ekainaren 21eko Getxo MEETING saioan merkataritza arloko elkarrizketei dagokienez.

Saio guztietan bezala, uda aurreko azken saio honetan ere oso enpresa desberdinetako parte hartzaileak izan ziren. Baina badaukate zerbait komunean: den-denak produktuak salduz ateratzen dira aurrera. Edo besteek bertan erosteari esker.

Mahai gainean jarri genituen zenbait gako plazaratu nahi ditugu:

  1. Ahoz ahokoa: sistemarik motelena eta eraginkorrena da.
  2. Atetik sartzen denak badu zerbait gogoan, horretaz jabetu ez bada ere. Deskubritzea da kontua.
  3. Medikuntzaren alorrean anamnesi deitzen dena, hau da, gaixoaren historialaren inguruan galdetzea, edozein sektoretan aplikatu beharko genukeen ohitura bat da. Galdetuz gauza asko deskubritu ditzakegu, zer behar duen eta nola behar duen, besteak beste. Eta gero eta informazio gehiago izan orduan eta errazago asmatuko duzu gauza egokiena eskaintzen.
  4. Ez itotzea garrantzitsua da, baina bezeroa bere kabuz moldatzen uztea ere ez da inorentzat ona. Izan ere, emozioz eta erabaki egokia hartzeko beldurrez betetako prozesua da erostea, eta prozesu hori zeuk erraztu behar diozu.
  5. Erosi ondoren, erabaki zuzena hartu dela berretsi behar da.
  6. Bezeroak ateratzeko bi ate ditu. Exit (banoa) edo Exitoa (erosi duelako). Baina kontua ez da hor bukatzen. Norbaitek zerbait erosi badu baina ez badu sentitzen erabaki zuzena hartu duela, zer gertatzen den jakin behar da, akatsak zuzentzeko edo hortik ikasteko.
  7. Salmenta ona izan bada zenbait amaiera ditu aukeran: bezeroa fidel bihurtzen da, edo bezero horrek saltokia beste pertsona bati gomendatzen dio. Eta bueltatuz eta, gainera, saltokia beste norbaiti gomendatzen badio, benetan helburua beteko dugu. (Eta lehen puntura itzultzen gara, ahoz ahokoa!).
Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +