Getxoko Euskararen Aholku Batzordea

aholku batzordea

Getxoko Udaleko Gobernu Batzak 2013ko uztailaren 23ko ohiko batzarrean onartu zuen Getxon Euskara Sustatzeko III. Ekintza Plana (ESEP, aurretik EBPN) eta Udaleko IV. Erabilera Plana.

Orokorrean, euskararen normalizazioari begira hartu beharreko neurriei buruz eztabaida piztu eta gaia gizarteratzeko organoa da Aholku Batzordea. 2003an lehengo Plan Estrategikoa onartu zenetik Plan guztiek izan dute Aholku Batzordea eta orain martxan den hau hirugarren Aholku Batzordea da.

Aholku Batzordeko partaideak, udalerriko bizitza soziala ondo ezagutzen duten eta bakoitzak bere esparruan euskararenganako sentsibilitatea duten pertsonak izaten dira. Imanol Landa Alkatearekin eta Koldo Iturbe Euskara zinegotziarekin batera, hurrengo kideek osatzen dute: Gotzone Agirre, Matxalen Amas, Rozio Luces, Kontxi Zuazubiskar, Idurre Iturriotz, Laura Lapeyra, Jabi Onaindia, Edorta España, Jon Azkargorta eta Jon Atxa.

Aholku Batzordeak honako zereginak ditu:

  • Udalari EuskaraSustatzeko ekintza Plana (ESEP) garatzen laguntzea, alegia, udalerriko plan estrategikoa garatzeko aholkuak, iradokizunak eta ideiak ematea. Planean onartutako ekintzak esparru bakoitzean hobeto txertatzeko bideak proposatzea.
  • Onarturiko plan estrategikoa garatzeko urteko kudeaketa-planaren eta egitasmoen jarraipena egitea.
  • Udalaren Erabilera plana garatzen laguntzea: aholkuak ematea eta proposamenak egitea.
  • Getxoko Udaleko EuskaraZerbitzuak abian ipintzen dituen diru-laguntza deialdietako oinarrien gaineko iritzia ematea eta iradokizunak egitea.
  • Oro har, Getxoko Udalak EuskaraZerbitzuaren eskariari jarraituz, Getxoko udalerrian euskararen erabilera normalizatzeko lanekin zerikusirik duten gaiak aztertzea.

Getxoko Aholku Batzordeak egituraketa hau izango du:

  • BATZORDE OSOA: arestian aipatutako pertsonek osatzen dute.
  • LAN TALDEAK: ESEPek jarrita dituen helburuen inguruan hobeto aritzeko lan taldeetan jarduteko aukera zabalik geratzen da.

Dekretu arautzailea

Esta web utiliza cookies, puedes ver nuestra política de cookies, aquí Si continuas navegando estás aceptándola
Política de cookies +